Jeremías 30:18 - Q'eqchi Bible

¹⁸ Li Qaawa' kixye ajwi' chi jo'ka'in: “Eb' li ralal xk'ajol laj Jakob te'sutq'iiq chaq wi' chik sa' li xmuheb'aaleb', xb'aan naq twuxtaana ru li xna'ajeb' a'an. Jerusalén taawaklesimanq wi' chik sa' xb'een li po'lem, ut li kawub'resinb'il ochoch taayiib'aaq wi' chik sa' li xna'aj tz'aqal.

Li Santil hu

¹⁸ Ut quixye cuiꞌchic li Ka̱cuaꞌ: —La̱in tincꞌameb cuiꞌchic lin tenamit saꞌ li naꞌajej li quinqꞌue re laj Jacob. Tincuil xtokꞌoba̱l ru lix tenamiteb. Ta̱yi̱ba̱k cuiꞌchic li tenamit saꞌ xbe̱n li quipoꞌeꞌ najter. Ut li palacio ta̱xakaba̱k cuiꞌchic saꞌ lix naꞌaj joꞌ nak quicuan junxil.

Jeremías 30:18 ပူးပေါင်းရင်းမြစ်များ

Salmos 102:13

A'ut laa'at, at Qaawa', nakat-awab'ejink chi junelik; maajoq'e taakanab'aaq xpatz'b'al laak'ab'a'.

Jeremías 30:3

xb'aan naq twulaq xkutankil naq tinsutq'isiheb' chaq wi' chik eb' lintenamit Israel ut Judá li wankeb' chaq chi preexil. Laa'in, li Qaawa', ninyehok re a'in. Tink'eheb' chi wank sa' li xna'ajeb' ink'ehom reheb' li xxe'toonil yuwa'”, chan li Qaawa'.

Jeremías 33:7

Tinsutq'isiheb' chaq eb' laj Judá ut eb' laj Israel sa' li xna'ajeb' ut tink'ojob'eb' wi' chik sa' li xtenamiteb' re naq te'wanq jo' naq ke'wank chaq junxil.

Jeremías 49:39

Ab'an chiruheb' li kutan chaalel tinsutq'isiheb' chaq wi' chik eb' laj Elam li wankeb' chaq chi preexil”, chan li Qaawa'.

Jeremías 23:3

Laa'in tink'ameb' chaq linkarneer b'arwi' xwaanilasiheb', tinch'utub'eb' ut teb'ink'am chaq wi' chik sa' li xna'ajeb', re naq te'k'iiq ut te'k'ihanq.

Zacarías 1:16

Jo'kan naq li Qaawa' xye chi jo'ka'in: Twuxtaana wi' chik ru Jerusalén. Tink'e wi' chik chi yiib'aak linloq'laj muheb'aal ut taawaklesiiq wi' chik chixjunil lintenamit, chan li Qaawa'»”.

Jeremías 46:27

“Ab'an laa'at, a Jakob, aj k'anjelat chiwu, matxiwak -chan li Qaawa'-; mich'inank laach'ool, a Israel, xb'aan naq we'kin laa'in. Tinchalq chakolb'al laa'at jo'wi' eb' laawalal aak'ajol; tatwisi chaq sa' li najtil tenamit katintaqla wi' chi tawasiik, ut tatwanq wi' chik sa' tuqtuukilal, sa' sahilal, chi maajun chik taaxib'esinq aawe.

Jeremías 49:6

Ab'an, chirix chik a'an, tink'eheb' chaq wi' chik chi sutq'iik eb' laj Amón”, chan li Qaawa'.

Isaías 44:26

Ab'an ninxaqab' xwankil li raatineb' laj k'anjel chiwu ut ninb'aanu naq us te'elq eb' lintaql. Laa'in ninye naq taatenamito'q wi' chik Jerusalén, ut ninjultika naq eb' li tenamit sa' xteepal Judá te'waklesiiq wi' chik. Laa'in tinwaklesinq reheb' sa' li xpo'lemil.

Jeremías 31:4

Tatinwaklesi wi' chik, a Israel, ut tatk'ojlaaq wi' chik sa' laana'aj. Tatxajoq wi' chik xb'aan xsahil sa' laach'ool, rik'in xyaab' li wajb' ut li tzojtzoj.

