Jeremías 30:10 - Q'eqchi Bible

¹⁰ “Ab'an laa'at, a Jakob, aj k'anjelat chiwu, matxiwak -chan li Qaawa'-; mich'inank laach'ool, a Israel, xb'aan naq we'kin laa'in. Tinchalq chakolb'al laa'at jo'wi' eb' laawalal aak'ajol, tatwisi chaq sa' li najtil tenamit katintaqla wi' chi tawasiik, ut tatwanq wi' chik sa' tuqtuukilal, sa' sahilal, chi maajun chik taaxib'esinq aawe.

Li Santil hu

¹⁰ Li Ka̱cuaꞌ quixye: —Mexxucuac la̱ex li ralal xcꞌajol laj Jacob laj cꞌanjel chicuu. Mexxucuac la̱ex aj Israel. La̱in tincolok e̱re saꞌ li najtil tenamit. La̱in tincolok reheb le̱ ralal e̱cꞌajol saꞌ li naꞌajej li queꞌcꞌameꞌ cuiꞌ. Eb li ralal xcꞌajol laj Jacob teꞌcua̱nk cuiꞌchic saꞌ tuktu̱quil usilal ut incꞌaꞌ chic teꞌxucuak.

Jeremías 30:10 ပူးပေါင်းရင်းမြစ်များ

Oseas 2:18

“Sa' li kutan a'an, sa' xk'ab'a' lintenamit, tink'ojob' jun sumwank rik'ineb' li josq' aj xul, rik'ineb' li neke'xik'ank ut eb' li k'anti'. Twisi sa' li na'ajej a'in li xna' simaj, li q'esnal ch'iich' ut li yalok re naq twanq sa' tuqtuukilal lintenamit.

Jeremías 29:14

Tink'e wib' chi tawe'k eeb'aan ut tink'eheb' chaq chi sutq'iik leekomon li wankeb' chaq chi preexil; texwisi chaq sa' chixjunileb' li tenamit ut na'ajej b'arwi' xexincha'cha'i, texinch'utub' ut texinsutq'isi wi' chik sa' li na'ajej b'arwi' kexwisi. Laa'in, li Qaawa', ninyehok re a'in».

Isaías 43:5

Matxiwak b'i', xb'aan naq wankin aawik'in. Sa' xjayal chaq releb'l saq'e toj sa' rokeb'l tink'ameb' chaq ut tinch'utub'eb' laawalal aak'ajol.

Isaías 44:2

Laa'in li Qaawa' laj yoob'tesihom aawe, li kinsiyank chaq aawe ut toj yookin chatenq'ankil. Matxiwak, a Jakob, aj k'anjelat chiwu, at Yesurún, lintenamit sik'b'il ru inb'aan.

Isaías 35:9

Maak'a'aq chik aran li kaqkoj chi moko te'nume'q li josq' aj xul sa' li b'e a'an; ka'ajeb' wi' li kolb'ileb' te'b'eeq aran.

San Juan 12:15

“Matxiwak, at xrab'in Sión. Il, we' chaq laaRey k'ojk'o chaq chirix ral jun li b'uur”.

Jeremías 33:16

Chiruheb' li kutan a'an, eb' laj Judá te'kole'q, ut eb' laj Israel te'wanq sa' tuqtuukilal. A'an a'in li te'xk'e cho'q xk'ab'a' Jerusalén: «Li Qaawa' a'an laj kolol qe».

Jeremías 23:8

te'xb'aanu b'an jurament sa' xk'ab'a' li Nimajwal Yos li xk'amok chaq eb' laj Israel sa' li tenamit wan chaq sa' xjayal releb'l iq' jo'wi' sa'atq chixjunileb' li tenamit b'arwi' kixcha'cha'iheb'. Ut te'wanq wi' chik sa' li xch'och'eb'”.

Jeremías 23:3

Laa'in tink'ameb' chaq linkarneer b'arwi' xwaanilasiheb', tinch'utub'eb' ut teb'ink'am chaq wi' chik sa' li xna'ajeb', re naq te'k'iiq ut te'k'ihanq.

Jeremías 3:18

“Chiruheb' li kutan a'an eb' laj Israel ut eb' laj Judá te'wanq chik sa' junajil, ut sa' wiib'al chik te'chalq sa'eb' li na'ajej wankeb' chaq sa' xjayal releb'l iq' ut tole'okaq sa' li ch'och' ink'ehom chi reechani eb' leexe'toonil yuwa'.

Zacarías 3:10

Naq taawulaq li kutan a'an, teech'utub' eerib' chi hilank sa' xmu li kab'l sa' tuqtuukilal, chan li Nimajwal Yos»”.

Ezequiel 38:11

Taaye: Tinxik chi yalok rik'in jun tenamit li maak'a' xkolb'aleb' rib', sa wankeb' ut k'ojk'o xch'ooleb'. Chixjunileb' li na'ajej wankeb' wi' moko sutsuukeb' ta chi tz'ak, maak'a' xtz'apb'al ut xnat'b'al eb' li rokeb'aaleb'.

