Jeremías 30:14 - Q'eqchi Bible

¹⁴ Xate'xtz'eq chirix xch'ooleb' eb' li neke'rahink aawu, maak'a' chik nakate'raj wi'. Xb'aan naq xatintiq' jo' naxb'aanu li xik' na'ilok, jo' naxb'aanu li josq' aj winq; xatinrahob'tesi xb'aan xk'ihal laamaak: k'ajo' li maa'usilal xab'aanu!

Li Santil hu

¹⁴ Xextzꞌekta̱na̱c xbaneb li tenamit li xeꞌoquen che̱rix. Incꞌaꞌ chic nequexcꞌoxlaheb. Xban le̱ ma̱usilal ut xban ajcuiꞌ nak numtajenak li ma̱c xeba̱nu, la̱in xexinqꞌue saꞌ raylal joꞌ nequeꞌxba̱nu li xicꞌ nequeꞌiloc e̱re.

Jeremías 30:14 ပူးပေါင်းရင်းမြစ်များ

Lamentaciones 1:2

K'ajo' naq nayaab'ak chiru q'oqyink, ut li xya'al ru nat'ululnak sa' xnaq' ru. Maajun junaq nak'ojob'ank xch'ool sa' xyanqeb' li xe'rahink ru. Chixjunileb' li ramiiw xe'xkanab' xjunes, ut xik' chik na'ile'k xb'aaneb' chixjunil.

Jeremías 5:6

Jo'kan naq te'kamsiiq xb'aaneb' li kaqkoj sa' k'iche' ut eb' laj xojb' te't'upinq reheb' sa' li chaqich'och'; sutsuuq li xtenamiteb' xb'aaneb' li hix, ut jo'k'ihaleb' li te'elq sa' li tenamit, te'putz'iiq. Xb'aan naq numtajenaq li maak xe'xb'aanu ut k'iila wa xe'xtz'eqtaana li Qaawa'.

Li xHu LAJ JOB 30:21

Q'axal xik' aj chik nikinaawil, ut k'ajo' naq yookat chinrahob'tesinkil.

Jeremías 22:20

“Taqen sa' xb'een li tzuul Líbano ut jap aawe chi yaab'ak! Chi'ab'iiq xyaab' laakux toj sa'eb' li tzuul re Basán, aatinan chalen chaq Abarín, xb'aan naq ak xe'sache'k ru eb' li neke'rahink aawu!

Jeremías 30:15

K'a'ut naq nakajap aawe xb'aan laarahilal? Maak'a' chik xb'anol laatiq'ilal. Xb'aan xk'ihal laamaak ut li maa'usilal xab'aanu xinb'aanu aawe chi jo'kan.

Jeremías 22:22

Li iq' taacha'cha'inq reheb' laj jolominel, ut eb' li neke'rahink aawu te'k'ame'q sa' jalanil tenamit. Ut laa'at xutaanal tatkanaaq ut taasachq aana'leb' xb'aan chixjunil li maa'usilal xlajaab'aanu.

Jeremías 4:30

Ut laa'at li xatk'uluk rahilal, k'aru taab'aanu? Us ta taatiqib' aawib' rik'in chaab'il t'ikr, us ta taak'e xsahob' aawu rik'in chaab'il oor ut taab'onatq eb' li rixeb' laawu, maak'a' chik aj e naq taach'ina'usi aawib': xate'xtz'eqtaana li neke'rahink aawu, a' chik laakamik neke'xsik'.

Jeremías 2:36

K'a'ut naq sa' junpaat nakajal laana'leb'? Eb' laj Ejiipt ajwi' tate'xkanab' sa' xutaan jo' naq xate'xkanab' sa' xutaan eb' laj Asiria.

Li xHu LAJ JOB 19:11

Xchalk xjosq'il li Yos sa' inb'een ut xinxk'e jo' jun reheb' li xik' neke'ilok re.

