Jeremías 31:1 - Q'eqchi Bible

¹ “Chiruheb' li kutan a'an laa'inaq li xYos chixjunileb' li ralal xk'ajol laj Israel ut a'anaqeb' lintenamit”, chan li Qaawa'.

Li Santil hu

¹ Li Ka̱cuaꞌ quixye: —Saꞌ eb li cutan aꞌan la̱inak lix Dioseb chixjunileb lix te̱paleb laj Israel ut aꞌanakeb lin tenamit.

Jeremías 31:1 ပူးပေါင်းရင်းမြစ်များ

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Zacarías 13:9

Ut li jun jachal a'in tinnumsiheb' sa' xam, tinch'ajob'resiheb' jo' na'uxk re li plaat, tinpuuxi ruheb' jo' na'uxk re li oor. Toja' naq te'xyaab'a link'ab'a', ut laa'in tinsumeheb' chaq: «Intenamitex laa'ex», cha'qin reheb'; ut eb' a'an te'xye: «Li Qaawa' a'an li qaYos», cha'qeb'”.

Jeremías 30:24

Maajoq'e taach'anaaq xjosq'il li Qaawa' toj reetal tixb'aanu ut tixtz'aqob'resi ru li x'alaak sa' xch'ool xb'aanunkil. Ut a'in ink'a' neketaw ru anaqwan, ab'an teetaw xyaalal sa' junaq kutan.

Jeremías 3:18

“Chiruheb' li kutan a'an eb' laj Israel ut eb' laj Judá te'wanq chik sa' junajil, ut sa' wiib'al chik te'chalq sa'eb' li na'ajej wankeb' chaq sa' xjayal releb'l iq' ut tole'okaq sa' li ch'och' ink'ehom chi reechani eb' leexe'toonil yuwa'.

Hebreos 12:16

Maa'ani taxaq junaq sa' eeyanq ink'a' us malaj eet xna'leb' kama' laj Esaú, li yal rik'in junwa'al chi wa kixk'ayi li xb'een alalb'ejil.

San Juan 20:17

Li Jesus kixye re: —Minaab'ay, xb'aan naq toj maji' nintaqe'k rik'in li Yuwa'b'ej. Ayu wankeb' wi' li wiitz'in ut ye reheb': «Taqe'k we rik'in linYuwa' ut eeYuwa' ajwi' laa'ex, rik'in linYos ut eeYos ajwi' laa'ex».

Ezequiel 39:22

Chalen sa' li kutan a'an, eb' laj Israel te'xnaw naq laa'in li Qaawa', li xYoseb'.

Ezequiel 36:28

Texwanq sa' li ch'och' ink'ehom reheb' leena' leeyuwa'. Laa'exaq lintenamit ut laa'inaq leeYos.

Ezequiel 34:31

Laa'ex linkarneer; laa'ex li walal ink'ajol b'eresinb'ilex inb'aan ut laa'in leeYos”, chan li Qaawa'.

Ezequiel 11:20

re naq te'wanq jo' naxye linchaq'rab', te'xpaab' li waatin ut te'xyu'ami. Chi jo'kan a'anaqeb' lintenamit ut laa'inaq li xYoseb'.

Jeremías 50:4

“Sa'eb' li kutan a'an te'sutq'iiq chaq eb' li ralal xk'ajol laj Israel, rochb'eenaqeb' chaq laj Judá, chi yooqeb' chaq chi yaab'ak naq te'chalq chi xsik'b'al li Qaawa' li xYoseb'.

Jeremías 33:14

“Taawulaq xkutankil -chan li Qaawa'- naq taatz'aqloq ru linyeechi'om reheb' li ralal xk'ajol laj Israel ut laj Judá.

Jeremías 33:7

Tinsutq'isiheb' chaq eb' laj Judá ut eb' laj Israel sa' li xna'ajeb' ut tink'ojob'eb' wi' chik sa' li xtenamiteb' re naq te'wanq jo' naq ke'wank chaq junxil.

Jeremías 32:38

A'anaqeb' lintenamit ut laa'inaq li xYoseb'.

