Jeremías 3:8 - Q'eqchi Bible

⁸ kixk'e reetal naq kintz'eqtaana laj Israel, laj q'etol aatin, ut kinjach wib' rik'in, xb'aan chixjunil li maa'usilal kixb'aanu. Ab'an laj Judá, laj b'alaq', ink'a' kixutaanak ut ki'ok ajwi' a'an chi xb'aanunkil li maa'usilal.

Li Santil hu

⁸ Laj Judá queꞌxqꞌue retal nak la̱in quintzꞌekta̱naheb laj Israel. Chanchan nak naxjach rib riqꞌuin li rixakil junak cui̱nk xban nak xtau xma̱c chiru. Abanan incꞌaꞌ queꞌoc xxiuheb laj Judá, usta queꞌril li cꞌaꞌru queꞌxcꞌul laj Israel. Queꞌxkꞌaxtesi ban ribeb chixlokꞌoninquil li jalanil dios.

Jeremías 3:8 ပူးပေါင်းရင်းမြစ်များ

Deuteronomio 24:1

“Wi junaq winq tixk'am junaq ixq ut taasumlaaq rik'in, ab'anan moqon ink'a' tixtaw li usilal rik'in, xb'aan naq tixk'e reetal naq wank k'aru ink'a' nawulak chiru li naxb'aanu li rixaqil, li winq a'an naru tixtz'iib'a xhuhil li jachok ib', tixq'axtesi sa' ruq' li ixq ut taarisi sa' li rochoch.

Oseas 3:4

Jo'ka'in te'xk'ul eb' laj Israel: chiru k'iila kutan te'wanq chi maak'a' x'awab'ejeb' chi moko junaq aj k'amol xb'eheb'; ink'a' chik te'mayejaq chi moko te'wanq xpekeb' li te'xk'e xloq'al; maak'a'aq chik aq'ej cho'q reheb' laj tij chi moko te'wanq yiib'anb'il yos sa' li xjunkab'aleb'.

Isaías 50:1

Jo'ka'in kixye li Qaawa': “Ma wank b'araq li xhuhil li jachok ib', reetalil naq xintz'eqtaana leena'? Malaj xexink'ayi ta laa'ex, re xtojb'al link'as? K'ehomaq reetal naq laa'ex xexk'ayiik xb'aan leemaak; xb'aan ajwi' leeq'etb'a aatin xtz'eqtaanaak leena'.

Ezequiel 23:9

Jo'kan naq kinq'axtesi sa' ruq'eb' li neke'rahink ru, a'eb' laj Asiria, li koho wi' xch'ool.

Ezequiel 16:47

Ut laa'at kak'anasi li xmaa'usilaleb' chi numtajenaq wi' chik; chi moko rik'in a'an kik'ojlaak laach'ool, kaq'ax b'an chik ru li xb'aanuhomeb' a'an.

Jeremías 3:1

“Qayehaq: wi junaq winq naxkanab' li rixaqil ut li ixq na'elk ut nasumlaak rik'in jalan chik, ma naru taasutq'iiq wi' chik rik'in li xwank cho'q xb'eelom? A'an q'axal xutaanal cho'q re chixjunil li tenamit. Jo'kan b'i', a Israel, laa'at xamux aawib' rik'in naab'aleb' li xe'rahink aawu, ut anaqwan taawaj wi' chik sutq'iik chaq wik'in!

Deuteronomio 24:3

Ab'an wi li xkab' b'eelomej ajwi' xik' taaril li ixq, tixtz'iib'a junaq xhu re xjachb'al rib' rik'in ut tixq'axtesi sa' ruq' ut taarisi sa' li rochoch (malaj ut taakamq li xkab' b'eelomej),

Jeremías 2:19

A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Jeremías 33:24

“Ma ink'a' nakawab'i naq eb' li poyanam neke'xye naq xintz'eqtaanaheb' li wiib' teep chi tenamit insik'om ru, a' laj Israel ut laj Judá? Jo'kan naq neke'xtz'eqtaana lintenamit, chi moko neke'ril jo' junaq tenamit.

Ezequiel 16:46

Samaria rochb'eeneb' li xk'aleb'aal, a'an laachaq'na' li wank sa' xjayal releb'l iq'; ut Sodoom rochb'eeneb' li xk'aleb'aal, a'an laawiitz'in li wank sa' xjayal rokeb'l iq'.

Ezequiel 16:51

Ab'anan Samaria chi moko jun yiijachaq laamaak kixb'aanu. Laa'at k'ajo' wi' chik li maa'usilal kab'aanu chiru laawas ut laawiitz'in, chanchan wi' tiikeb' xch'ool.

2 Crónicas 21:11

Kixyiib'atq ajwi' li tijob'aal chi tzuul sa' xteepal Judá. Kixk'am xb'eheb' laj Jerusalén chi xtz'eqtaanankil li Qaawa', ut jo'kan ajwi' kixb'aanu rik'ineb' laj Judá.

Jeremías 5:7

“Chan ta naq tinkuy aamaak xb'aan a'an, a Jerusalén? -chan li Qaawa'-. Eb' laawalal aak'ajol xine'xtz'eqtaana ut a' chik li maawa' yos neke'xpatz' sa' jurament. Naq xink'eheb' chi tzekank toj reetal xe'nujak, intz'eqtaanankil chik xe'xb'aanu ut jun xikikeb' sa' rochochil li maa'usilal chi xmuxb'aleb' rib'.

Ezequiel 23:44

Ut jo'ka'in kik'ulmank: ke'chalk rik'in lix Oholá ut lix Oholibá, jo' ta wi' wank rik'ineb' laj yumb'eet.