Jeremías 31:2 - Q'eqchi Bible

² Jo'ka'in kixye li Qaawa': “Sa' li chaqich'och' kiwil xtoq'ob'aal ru li tenamit li kikole'k chiru li kamk. Naq laj Israel yo xsik'b'al jun li na'ajej taahilanq wi',

Li Santil hu

² Quixye ajcuiꞌ li Ka̱cuaꞌ: —Eb li incꞌaꞌ teꞌcamsi̱k saꞌ li ple̱t tincuil xtokꞌoba̱l ruheb nak cua̱nkeb saꞌ li chaki chꞌochꞌ. La̱in tinqꞌueheb laj Israel chi hila̱nc chiru li raylal li yo̱queb chixcꞌulbal.

Jeremías 31:2 ပူးပေါင်းရင်းမြစ်များ

Salmos 95:11

Jo'kan naq kinye rik'in jurament sa' linjosq'il: «Maajoq'e te'ok sa' linhilob'aal!»”.

Números 10:33

Jo'kan naq ke'elk sa' li xtzuul li Qaawa', ut oxib' kutan ke'b'eek. Li xLoq'laj Kaaxil li Sumwank k'amol b'e chiruheb', chiru li oxib' kutan, yo xsik'b'al b'ar naru te'hilanq.

San Mateo 11:28

“Chalqex wik'in chejunilex li lub'luukex ut tawajenaqex xb'aan leeriiq, ut laa'in texinhiltasi.

Deuteronomio 1:33

ut a'an chaq laj k'amol eeb'e ut naxsik' li na'ajej b'arwi' texhilanq: chiru q'oqyink nekexkutanob'resi rik'in xam, ut chiru li kutan nekexb'eres rik'in li choql.

Jeremías 2:2

“Ayu ut jap aawe chi aatinak sa' xxikeb' laj Jerusalén: Jo'ka'in xye li Qaawa': Nakatjultiko'k we naq sa' laasaajilal jwal k'ojk'o laach'ool chiwix. Q'axal kinaara naq kinsumlaak aawik'in, ut kinaataaqe sa' li chaqich'och', sa' li joxk' na'ajej b'arwi' maak'a' nayo'laak.

Salmos 78:52

Kama'eb' li karneer naq kirisi chaq li xtenamit, jo'keb' ketomq naq kixb'eresiheb' sa' li chaqich'och'.

Deuteronomio 12:9

xb'aan naq toj maji' nekexwulak sa' li na'ajej b'arwi' texhilanq sa' xyaalal, a' li toxeereechani sa' xk'ab'a' li Qaawa'.

Deuteronomio 8:16

ut katxch'oolani sa' li chaqich'och' rik'in li maná li ink'a' xnawomeb' ru laana' laayuwa'. Kixkub'si aawankil ut kixyal aawix re naq moqon tixk'e xsahil laach'ool.

Deuteronomio 2:7

Xb'aan naq li Qaawa' laaYos xatrosob'tesi sa' chixjunil laak'anjel; xatril chiru laab'eenik sa' li nimla chaqich'och' a'in, ut ak ka'k'aal chihab' anaqwan naq li Qaawa' laaYos wank aawik'in chi maak'a' xmajelo'k aawe.

Deuteronomio 1:30

Li Qaawa' leeYos a'an laj k'amol eeb'e, ut a'an taayaloq cherix, jo' kixb'aanu aran Ejiipt

Números 14:20

Kichaq'ok li Qaawa' ut kixye: “Tinkuyeb' xmaak jo' xaye we.

Éxodo 33:14

Kichaq'ok li Qaawa' ut kixye re: “Laa'in tin'ochb'eeninq aawe ut tatink'e chi hilank”.

Éxodo 1:22

jo'kan naq laj Parahón kixk'e li chaq'rab' a'in re chixjunil li tenamit: “Chixjunileb' li kok' teelom li te'yo'laaq kutumaqeb' sa' nima'; a'ut eb' li kok' ixqa'al chekanab'eb' chi yo'yo”.

Éxodo 1:16

Kixye reheb': “Naq teerileb' li ixq aj hebreo, chek'e reetal chi us ma teelom malaj ixq li k'uula'al: wi teelom li k'uula'al taayo'laaq, chekamsi; wi ch'ina ixqa'al, chekanab'aq chi yo'yo”, chan.

Éxodo 12:37

Eb' laj Israel ke'elk aran Ramsés sa' xjayal Sukot: lajeek'aal xkab' o'q'ob' mil (600,000) tana li winq li koheb' chi roq, ink'a' k'eeb'ileb' sa' ajl eb' li kok'al.

Éxodo 5:21

ut ke'xye reheb': “Li Qaawa' taxaq chik'ehoq reetal li k'aru xeb'aanu ut chiraqoq aatin sa' eeb'een. Eemaak laa'ex naq laj Parahón ut eb' laj k'anjel chiru yookeb' xjosq'il sa' qab'een. Tz'aqal laa'ex xexk'ehok jun ch'iich' sa' ruq'eb' re naq toohe'xkamsi”.

Éxodo 2:23

K'iila kutan chik xnumik a'an kikamk li awab'ej re Ejiipt. Japjookeb' re chi yaab'ak ut chi q'oqonk eb' laj Israel xb'aan li xnimal rahilal yookeb' chi xk'ulb'al aran naq wankeb' chi munil, ut li xq'oqeb' kitaqe'k toj rik'in li Yos.

Josué 1:13

“Chijultiko'q eere li kixye chaq eere laj Moisés, aj k'anjel chiru li Qaawa': «Li Qaawa' leeYos tixq'axtesi eere li ch'och' a'in re texhilanq wi'», chan laj Moisés.

Oseas 11:4

Rik'in rahok ut q'unil ch'oolejil kink'ameb' chaq wik'in, chanchanin li naxmutzu li xk'uula'al. Kink'utzub' wib' re xk'eeb'al xwaheb',

Ezequiel 20:35

Texink'am sa' li chaqich'och', chi najt rik'in chixjunileb' li poyanam, ut aran too'aatinaq ut tinraqoq aatin sa' eeb'een, jo' naq kinraqok aatin sa' xb'eeneb' leena' leeyuwa' sa' li chaqich'och' sa' xteepal Ejiipt -chan li Qaawa'-.