Jeremías 30:13 - Q'eqchi Bible

¹³ Maajun natenq'ank aawe; laatiq'ilal moko taak'iraaq ta, maajun natawok xb'anol laarahilal.

Li Santil hu

¹³ Ma̱ ani na-oquen che̱rix. Ma̱ ani nabanoc e̱re. Ut ma̱cꞌaꞌ junak ban ta̱banok re le̱ raylal.

Jeremías 30:13 ပူးပေါင်းရင်းမြစ်များ

Jeremías 46:11

Ayu Galahad, a Ejiipt, re xsik'b'al laab'an. Ab'anan, us ta naab'al li b'an taawoksi, maak'a' taa'ok wi' xb'aan naq ink'a' chik tex'usaq.

Jeremías 8:22

Ma maak'a' tawi' junaq b'an aran Galahad? Ma maajun tawi' naru chi b'anok aran? K'a'ut naq ink'a' nak'iraak lintenamit?

Jeremías 33:6

K'ehomaq reetal, laa'in tink'e xb'aneb' ut teb'ink'irtasi wi' chik. Tink'e naab'al xsahil xch'ooleb' re naq te'wanq sa' tuqtuukilal chi maak'a'aq chik xiwak.

Jeremías 30:17

Relik chi yaal naq tatink'irtasi wi' chik ut tinb'an laatiq'ilal, us ta xak'ab'a'in: «Tz'eqtaananb'il» jo' ajwi': «Maajun nak'oxlank re li tenamit Sión». Laa'in, li Qaawa', ninyehok re a'in”.

1 Juan 2:1

Ex inkok'al, nintz'iib'a a'in eerik'in re naq mexmaakob'k; ab'an wi wanq junaq taamaakob'q, wank jun aj aatinanel chiqix chiru li Yuwa'b'ej, a' li Jesukriist, li tiik xch'ool.

1 Pedro 2:24

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex.

Nahum 3:19

Maak'a' xb'anol laatiq'ilal, ink'a' chik nak'iraak. Chixjunileb' li neke'ab'ink re laarahilal neke'xpoq'poq'i li ruq'eb' xb'aan xsahil xch'ooleb'. Xb'aan naq ma wank tab'i' junaq li ink'a' xarahob'tesi laa'at chi kok'aq xsa'?”.

Oseas 14:4

Ut li Qaawa' tixye: “Twisi chixjunil li xq'etq'etil laj Israel, ut q'axal tinra chi anchal inch'ool; xb'aan naq maak'a' chik injosq'il sa' xb'een.

Oseas 6:1

“Yo'qeb', sutq'iiqo rik'in li Qaawa', xb'aan naq A'an xrahob'tesink qe, ab'an anaqwan tooxk'irtasi; A'an xtiq'ok qe, ut anaqwan tooxb'an.

Ezequiel 22:30

Laa'in xinsik' junaq winq sa' xyanqeb' re raj tixwaklesi wi' chik li xtz'akul li tenamit ut taa'okenq raj chi aatinak wik'in re naq ink'a' tinsach li xna'ajeb', ab'anan maajun xintaw.

Isaías 59:16

Xk'e reetal naq maajun natenq'ank reheb' li rahob'tesinb'ileb', ut xsachk xch'ool chi rilb'al naq maajun na'okenk chirixeb'. Toja' naq li Yos xq'axok u rik'in li xwankilal ut a' ajwi' li xtiikilal xkuutunk re.

Isaías 1:6

Chalen cheroq toj chejolom maak'a' chik eerusil: sak'b'ilkex, raxteninkex ut tiq'b'ilex, ut maajun nab'anok eere chi moko naxb'at leetiq'ilal; tik maajun nayalok xkotzb'al b'ayaq leerahilal.

Salmos 142:4

naq yo chi lajk linmetz'ew ut nawiib'ank linch'ool. At Qaawa', laa'at nakanaw chanru linyu'am. Sa' li b'e ninnume'k wi', xe'xmuq xra'aleb' re int'anb'al.

Salmos 106:23

Toja' naq li Qaawa' kixye naq tixsacheb' ru, ab'an laj Moisés, li sik'b'il ru xb'aan, kixram chiru naq ki'aatinak chirixeb' re naq ink'a' te'sache'q ru xb'aan li xjosq'il.

Li xHu LAJ JOB 34:29

Ab'anan wi li Yos ink'a' na'aatinak, ani truuq tixye naq moko us ta a'an? Wi tixmuq rib', ani taaruhanq chi rilb'al ru? A'an na'ilok reheb' chixjunil li tenamit sa' ruuchich'och',

Li xHu LAJ JOB 5:18

xb'aan naq a'an natiq'ok ut nak'irtasink, narahob'tesink ut naxkotz li rahilal.

Deuteronomio 32:39

Chek'e reetal naq laa'in injunes wib' ut maak'a' chik junaq yos chiwu laa'in. Nink'ehok chi kamk ut nink'e ajwi' li yu'am, nintiq'ok ut nink'irtasink. Maajun tixkol rib' chiru linwankil.

Éxodo 15:26

Kixye reheb': “Wi relik chi yaal taawab'i xyaab' xkux li Qaawa' laaYos ut tatwanq sa' tiikilal chiru, wi taak'e aach'ool chirixeb' li xchaq'rab' ut taapaab' li xtaqlahom, ink'a' tintaqla chaq sa' aab'een li rahilal kintaqla sa' xb'eeneb' laj Ejiipt, xb'aan naq laa'in li Qaawa', laj k'irtasihom aawe”.

Jeremías 17:14

K'irtasihin, at Qaawa', re naq tinkawuuq; chinaakol re naq kolb'ilaqin, xb'aan naq ka'ajwi' laa'at ninloq'oni aawu.

Jeremías 14:19

At Qaawa', ma xatz'eqtaana laj Judá chi junajwa? Ma xattitz'k chi rilb'al li tenamit Sión? K'a'ut naq xoohaatiq' chi ink'a' chik took'iraaq? Xqoyb'eni wank sa' tuqtuukilal, ut maak'a' junaq usilal xqataw. Xqayo'oni li kawilal, ut a' li xiwak xchalk sa' qab'een.

Jeremías 6:7

Jo' naq nayo'laak li ha' sa' junaq jul, jo'kan ajwi' naq na'elk chaq li maa'usilal Jerusalén. Sa' li tenamit a'an ka'ajwi' li rahilal ut li elq'ak na'ab'imank resil; junes raaxiik' ut rahil ch'oolej nawil junelik.

Ezequiel 30:21

“At kaamel winq, laa'in xinjuk' xwankilal laj Parahón, li awab'ej re Ejiipt; xintoq li ruq' ut maajun xb'anok chiru chi moko xe'xlan re ta naq tkawuuq ut tixchap wi' chik li xch'iich'.

Lamentaciones 2:13

Ani tatinjuntaq'eeta wi', at tenamit Jerusalén? K'a' ta wi' ru tinye aawe? Ani tawi' tkoloq aawe ut tixk'ojob' aach'ool, at Sión k'ajo' xchaq'alil aawu? Jwal nim laarahilal, kama' xnimal li palaw: ani truhanq chak'irtasinkil?