Jeremías 30:16 - Q'eqchi Bible

¹⁶ Ab'anan te'sache'q ru jo'k'ihaleb' li neke'rahob'tesink aawe, ut chixjunileb' li xik' neke'ilok aawe te'xik chi preexil. Taa'elq'aaq chixjunil li k'a'aq re ru reheb' li xe'elq'ank aawe; ut eb' li xe'maq'ok k'a'aq re ru aawe, taamaq'manq ajwi' chiruheb' li k'aru reheb'.

Li Santil hu

¹⁶ Abanan ta̱cuulak xkꞌehil nak kꞌaxal ra teꞌxcꞌul eb li nequeꞌxba̱nu raylal e̱re. Teꞌchapekꞌ ut teꞌcꞌamekꞌ chi pre̱xil eb li xicꞌ nequeꞌiloc e̱re. Ta̱makꞌekꞌ chiruheb li cꞌaꞌru reheb li nequeꞌmakꞌoc li cꞌaꞌru e̱re la̱ex. Ut ta̱elkꞌa̱k ajcuiꞌ chiruheb li cꞌaꞌru reheb aꞌan li xeꞌelkꞌan re li cꞌaꞌru e̱re la̱ex.

Jeremías 30:16 ပူးပေါင်းရင်းမြစ်များ

Jeremías 10:25

Isi laajosq'il sa' xb'eeneb' li tenamit li ink'a' neke'nawok aawu, jo' ajwi' sa' xb'eeneb' li poyanam li ink'a' neke'tijok chawu. Xb'aan naq xe'xsach ruheb' li ralal xk'ajol laj Jakob toj reetal xe'oso'k chi junajwa, ut nakirirnak aj chik li xna'ajeb' xe'xkanab'.

Isaías 33:1

Rahilal chaalel sa' aab'een, at aj rahob'tesinel toj maji' rahob'tesinb'ilat; aj elq'at chi toj maak'a' na'elq'aak aawe! Naq tatraqe'q chi rahob'tesink ut chi elq'ak, tatrahob'tesiiq ajwi' laa'at ut taa'elq'aaq li k'aru aawe.

Éxodo 23:22

Wi taawab'i chi us xyaab' xkux ut taab'aanu chixjunil li tinye, laa'in xik' te'wil eb' li xik' neke'ilok aawe ut tintz'eqtaana eb' li neke'tz'eqtaanank aawe.

Zacarías 2:8

Xb'aan naq jo'ka'in naxye li Nimajwal Yos li xtaqlank chaq we chi xyeeb'al reheb' li xe'rahob'tesink eere: “Ani taarahob'tesinq eere, tinxrahob'tesi ajwi' laa'in”.

Apocalipsis 13:10

“Ani tento taaxik sa' tz'alam, sa' tz'alam taaxik; ani tento taakamsiiq rik'in ch'iich', rik'in ch'iich' taakamsiiq”. Jo'ka'in neke'kuyuk ut neke'paab'ank eb' li sant.

Zacarías 12:2

“Laa'in tink'e Jerusalén jo' li ha' nakaltesink cho'q reheb' chixjunileb' li tenamit li wankeb' chi xsutam, naq te'raj reechaninkil Jerusalén jo'wi' Judá.

Joel 3:8

Tink'ayi eb' leeralal eek'ajol reheb' laj Judá, ut eb' a'an te'xk'ayi reheb' laj Sabá li najtil tenamit”, chan li Qaawa' Yos.

Isaías 14:2

Naab'aleb' li tenamit te'ochb'eeninq reheb' re sutq'iik sa' li xna'ajeb', ut eb' laj Israel te'xchap eb' a'an cho'q aj k'anjel chiruheb' sa' li na'ajej k'eeb'il reheb' xb'aan li Qaawa'. Eb' li ke'numtaak sa' xb'eeneb' laj Israel junxil, a'aneb' chik li te'chape'q ut te'wanq rub'el xwankileb'.

Salmos 129:5

Sa' xutaan taxaq te'sutq'iiq chaq chixjunileb' li xik' neke'ilok re li tenamit Sión.

Sofonías 2:8

Jo'ka'in xye li Qaawa': “Xwab'i naq eb' laj Mohab xe'xmajewa lintenamit ut eb' laj Amón xe'xtz'eqtaanaheb', naq xe'numtaak sa' xb'eeneb' ut xe'b'ihomo'k sa' li xna'ajeb'.

Habacuc 2:16

Taanujob'resi aawib' rik'in xutaan ut ink'a' rik'in loq'al, xb'aan naq li Qaawa' tixk'e chawuk' laaha' ut tatxkanab' chi t'ust'u.

Nahum 1:8

naq nanume'k li b'ut'iha'. Ab'anan naxsacheb' li neke'xq'etq'eti rib' chiru, ut sa' aak'ab' neke'kanaak li xik' neke'ilok re.

Miqueas 7:10

Li xik' na'ilok we taaril a'an; taaril ut taakanaaq sa' xutaan. Ut li xyehok we junxil: “B'ar wank li Qaawa' laaYos?”, anaqwan taasaho'q linch'ool chi rilb'al naq taayeq'iiq sa' oqej jo' xsululel li b'e.

Miqueas 4:11

Anaqwan naab'aleb' li tenamit xe'xch'utub' rib' chi xxik'b'al aawilb'al: “Chimuxmanq Sión ut chisaho'q qach'ool rik'in rilb'al li roso'jik Jerusalén”, chankeb'.

Ezequiel 35:5

«Laa'at junelik xik' xawileb' laj Israel ut xatyalok rik'ineb' sa' xhonalil li raaxiik', sa' xraqb'al xb'aanunkil li maa'usilal.