Ezequiel 16:52

Jo'kan utan, kuy laaxutaan xb'aan naq jwal tz'i'b'eetal wi' chik li k'aru kab'aanu, chanchan wi' tiikeb' xch'ool laawas ut laawiitz'in. Kuy laaxutaan anaqwan, xb'aan naq jwal aak'ulub' a'an.

Jeremías 30:3

xb'aan naq twulaq xkutankil naq tinsutq'isiheb' chaq wi' chik eb' lintenamit Israel ut Judá li wankeb' chaq chi preexil. Laa'in, li Qaawa', ninyehok re a'in. Tink'eheb' chi wank sa' li xna'ajeb' ink'ehom reheb' li xxe'toonil yuwa'”, chan li Qaawa'.

Jeremías 23:6

Chiru li x'awab'ejihom, eb' laj Judá te'kole'q, ut eb' laj Israel te'wanq sa' tuqtuukilal. A'an a'in li te'xk'e cho'q xk'ab'a': «Li Qaawa' a'an laj kolol qe».

Isaías 54:4

Matxiwak, moko tatkanaaq sa' xutaan; matxutaanak xb'aan naq maak'a'aq chik k'aru tatkaqo'q wi'. Tz'eq chirix laach'ool li k'aru xak'ul sa' laasaajilal ut maak'oxla chik laamalka'anil.

Isaías 46:13

Chi seeb' tinchalq chekolb'al; ak xnach'ok chaq li kolb'a ib', moko taab'ayq ta chaq. Tinyeechi'i arin Sión li kolb'a ib' cho'q re laj Israel li nintaw wi' linloq'al.

Isaías 46:11

Sa' xjayal releb'l saq'e xinb'oq chaq jun li winq, li taachalq chaq sa' jun najtil tenamit jo' li t'iw ut tixb'aanu chixjunil li wajom. Ak jo'kan xinye, ut jo'kan tinb'aanu; kama'an xink'uub', ut jo'kan naq taa'uxmanq.

Génesis 15:1

Naq ak xk'ulmank chixjunil a'in, ki'aatinaak laj Abrán xb'aan li Qaawa' sa' moy u chi jo'ka'in: “Matxiwak, Abrán: laa'in laj kolol aawe. Q'axal nimaq laaq'ajkamunkil”, chan li Yos.

Isaías 49:25

Li Qaawa' naxye naq naruuk: “Eb' li wankeb' chi preexil te'maq'e'q chiru li kaw rib', ut li reechanihom li josq' aj winq taa'eleliq chiru. Laa'in tinyaloq rik'ineb' li te'raj yalok aawik'in, ut tinkoleb' laawalal aak'ajol.

Isaías 14:3

Ex aj Israel, naq li Qaawa' texrisi chi munil, sa' li rahilal ut sa' li kawil k'anjel xextawasiik wi',

Isaías 44:1

“Ab'i, a Israel, aj k'anjelat chiwu; ab'i, a Jakob, insik'om chaq aawu.

Jeremías 23:4

Tinxaqab'eb' aj ilol reheb' re naq te'xch'oolaniheb'; chi jo'kan maak'a' te'xxiwa chi moko taasachq junaq sa' xyanqeb'”, chan li Qaawa'.

Jeremías 29:11

Laa'in wank sa' inch'ool k'aru tinb'aanu cho'q eere: twaj texwanq sa' tuqtuukilal ut ink'a' sa' rahilal, re naq toxeetaw xsahil eech'ool chi junelik. Laa'in, li Qaawa', ninyehok re a'in.

Jeremías 30:7

Q'axal rahaq rilb'al li kutan a'an, jwal xiwajelaq jo' maajun wa ilb'il. A'an xkutankil li nimla rahil ch'oolej cho'q reheb' laj Jakob, ab'an te'xkoolan xnumsinkil li kutan a'an.

Joel 2:21

Matxiwak, at loq'laj ch'och', ut chisaho'q sa' laach'ool xb'aan naq li Qaawa' tixb'aanu xninqal sachb'ach'oolej.

Isaías 49:12

K'e reetal, wankeb' te'chalq chaq chi najt; wankeb' te'chalq sa' xjayal releb'l iq' ut sa' rokeb'l li saq'e, ut wankeb' chik te'chalq chaq sa' xteepal Sinín.

Daniel 12:1

«Sa'eb' li kutan a'an taachalq laj Miguel, li xnimal ru ánjel li nakolok re laatenamit. Q'axal rahaq rilb'aleb' li kutan a'an, jo' maajun wa kik'ulmank chalen chaq sa' xtiklajikeb' li tenamit toj anaqwan. Toja' naq taakole'q laatenamit, jo'k'ihaleb' li tz'iib'anb'ileb' xk'ab'a' sa' li xHuhul li yu'am.

Oseas 2:20

Tatink'am wik'in rik'in chaab'ilal ut aran taanaw naq laa'in li Qaawa' laaYos.

Oseas 6:11

Ut cho'q aawe, at Judá, ak xaqxo sa' aab'een li xkutankil li tojb'amaak.

Miqueas 4:9

Ut anaqwan, k'a'ut naq japjo aawe, jo'kat li ixq yo chi alank? Ma yal xb'aan naq maak'a' li awab'ej, malaj xb'aan naq xe'kamk eb' laj k'ehol aana'leb'?