Jeremías 31:11 - Q'eqchi Bible

¹¹ Xb'aan naq li Qaawa' xkolok reheb' laj Israel, ut xrisiheb' chaq rub'el xwankil jun tenamit li q'axal kaw rib'.

Li Santil hu

¹¹ Li Ka̱cuaꞌ ta̱colok reheb li ralal xcꞌajol laj Jacob. Aꞌan ta̱colok reheb saꞌ rukꞌeb li kꞌaxal cauheb rib chiruheb aꞌan.

Jeremías 31:11 ပူးပေါင်းရင်းမြစ်များ

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

Isaías 48:20

Elenqex chaq sa' li tenamit Babilonia, elelinqex chiruheb' laj Kaldeha. Yehomaq li esil a'in chi sa sa' eech'ool, puktesihomaq toj sa' xmaril li ruuchich'och'; yehomaq a'in: “A' li Qaawa' xkolok re laj Jakob, laj k'anjel chiru”.

Isaías 44:23

At choxa, jap aawe xb'aan xsahil aach'ool sa' xk'ab'a' li xb'aanuhom li Qaawa'. B'ichanqex, sahoqex, ex xchamal li ruuchich'och'! Ex k'iche' ut ex tzuul eerochb'een chixjunileb' li che', pisk'onqex xb'aan xsahil eech'ool, xb'aan naq li Qaawa' xk'ut li xloq'al chiru laj Israel naq xkoleb' li ralal xk'ajol laj Jakob.

Jeremías 15:21

Tatinkol sa' ruq'eb' li ink'a' useb' xna'leb' ut tatwisi rub'el xwankileb' li josq' aj winq”, chan li Nimajwal Yos.

Isaías 49:24

Ma naru tab'i' xmaq'b'al li k'aru xreechani junaq kaw rib'? Malaj naru chi elelik junaq preex chiru li josq' aj winq?

Salmos 142:6

At inYos, aawik'in nintz'aama intenq'ankil ut ninye naq laa'at linsaqoonak; laa'at linmaatan sa' li ruuchich'och' a'in.

San Mateo 20:28

Kama' naq li K'ajolb'ej moko xchalk ta chi k'anjelaak ru, re b'an k'anjelak ut re xk'eeb'al li xyu'am re xkolb'aleb' rix chixjunileb'.

San Mateo 12:29

“Chanru naq taa'ok junaq sa' rochoch li winq kaw rib' re xmaq'b'al li k'aru wank re, wi ink'a' ta xb'enwa tixb'ak' li kaw rib'? Toja' naq tixjuk'i xsa' li rochoch.

San Mateo 22:29

Kichaq'ok li Jesus ut kixye reheb': —Tik sachenaqex xb'aan naq ink'a' neketaw ru li Santil Hu, chi moko neketaw ru li xwankil li Yos.

Oseas 13:14

Ma tinkol tab'i' chiru li muqleb'aal kamenaq? Ma twisi tab'i' sa' ruq' li kamk? At kamk, b'ar wank laawankil? B'ar wank laatiq'leb', at muqleb'aal kamenaq? Ink'a' twil xtoq'ob'aal ru laj Efraín.

Jeremías 50:33

“Eb' laj Israel ut eb' laj Judá yo xrahob'tesinkileb'; chixjunileb' li xik' neke'ilok reheb' ink'a' neke'xkanab'eb' chi elk.

Éxodo 15:16

“Xiw ut yot'ik ch'oolej kinaqk sa' xb'eeneb'. At Qaawa', li xwankilal laatel kixpekob'resiheb' toj reetal kinume'k laatenamit, toj reetal kinume'k li tenamit a'in li xayoob'tesiheb'.

Isaías 51:11

Jo'ka'in naq te'sutq'iiq chaq li te'kole'q xb'aan li Qaawa', yooqeb' chi b'ichank naq te'ok Sión. Li rahilal ut li yaab'ak taasachmanq chi junajwa; numtajenaqaq li xsahil xch'ooleb', ut a'an taak'utunq tz'aqal sa' xnaq' ruheb'.

Jeremías 50:34

Ab'an laj Kolol reheb' a'an jwal kaw rib': Nimajwal Yos naxk'ab'a'in. A'an taa'okenq chi xkolb'aleb' toj reetal taawanq li tuqtuukilal sa' ruuchich'och' ut te'rahob'tesiiq li wankeb' Babilonia”, chan li Qaawa'.

Zacarías 9:16

Sa' li kutan a'an li Qaawa', li xYoseb', tixb'eresi li xtenamit jo'eb' li karneer; chanchanaqeb' li saqpotz'inkil pek re junaq koroon naq te'k'eemanq xloq'al sa' li xna'ajeb'.

Isaías 49:25

Li Qaawa' naxye naq naruuk: “Eb' li wankeb' chi preexil te'maq'e'q chiru li kaw rib', ut li reechanihom li josq' aj winq taa'eleliq chiru. Laa'in tinyaloq rik'ineb' li te'raj yalok aawik'in, ut tinkoleb' laawalal aak'ajol.

Lamentaciones 3:58

At Qaawa', xinaatenq'a ut xakol linyu'am.