Jeremías 30:8 - Q'eqchi Bible

⁸ Chiru li kutan a'an laa'in tinkoleb' lintenamit ut tinjuk'i li xwankilaleb' li yookeb' chi rahob'tesinkeb' re. Ink'a' chik te'tawasiiq xb'aaneb' laj ab'l tenamit,

Li Santil hu

⁸ Saꞌ li cutan aꞌan, chan li Ka̱cuaꞌ, la̱in tincuisi li raylal li cuanqueb cuiꞌ. Chanchan nak tintok li yugo ut tincuisi li cadena li bacꞌbo̱queb cuiꞌ. Incꞌaꞌ chic teꞌqꞌuehekꞌ saꞌ cacuil cꞌanjel xbaneb li jalaneb xtenamit.

Jeremías 30:8 ပူးပေါင်းရင်းမြစ်များ

Ezequiel 34:27

Te'uuchinq eb' li che', li loq'laj ch'och' tixk'e li awimq; ut eb' a'an te'wanq sa' li xna'ajeb' sa' tuqtuukilal. Naq laa'in tinkol lintenamit sa' ruq'eb' li xe'tawasink ut xe'munink reheb', aran te'xnaw naq laa'in li Qaawa'.

Nahum 1:13

Tinsach li xwankileb' li neke'numtaak sa' aab'een ut tint'upi li kareen b'ak'b'ookat wi'”.

Jeremías 27:2

chi jo'ka'in: “Sik' wiib'aq aak'aam ut yiib' junaq aab'itche', ut b'ak'eb' chirix laakux.

Isaías 9:4

Xb'aan naq xawisiheb' chi munil, xakoleb' chiru li tz'uum li narahob'tesink, ut xasach xwankileb' li neke'numtaak sa' xb'eeneb', jo' kab'aanu chaq reheb' laj Madián junxil.

Jeremías 28:10

Toja' naq laj Ananías, li propeet, kixchap li b'itche' li wank chi xkux laj Jeremías, ut kixtoqi.

Jeremías 28:13

“Ayu ut ye re laj Ananías sa' ink'ab'a': «Yal che' b'itche' li xatoqi, ab'anan laa'in tink'e jun b'itch'iich' cho'q reeqaj.

Jeremías 27:7

Chixjunileb' li tenamit wanqeb' rub'el xwankil a'an, jo'wi' rub'el xwankil eb' li ralal xk'ajol ut eb' li ri xmam, toj taawulaq xq'ehil naq li x'awab'ejihom toxwanq ajwi' rub'el xwankileb' li xninqal ru tenamit ut awab'ej li q'axal kaweb' rib'.

Jeremías 25:14

Xb'aan naq eb' laj Babilonia te'wanq rub'el xwankileb' li xninqal ru tenamit ut eb' li awab'ej jwal kaweb' rib'. Ut laa'in tink'eheb' chi xtojb'al rix li xmaakeb' jo' chanru li xyehom ut xb'aanuhomeb'»”.

Jeremías 2:20

“Laa'at ak junxil chik kawisi aawib' rub'el inwankil, ut kaq'etq'eti aawib' chiwu ut kaye: «Ink'a' chik nawaj k'anjelak chawu», chankat. Ut sa' xb'eenatq eb' li b'ool ut rub'elatq li ninqi che' katyoklaak ut kamux aawib' jo' junaq aj yumb'eet.

Isaías 14:25

Tinsach ruheb' laj Asiria sa' lintenamit ut tinyeq'iheb' sa' woq sa'atqeb' lintzuul re naq te'xkanab' eerahob'tesinkil chi moko texxtawasiheb' chik”.

Isaías 10:27

Sa' li kutan a'an texwisi rub'el xwankileb' laj Asiria ut ink'a' chik texrahob'tesiiq xb'aaneb', tex'ach'ab'aaq b'an chi junajwa”.

Jeremías 28:4

Tink'e ajwi' chi sutq'iik chaq laj Jekonías, ralal laj Johakín, awab'ej re Judá, ut chixjunileb' laj Judá li ke'k'ame'k chi preexil Babilonia -chan li Qaawa'-, xb'aan naq laa'in tinjuk' li xwankil li awab'ej re Babilonia»”.

Salmos 107:14

kirisiheb' sa' li aak'ab' ut sa' li q'oqyink, ut kixt'upi li kareen b'ak'b'ookeb' wi'.

Ezequiel 30:18

Sa' li tenamit Tafnis taaq'oqyino'q ru li kutan, naq tinjuk' xwankil Ejiipt ut taa'oso'q li naxnima wi' rib'; li tenamit taatz'ape'q xb'aaneb' li choql ut eb' li ixq te'k'ame'q chi preexil.

Isaías 14:1

Naq li Qaawa' tixtoq'ob'a ru laj Jakob ut tixsik' wi' chik ru laj Israel, tixk'ojob'eb' wi' chik laj Israel sa' li xtenamiteb' ut eb' laj jalanil tenamit te'xjunaji rib' rik'ineb' li ralal xk'ajol laj Jakob.

Isaías 14:3

Ex aj Israel, naq li Qaawa' texrisi chi munil, sa' li rahilal ut sa' li kawil k'anjel xextawasiik wi',