Jeremías 33:11

li b'ichank ut li sahil ch'oolejil, li ninq'ehik, li xb'ich li b'eelomej ut li ixaqilb'ej; taa'ab'imanq xyaab' xkuxeb' chixjunileb' li te'chalq chi mayejak re b'anyoxink sa' rochoch li Qaawa', yooqeb' chi xyeeb'al: «Chexyoxinq chiru li Nimajwal Yos xb'aan naq chaab'il li Qaawa', ut li xnimal xrahom wank chi junelik!». Relik chi yaal naq tink'ameb' chaq wi' chik sa' li xna'ajeb' li wankeb' chaq chi preexil, re naq te'wanq wi' chik jo' naq ke'wank chaq xb'enwa”, chan li Qaawa'.

1 Crónicas 29:19

Chak'e ajwi' re laj Salomón li walal naq tiikaq li xch'ool, re naq tixpaab' laataqlahom, laachaq'rab' ut laawaatin, ut tixnaw taxaq xk'anjelankil ru chixjunil. Chak'e taxaq naq tixchoy xyiib'ankil laaloq'laj ochoch li ak xinkawresi laa'in”, chan laj David.

Jeremías 29:14

Tink'e wib' chi tawe'k eeb'aan ut tink'eheb' chaq chi sutq'iik leekomon li wankeb' chaq chi preexil; texwisi chaq sa' chixjunileb' li tenamit ut na'ajej b'arwi' xexincha'cha'i, texinch'utub' ut texinsutq'isi wi' chik sa' li na'ajej b'arwi' kexwisi. Laa'in, li Qaawa', ninyehok re a'in».

Isaías 44:28

Ut laa'in ninye re laj Siro: «Aj k'anjelat chiwu, laa'at taab'aanu chixjunil li wajom»; ut ninye re Jerusalén: «Tattenamito'q wi' chik»; ut ninye ajwi' naq taayiib'amanq wi' chik linloq'laj ochoch arin Sión”.

Jeremías 31:38

“Chalk re xkutankil naq lintenamit taawaklesimanq wi' chik, chalen wan wi' li najt xteramil ochoch re laj Jananel toj sa' li okeb'aal wank sa' xxuk li tenamit.

Jeremías 31:23

Li Nimajwal Yos, li xYos laj Israel, kixye chi jo'ka'in: “Naq tinsutq'isiheb' chaq eb' laj Judá ut te'wanq wi' chik sa' li xch'och'eb' ut xtenamiteb', te'xye wi' chik li aatin a'in: «Li Qaawa' chirosob'tesi taxaq li santil tzuul a'in, xmuheb'aal li tiikilal!».

Zacarías 12:6

“Sa' li kutan a'an li xjolomileb' laj Judá jo'kaqeb' li xam sa' li si' malaj sa' xyanqeb' li junq joob' chi triiw: te'xsach chixjunileb' li tenamit chi xsutameb', ut eb' laj Jerusalén wanqeb' wi' chik sa' li xna'ajeb'.

Salmos 78:69

Aran kixyiib' li rochoch najt xteram kama' li choxa, ut ub'elanb'il chi us chanchan li ch'och' kawteninb'il.

Nehemías 7:4

Q'axal nim li tenamit Jerusalén, ab'an ink'a' k'iheb' li wankeb' aran, xb'aan naq toj maji' yiib'anb'ileb' chixjunileb' li kab'l.

Salmos 85:1

Re li xjolomileb' laj b'ichanel. Xsaalm eb' li ralal xk'ajol laj Koré.

Zacarías 14:10

Chixjunil li na'ajej a'an junes taq'a taakanaaq wi', chalen Keba toj Rimón, sa' xjayal rokeb'l iq' re Jerusalén. Ka'ajwi' Jerusalén tkanaaq taqe'q sa' xna'aj, ut wanqeb' xpoyanamil, chalen sa' li Rokeb'aal laj Benjamín toj sa' li Najter Okeb'aal, a' li Okeb'aal li wank sa' xuk; ut chalen wan wi' li najt xteramil rochoch laj Jananel toj sa' li xyatz'leb'aal aseeyt li awab'ej.

