Jeremías 31:10 - Q'eqchi Bible

¹⁰ “Ex xninqal ru tenamit, ab'ihomaq li raatin li Qaawa' ut yehomaq resil toj chi najt, sa'atqeb' li na'ajej wankeb' chire li palaw: «Li xcha'cha'ink reheb' laj Israel, tixch'utub'eb' wi' chik ut taarileb' jo' naq laj k'aak'alenel ketomq narileb' li xkarneer».

Li Santil hu

¹⁰ Ex tenamit, abihomak ra̱tin li Dios ut yehomak resil reheb li tenamit li cuanqueb chire li palau. Li jun li quijeqꞌuin reheb laj Israel tixchꞌutub cuiꞌchic ruheb ut aꞌan ta̱ilok reheb joꞌ nak laj ilol xul naril lix carner.

Jeremías 31:10 ပူးပေါင်းရင်းမြစ်များ

Isaías 40:11

Jo' junaq aj ilol ketomq, naxb'eresiheb' li xkarneer; naxq'alu eb' li xkok' karneer ut naxq'uneb', ut naxk'eheb' chi hilank li toja' xe'alank.

Ezequiel 34:12

Jo' naq laj ilol ketomq naxk'e xch'ool chirixeb' li xketomq xe'xcha'cha'i rib'eb', jo'kan tinb'aanu laa'in reheb' linketomq; twisiheb' chaq sa' chixjunileb' li na'ajej xe'sachk wi' sa' jun rahil kutan ut aak'ab' ru.

Isaías 66:19

Tinb'aanu jun nimla eetalil sa' xyanqeb', ut wanqeb' li te'kole'q ut tintaqlaheb' sa'atqeb' li najtil tenamit: aran Tarsis, Etiopía, Libia, Mesek, Tubal ut Grecia, jo' ajwi' sa'atqeb' li tenamit wankeb' chaq chire palaw, li toj maji' rab'ihomeb' aatinak chiwix chi moko rilomeb' linloq'al. Eb' a'an te'puktesinq resil linloq'al sa'atqeb' li najtil tenamit.

Deuteronomio 30:4

Us ta cha'cha'inb'ilex toj sa' xmaril li ruuchich'och', aran ajwi' tolexxok li Qaawa' leeYos ut taachalq chesik'b'al.

San Juan 11:52

ut moko ka'aj ta wi' chirix li tenamit, re aj b'an wi' xch'utub'ankil sa' junajil eb' li ralal xk'ajol li Yos li neke'cha'chotk.

San Juan 10:27

Eb' linkarneer neke'rab'i xyaab' inkux; laa'in nekeb'innaw ru ut eb' a'an nikine'xtaaqe.

Sofonías 3:19

K'e reetal, sa' li kutan a'an tinsach ruheb' chixjunileb' li neke'rahob'tesink aawe. Tintenq'aheb' li karneer li yeq roqeb' ut tinxok chaq li sachenaq. Tinterq'usi leeloq'al ut leek'ab'a' sa' chixjunil li na'ajej b'arwi' xek'ul rahilal.

San Lucas 12:32

“Mexxiwak li jun ch'ina ch'uutex linkarneer, xb'aan naq xwulak chiru leeYuwa' xk'eeb'al eere li xnimajwal awab'ejihom.

Zacarías 9:16

Sa' li kutan a'an li Qaawa', li xYoseb', tixb'eresi li xtenamit jo'eb' li karneer; chanchanaqeb' li saqpotz'inkil pek re junaq koroon naq te'k'eemanq xloq'al sa' li xna'ajeb'.

Sofonías 2:11

Q'axal xiwajel tixb'aanu li Qaawa' reheb' naq chixjunileb' li jalanil yos sa' ruuchich'och' te'kanaaq chi maak'a'aq chik xwankileb', ut chiru chik li Qaawa' te'xwiq'ib' rib' chixjunileb' li na'ajej sutsuukeb' xb'aan li palaw, sa' xna'aj xna'aj li junjunq.

Miqueas 5:4

Li awab'ej tixb'eresi li xtenamit rik'in li xwankil ut xloq'al li Qaawa', li xYos. Ut chaab'il chik te'wanq, xb'aan naq li Qaawa' sut-nimanb'ilaq ru, toj sa' xmaril li ruuchich'och'.