Oseas 5:14

Xb'aan naq laa'in jo'kaqin jun kaqkoj naq tinrahob'tesiheb' laj Efraín ut eb' laj Judá. Laa'in tinputz'inq reheb', ut chirix a'an teb'inkanab' xjuneseb'; tink'eheb' sa' rahilal, ut maajun taaruuq chi kolok reheb' sa' wuq'.

Oseas 2:5

Li xna'eb' kixmux li xyu'am; li ixq li ki'alank reheb' kixsach xloq'al naq kixye: «Tinxik rik'ineb' li neke'rahink we, a'eb' li neke'k'ehok inwa ut wuk'a', jo'wi' linliin ut lintuuxnoq', lin'aseeyt ut linb'iin», chan.

Ezequiel 23:22

Jo'kan naq laa'in, li Qaawa', ninye chi jo'ka'in: Eb' li xe'rahink aawu ut nakayib'eb' anaqwan, te'kanaaq cho'q aj xik' ilol aawe, ut yalaq b'ar te'chalq chaq re aasutb'al:

Ezequiel 23:9

Jo'kan naq kinq'axtesi sa' ruq'eb' li neke'rahink ru, a'eb' laj Asiria, li koho wi' xch'ool.

Lamentaciones 1:19

Xinb'oqeb' li xe'rahink wu, ab'an chixjunileb' xine'xkanab' injunes. Eb' laj tij ut eb' laj k'amol b'e chiwu xe'kamje'k sa' li tenamit, naq yookeb' xsik'b'al xtzekemqeb' re naq ink'a' te'kamq.

Jeremías 38:22

Chixjunileb' li ixq li xe'kanaak sa' rochoch li awab'ej re Judá, te'isiiq ut te'q'axtesimanq sa' ruq'eb' li xjolomileb' li xsoldaad li awab'ej re Babilonia; ut eb' li ixq a'an yooqeb' chi xyeeb'al: «Xate'xb'alaq'i ut xe'numtaak sa' aab'een eb' laachaab'il amiiw. Naq xsob'e'k laawoq sa' sulul, xate'xkanab' aajunes», cha'qeb'.

Jeremías 6:23

Wankeb' chaq xsimaj ut xq'esnal ch'iich' sa' ruq'eb'; jwal anumeb' chi yalok, ut maajun neke'ril xtoq'ob'aal ru. Chanchan xyaab' li palaw naq neke'xjap chaq reheb', ut junes chirix kawaay neke'b'eek. Junchalikaqeb' chi yalok eerik'in, ex aj Jerusalén”.

Li xHu LAJ JOB 16:9

Li xjosq'il li Qaawa' xchalk sa' inb'een; nikinxsik' ut nikinxt'upi, chanchan junaq josq' aj xul; naxk'uxuxi li ruuch re ut xik' nikinril.

Salmos 107:17

Q'axal ke'yajerk xb'aan xmaa'usilaleb', numtajenaq xtoq'ob'aal ruheb' xb'aan li xmaakeb'.

Isaías 57:13

Naq taajap aawe chi xpatz'b'al aatenq'ankil, ink'a' tate'xkol chi moko tate'xtenq'a eb' laajalanil yos, xb'aan naq chixjunileb' a'an te'sapuuq xb'aan li iq'. A'ut li kaw xch'ool wik'in taareechani li na'ajej ut taakanaaq sa' linsantil tzuul”.

Jeremías 14:17

Ye reheb' li tenamit li aatin a'in: «Chi q'eq ut chi kutan ink'a' ninkanab' li yaab'ak xb'aan li nimla rahilal yo xk'ulb'al lintenamit, k'ajo' xnimal li xtiq'ilal!

Jeremías 32:30

Chalen chaq sa' xtiklajik, eb' laj Israel jo'wi' eb' laj Judá junes maa'usilal neke'xb'aanu; eb' li ralal xk'ajol laj Israel junes xyoob'ankil injosq'il neke'xb'aanu rik'in xyiib'ankil li xjalanil yoseb' -chan li Qaawa'-.