Jeremías 31:40

Chixjunil li ru taq'a b'arwi' neke'muqmank eb' li kamenaq ut natz'eqe'k wi' li cha, ut chixjunil li na'ajej li wank chire li nima' Sedrón toj sa' li Rokeb'aaleb' li kawaay li wank sa' xjayal releb'l saq'e, a'an q'axtesinb'ilaq cho'q re li Qaawa': maajoq'e chik taasachmanq chi moko taajuk'manq”.

1 Crónicas 29:1

Moqon chik li awab'ej David kixye reheb' chixjunil li wankeb' sa' li nimla ch'utam: “Laj Salomón li walal, ka'ajwi' a'an sik'b'il ru xb'aan li Yos sa' xyanqeb' chixjunileb'. A'an toj saaj ut kach'in ajwi' li xna'leb', ut li ochoch li taayiib'amanq, a'an jwal nim, xb'aan naq maawa' na'ajej cho'q re junaq winq, rehaq b'an li Qaawa' Yos.

Salmos 48:3

k'ajo' xchaq'alil ru; aran nasaho'k xch'ool chixjunil li ruuchich'och'! Li tzuul Sión a'an li xmuheb'aal li Qaawa', a'an li tenamit nawank wi' li xnimal ru Awab'ej.

Salmos 48:13

Chesutiiq li tzuul Sión ut cheq'otaq chaq rix, cherajlaheb' li xnajt xteramil kab'l.

Salmos 122:7

Chiwanq tuqtuukil usilal chi xsutam laatz'ak ut xnimal sahilal sa'atqeb' li xninqal ru laawochoch”.

Jeremías 29:11

Laa'in wank sa' inch'ool k'aru tinb'aanu cho'q eere: twaj texwanq sa' tuqtuukilal ut ink'a' sa' rahilal, re naq toxeetaw xsahil eech'ool chi junelik. Laa'in, li Qaawa', ninyehok re a'in.

Jeremías 32:15

Xb'aan naq xyehom li Nimajwal Yos, li xYos laj Israel, naq sa' li na'ajej a'in taaloq'manq wi' chik ochoch, k'aleb'aal ut li xna'ajeb' li awimq».

Ezequiel 36:11

Tink'eheb' chi k'ihank eb' li poyanam jo'wi' eb' li xul, te'k'iiq ut te'tamq chi us. Q'axal te'naab'alo'q wi' chik jo' najter, ut jwal twusila eeru re naq q'axal sa wi' chik wanqex chiru chaq junxil. Ut aran teenaw naq laa'in li Qaawa'.

Amós 9:14

Toja' naq tink'ameb' chaq wi' chik lintenamit Israel sa' li xna'ajeb'. Te'xyiib' wi' chik eb' li tenamit li ke'juk'mank, ut aran te'wanq; te'awq uub' ut te'uk'aq b'iin; te'awq ut te'xtzeka li ru.

Zacarías 1:12

Ut li x'ánjel li Qaawa' kixye: “At Nimajwal Yos, ak wank lajeeb' xkaak'aal chihab' yo laajosq'il sa' xb'een Jerusalén ut Judá. Toj jo'q'e taawuxtaana ruheb'?”.

Zacarías 12:7

Ab'anan xb'een xb'een tinkoleb' laj Judá, re naq ink'a' taanimanq li xloq'al eb' li ralal xk'ajol laj David, ut eb' laj Jerusalén ink'a' te'xnimob'resi rib' sa' xb'eeneb' laj Judá.

Salmos 102:14

Waklin, at Qaawa', ut chawuxtaana ru li tenamit Sión. Ak xtaw xq'ehil xtoq'ob'ankil ru: anaqwan tz'aqal li xhonalil!

Jeremías 32:44

Te'xloq'atq xch'och'eb' ut te'xtoj rik'in plaat; te'xtz'iib'a xhuhul, te'xkaaxti ut eb' li testiiw te'xjuch' li xk'ab'a'eb' sa' xhuhul li ch'och'. A'in taak'ulmanq sa' xteepal Benjamín, sa' xsutam Jerusalén ut sa'atqeb' li tenamit re Judá, sa'eb' li tzuultaq'a ut sa' xteepal Nejeb, xb'aan naq te'sutq'iiq chaq wi' chik li wankeb' chaq chi preexil”, chan li Qaawa'.