Miqueas 4:6

Xyehom li Qaawa': “Sa' li kutan a'an teb'inxok chaq linkarneer li yeq ra'eb'; tinch'utub'eb' li cha'cha'inb'ileb' ut li xinrahob'tesiheb'.

Miqueas 2:12

Ok we chi xch'utub'ankil chixjunil li xtenamit laj Jakob; twaj tinxok li rela'eb' laj Israel. Tinch'utub'eb' jo' na'uxk reheb' li karneer sa' li koral, jo' na'uxk reheb' li ketomq sa' li pach'aya'; ut tz'aapixikaq rab'inkileb' xb'aan xk'ihaleb'.

Ezequiel 37:24

Laj David, laj k'anjel chiwu, a'an taa'awab'ejinq ut taab'eresinq re chixjunileb'. Te'ab'inq chik chiwu ut te'xpaab', te'xyu'ami li waatin ut linchaq'rab'.

Ezequiel 20:34

Texwisi sa' xyanqeb' li tenamit b'arwi' cha'cha'inb'ilex ut texinch'utub' rik'in xnimal inwankil ut sa' josq'il.

Ezequiel 11:16

Jo'kan naq ye reheb': «Jo'ka'in naxye li Qaawa': Us ta xe'wisi sa' li xna'ajeb' ut xeb'incha'cha'i sa' xyanqeb' li jalanil tenamit, ab'anan yal jun k'amok ajwi'. Anaqwan laa'inaq chik li santil ochoch cho'q reheb' a'an sa'eb' li tenamit b'arwi' xoxe'kanaaq».

Ezequiel 5:10

Wanqeb' na'b'ej yuwa'b'ej te'xtiw eb' li ralal xk'ajol ut wanqeb' alal k'ajolb'ej te'xtiw li xna' xyuwa' sa' eeyanq. Tinraqoq aatin sa' eeb'een, ut tincha'cha'iheb' junsut junrub'el choxa jo'k'ihaleb' li xe'kole'k.

Ezequiel 5:2

Jun jachal laawismal taak'at sa' xyi li tenamit naq taaraqe'q xsutb'al rix Jerusalén. Li jun jachal chik taaxok ut taaseti chi ch'iich' chi junqre li tenamit; ut li rox jachal taakut sa' iq'. Toja' naq laa'in twaanilasiheb' chi ch'iich' eb' li poyanam.

Jeremías 50:19

Israel taasutq'iiq chaq wi' chik sa' li xch'och', ut chanchan junaq karneer sa taatzekanq aran Karmeel ut Basán, jo'wi' sa'atqeb' li k'iche' re Efraín ut Galahad, toj reetal taak'ojlaaq xch'ool.

Jeremías 50:17

“Israel chanchan li karneer sachenaq, aanilasinb'il xb'aaneb' li kaqkoj. Xb'enwa xsache'k xb'aan li awab'ej re Asiria; chirix chik a'an, laj Nabukodonosor, li awab'ej re Babilonia, xchoyok re.

Jeremías 25:22

chixjunileb' li awab'ej re Tiro ut Sidón; eb' li awab'ej li wankatqeb' chaq chire li palaw;

Isaías 60:9

A'aneb' li jukub' li xe'chalk wik'in, k'amolb'eheb' chaq li jukub' re Tarsis; toj najt xe'xk'ameb' chaq laawalal aak'ajol rochb'eeneb' chaq xplaat ut li x'oor, sa' xk'ab'a' li Qaawa' laaYos, li xSant laj Israel, li nak'ehok aaloq'al.

Isaías 54:7

Jun k'amok xatinkanab', ab'an rik'in xnimal xchaab'ilal linch'ool tatink'am wi' chik wik'in, -chan laaYos-.

Isaías 42:10

B'ichahomaq junaq ak' b'ich cho'q re li Qaawa'; k'ehomaq xloq'al laa'ex li wankatqex chaq sa' xmaril li ruuchich'och', laa'ex li nekexxik chiru li palaw jo'wi' chixjunil li wank chisa', eb' li na'ajej sutsuukeb' chi ha' ut eb' li xpoyanamil.

Isaías 42:4

Ink'a' taahilanq chi moko taach'inanq xch'ool toj reetal tixk'ojob' li k'ulub'ej junsut junrub'el choxa. Ut rik'in a'an xaqxooq li royb'enihomeb' li tenamit sutsuukeb' chi ha'.