Jeremías 31:33

A'an a'in li Sumwank tink'ojob' rik'ineb' laj Israel chiruheb' li kutan chaalel -chan li Qaawa'-: Tink'e linchaq'rab' sa' li xk'a'uxeb' ut tintz'iib'a sa' li xch'ooleb'. Laa'inaq li xYoseb' ut a'anaqeb' lintenamit.

Jeremías 30:10

“Ab'an laa'at, a Jakob, aj k'anjelat chiwu, matxiwak -chan li Qaawa'-; mich'inank laach'ool, a Israel, xb'aan naq we'kin laa'in. Tinchalq chakolb'al laa'at jo'wi' eb' laawalal aak'ajol, tatwisi chaq sa' li najtil tenamit katintaqla wi' chi tawasiik, ut tatwanq wi' chik sa' tuqtuukilal, sa' sahilal, chi maajun chik taaxib'esinq aawe.

Jeremías 30:3

xb'aan naq twulaq xkutankil naq tinsutq'isiheb' chaq wi' chik eb' lintenamit Israel ut Judá li wankeb' chaq chi preexil. Laa'in, li Qaawa', ninyehok re a'in. Tink'eheb' chi wank sa' li xna'ajeb' ink'ehom reheb' li xxe'toonil yuwa'”, chan li Qaawa'.

Jeremías 23:6

Chiru li x'awab'ejihom, eb' laj Judá te'kole'q, ut eb' laj Israel te'wanq sa' tuqtuukilal. A'an a'in li te'xk'e cho'q xk'ab'a': «Li Qaawa' a'an laj kolol qe».

Salmos 144:15

Us xaq re li tenamit li naxk'ul chixjunil a'in; us xaq re li tenamit li naxra li Qaawa' cho'q xYos!

Salmos 48:14

K'ehomaq reetal chanru li tz'ak sutsu wi', cheb'eeni chixjunileb' li xninqal ru ochoch, re naq teepuktesi resil reheb' li maji' yo'lajenaqeb':

Levítico 26:12

tinwanq sa' eeyanq, ut laa'inaq leeYos ut laa'exaq intenamit.

Oseas 1:11

Toja' naq eb' laj Judá ut eb' laj Israel te'xjunaji rib'eb', te'xxaqab' jun ajwi' aj jolominel reheb' ut yalaq b'ar te'sutq'iiq chaq Jerusalén. Relik chi yaal naq q'axal nimaq li xkutankil Jisrehel!

2 Corintios 6:16

K'aru wank re li rochoch li Yos rik'ineb' li yal k'oxlanb'il yos? Xb'aan naq laa'o tz'aqal rochoch li yo'yookil Yos, jo' yeeb'il chaq xb'aan: “Tinwanq rik'ineb' ut tinb'eeq sa' xyanqeb'; laa'inaq li xYoseb' ut a'anaqeb' lintenamit”.

Isaías 20:6

Chiruheb' li kutan a'an, eb' li poyanam li wankeb' chire li palaw sa' xteepal Filistea, te'xye: «Ilomaq chanru xkanaak li tenamit li kaw wi' li qach'ool, li xqapatz' wi' qatenq'ankil re raj tooxkol chiru li awab'ej re Asiria. Ut anaqwan chanru tookole'q laa'o?», cha'qeb'”.

Ezequiel 39:25

“Jo'kan naq laa'in, li Qaawa', ninye chi jo'ka'in: Anaqwan twuxtaana ru chixjunileb' laj Israel, eb' li ralal xk'ajol laj Jakob. Tink'ameb' chaq wi' chik sa' li xna'ajeb', re naq taaloq'onimaaq linsantil k'ab'a'.

2 Samuel 7:24

Laa'at xatxaqab'ank reheb' laj Israel re naq a'anaqeb' laatenamit chi junelik ut laa'ataq li xYos.

Ezequiel 34:24

Laa'in, li Qaawa', laa'inaq li xYoseb' ut laj David, laj k'anjel chiwu, a'an taajolominq reheb'. Laa'in, li Qaawa', xin'aatinak.