Ezequiel 29:6

Toja' naq chixjunileb' laj Ejiipt te'xnaw naq laa'in li Qaawa'. Naq eb' laj Israel xe'xsik' laatenq'aal, chanchanat chik li kaxlan'aj cho'q reheb'.

Lamentaciones 1:21

Chinaawab'i ta chi yaab'ak: maa'ani nak'ojob'ank li waanm. Eb' li xik' neke'ilok we xe'rab'i resil li rahilal xak'e sa' inb'een, ut neke'saho'k xch'ool rik'in li yookin chi xk'ulb'al. Chichalq ta li Kutan yeeb'il aab'aan, re naq te'xk'ul ajwi' eb' a'an li yookin chi xk'ulb'al laa'in.

Jeremías 2:3

Xsantil tenamit li Qaawa' naq kexwank chiwu, ex aj Israel, chanchanex li xb'een ru li awimq cho'q we. Jo'kan naq chixjunileb' li ke'rahob'tesink eere, laa'in kintaqla li rahilal sa' xb'eeneb'”, chan li Qaawa'.

Isaías 54:17

Ab'anan maajun xyiib'ank re li ch'iich' li taasachoq aawe. Mem taakanab'eb' li te'jitoq aawe sa' raqleb'aal aatin. A'an a'in li xmaataneb' laj k'anjel chiru li Qaawa', a'an a'in li q'axok u tink'e reheb'”, chan li Qaawa' Yos.

Isaías 54:15

Wi wank junaq li taaraj numtaak sa' aab'een, moko intaql ta chik laa'in; ut wi wank junaq li taachalq chi yalok aawik'in, chawu ajwi' laa'at toxpik'a rib'.

Zacarías 14:2

Sa' li kutan a'an laa'in tinch'utub'eb' chixjunil li tenamit re naq te'yaloq rik'in Jerusalén. Ut taa'eechaniiq li tenamit, taayamtesimanq xsa' eb' li ochoch, te'maakoniiq eb' li ixq, ut jun yiijacheb' li tenamit te'k'ame'q sa' najtil na'ajej. Yal jun ch'ina ch'uut aj chik te'kanaaq.

Zacarías 1:14

Toja' naq li ánjel li yo chi aatinak wik'in kixye we: “Puktesi li esil a'in: Jo'ka'in naxye li Nimajwal Yos: «Q'axal naxamnak linch'ool chirix Jerusalén ut chirix Sión.

Jeremías 50:28

Ab'ihomaqeb' li xe'elelik chaq Babilonia, yookeb' chi xyeeb'al resil sa' li tenamit Jerusalén naq li Qaawa' li qaYos xreeqaju li xsachik li xsantil ochoch.

Jeremías 25:12

Ut naq akaq xnume'k li lajeeb' xkaak'aal chihab' a'an, laa'in tinraqoq aatin sa' xb'een li awab'ej re Babilonia jo'wi' sa' xb'een li xtenamit xb'aan li xmaakeb'. Jo'kan ajwi' tinb'aanu reheb' laj Kaldeha, ut po'lem teb'inkanab' chi junwaakaj -chan li Qaawa'-.

Jeremías 12:14

Jo'ka'in kixye li Qaawa': “Chixjunileb' li rechkab'al laj Israel ink'a' useb' xna'leb'. A'aneb' li xe'sachok re li na'ajej ink'ehom re li tenamit Israel; jo'kan naq laa'in twisiheb' sa' li xna'ajeb', ut twisiheb' chaq laj Judá sa' xyanqeb'.

Jeremías 8:16

Chalen chaq Dan neke'xeeyank chi chalk li xkawaayeb'; neke'tz'ejnak chi chalk, nachiq'lok li ch'och'. Chalkeb' re chi xsachb'al li tenamit jo'wi' chixjunil li xsahil eechej; te'xjuk'iheb' li na'ajej ut jo'k'ihaleb' li wankeb' chisa'”.

Jeremías 30:15

K'a'ut naq nakajap aawe xb'aan laarahilal? Maak'a' chik xb'anol laatiq'ilal. Xb'aan xk'ihal laamaak ut li maa'usilal xab'aanu xinb'aanu aawe chi jo'kan.

Deuteronomio 30:7

Li Qaawa' laaYos tixtaqla chixjunil li rahilal a'in sa' xb'eeneb' li xik' neke'ilok aawe ut sa' xb'eeneb' li neke'rahob'tesink aawe.

1 Samuel 17:53

Naq ke'raqe'k chi raanilasinkileb' chi kaw eb' laj Filistea, eb' laj Israel ke'sutq'iik chaq ut ke'xxok li k'aru wank sa' xhilob'aaleb'.

Proverbios 22:23

Xb'aan naq li Qaawa' taakoloq re, ut tixsach ruheb' li xe'rahob'tesink re.

Lamentaciones 1:22

Chiwulaq ta aawik'in chixjunil li xmaa'usilaleb', ut b'aanu reheb' jo' xab'aanu we xb'aan linq'etq'etil. K'ajo' naq yookin chi yaab'ak ut yo chi lub'k li waanm!

Zacarías 1:15

Jo'kan naq makach'in injosq'il sa' xb'eeneb' li tenamit a'an li maak'a' neke'xk'oxla, xb'aan naq k'ajo' chik li maa'usilal xe'xb'aanu re lintenamit naq yo b'a'b'ay injosq'il.

Zacarías 2:12

Li Qaawa' taa'ok wi' chik Judá jo' tz'aqal reechanihom sa' li Santil Na'ajej, ut tixsik' wi' chik ru li tenamit Jerusalén.