Isaías 41:1

Ch'anab'aq eek'ank, ex tenamit li wankatqex chire li palaw; kawaq eech'ool, ex tenamit. Jilonqex chaq re naq too'aatinaq chi us, qach'utub'aq qib' chiqajunilo chi raqok aatin.

Isaías 27:12

Naq taawulaq li kutan a'an, li Qaawa' tixsik'eb' chaq li poyanam chalen chaq chire li nima' Éwfrates toj chire li nima' re Ejiipt, jo' naq na'isiik rix li triiw; a'ut laa'ex aj Israel texxoke'q chejunjunqalil.

Isaías 24:14

Eb' li te'kole'q te'xjap re xb'aan xsahil xch'ooleb' sa' xk'ab'a' li xnimal xloq'al li Qaawa', chalen chaq toj chire li palaw.

Salmos 72:10

Eb' li awab'ej re Tarsis ut li wankeb' sa' xyi li palaw che'xk'ameb' chaq xsimaatan. Eb' li awab'ej re Sabá ut Sebá che'xk'e xtojeb'.

Deuteronomio 32:26

“Xb'enwa xink'oxla xcha'cha'inkileb' ut xsachb'al li xk'ab'a'eb' junsut junrub'el choxa.

Génesis 10:5

Rik'ineb' a'in ke'xtikib' tenamito'k eb' li na'ajej sutsuukeb' xb'aan li palaw. A'aneb' a'in li ralal laj Jafet, ak xna'aj xna'aj, ak raatinob'aal raatinob'aal li junjunq, ak riyajil riyajil ut ak xtenamit xtenamit li junjunq.

Levítico 26:33

Texincha'cha'i laa'ex sa' xyanqeb' li tenamit ut texwaanilasi rik'in q'esnal ch'iich'. Leena'aj taasutq'iiq cho'q chaqich'och', ut eb' leetenamit tinkanab'eb' cho'q po'lem.

Salmos 23:1

Xsaalm laj David. Li Qaawa' a'an laj k'aak'alehom we: maak'a' taamajelo'q chiwu.

Proverbios 27:23

Wanq aach'ool chirixeb' laakarneer ut k'e aach'ool chi xch'oolaninkileb' laaketomq,

Isaías 40:1

K'ojob'omaq xch'ool lintenamit, k'ojob'omaq xch'ool -chan li Qaawa' leeYos-.

Isaías 48:20

Elenqex chaq sa' li tenamit Babilonia, elelinqex chiruheb' laj Kaldeha. Yehomaq li esil a'in chi sa sa' eech'ool, puktesihomaq toj sa' xmaril li ruuchich'och'; yehomaq a'in: “A' li Qaawa' xkolok re laj Jakob, laj k'anjel chiru”.

Jeremías 3:15

Tinxaqab' eb' li te'k'aak'alenq eere jo' chanru naraj linch'ool, ut eb' a'an te'ch'oolaninq eere rik'in chaab'il na'leb' ut xseeb'al xch'ooleb'.

Jeremías 23:4

Tinxaqab'eb' aj ilol reheb' re naq te'xch'oolaniheb'; chi jo'kan maak'a' te'xxiwa chi moko taasachq junaq sa' xyanqeb'”, chan li Qaawa'.

Daniel 11:18

Moqon chik taaxik chi yalok rik'ineb' li tenamit wankeb' sa' sutha' ut naab'aleb' li taareechani; ab'anan jun xjolomileb' laj puub' taaq'axoq ru ut tixram li xutaanal b'aanuhem a'in, chi ink'a' chik tixkuy xsumenkil.

Zacarías 2:6

Ayuqex, elenqex chaq sa' li tenamit wank sa' xjayal releb'l iq', chan li Qaawa'. Laa'in xincha'cha'ink eere junsut junrub'el choxa. Elenqex anaqwan.

Salmos 147:2

Li Qaawa' xwaklesi wi' chik Jerusalén, ut xch'utub'eb' laj Israel li xe'cha'cha'iik.

Zacarías 10:8

“Rik'in jun xuxb' teb'inb'oq ut teb'inch'utub' xb'aan naq laa'in xinkolok reheb'; ut q'axal te'tamq wi' chik jo' naq xe'wank chaq junxil.