Jeremías 44:22

Ab'an li Qaawa' ink'a' chik naxkuy leemaak ut li jo'maajo'il b'aanuhom li ink'a' nawulak chiru; jo'kan naq leena'aj nakirirnak aj chik ut maajun chik wank aran; majewanb'il aj chik ut q'axal xiwajel ru anaqwan.

Jeremías 50:42

Wankeb' chaq xjutz' ch'iich' ut xsimaj sa' ruq'eb', q'axal josq'eb' ut maajun neke'ril xtoq'ob'aal ru. Chanchan xkawil oq li palaw naq neke'xjap reheb' ut wankeb' chaq chirix kawaay. Yo'oon wankeb' chi yalok aawik'in chi kaw, a Babilonia.

Abdías 1:7

Chixjunileb' li neke'okenk chawix xate'xb'alaq'i ut xate'risi sa' laana'aj. Eb' li nakawotz wi' laatzekemq, xik' aj chik nakate'ril ut xe'xk'e aara'lenkil: «Laj Edom maak'a' chik xna'leb'!», chankeb'”.

Jeremías 5:5

Tinxik rik'ineb' li ninqeb' xwankil ut twaatinaheb', xb'aan naq eb' a'an neke'xnaw li xb'e li Qaawa' ut tzolb'ileb' chi us sa' li xchaq'rab' li xYoseb'”. Ab'anan juntaq'eet ajwi' xwil aran: xe'xq'etq'eti ajwi' rib' a'an chiru li Qaawa' ut ink'a' xe'raj ab'ink.

Jeremías 32:29

Eb' laj Kaldeha li yookeb' chi yalok rik'in Jerusalén te'ok chisa', te'xk'e xxamlel ut taa'oso'q rochb'eeneb' li ochoch nak'atmank wi' pom chiru laj Bahal ut na'uk'mank b'iin sa' xk'ab'a'eb' li jalanil yos yal re xchiq'b'al linjosq'il.

Jeremías 32:34

toj reetal xe'xmux xsa' li ochoch nanimaak wi' link'ab'a' naq xe'xk'e aran eb' li tz'i'b'eetalil yos.

Jeremías 32:35

Xe'xyiib'atq ajwi' x'artal laj Bahal sa' xtaq'ahil Ben-Hinón, re xk'atb'al li ralal xk'ajoleb' cho'q xmayejeb' chiru laj Molok. Chi jo'kan xe'xk'e chi maakob'k eb' laj Judá, li maajun wa inyehom reheb' chi moko xnume'k b'ayaq sa' inch'ool naq jo'kan te'xb'aanu.

Lamentaciones 2:1

Toq'ob' xaq ru li tenamit Jerusalén! Naq li Qaawa' xchalk xjosq'il, x'ak'ab'ob'resi ru Sión, li tenamit k'ajo' xchaq'alil ru. Li Yos xsach xloq'al laj Israel, chanchan naq xtz'eq sa' ch'och', ut sa' xhonalil li xjosq'il ink'a' xjultiko'k re li na'ajej sik'b'il ru xb'aan.

Daniel 9:5

Xoomaakob'k, ink'a' us xoowank ut xqab'aanu li maa'usilal. Xqaq'etq'eti qib' chawu naq xqatz'eq chirix li qach'ool laachaq'rab' ut laataqlahom.

Daniel 9:11

Chixjunileb' laj Israel xe'xq'et laachaq'rab' ut ink'a' xe'raj xpaab'ankil laawaatin. Jo'kan naq xchalk sa' qab'een li majewank ut li raaxiik' tz'iib'anb'il sa' li xChaq'rab' laj Moisés laamoos, xb'aan naq xoomaakob'k chawu.

Daniel 9:13

Chixjunil li rahilal a'in xchalk sa' qab'een jo' tz'aqal tz'iib'anb'il sa' li xChaq'rab' laj Moisés; ab'an laa'o ink'a' xqayal xtuulanob'resinkil li Qaawa' li qaYos: ink'a' xqakanab' xb'aanunkil li maa'usilal chi moko naqaj xpaab'ankil li yaal.