Jeremías 3:5 - Q'eqchi Bible

⁵ ma toj yooq tab'i' junelik laajosq'il sa' inb'een? Ma tik maajoq'e toxraqe'q laajosq'il?», chankat. Jo'ka'in xaye ut, chirix a'an, xab'aanu chixjunil li maa'usilal li xk'e rib' chawu”.

Li Santil hu

⁵ ¿Ma junelic ta biꞌ yo̱k a̱joskꞌil saꞌ kabe̱n? ¿Ma chi ti̱c incꞌaꞌ ta̱numekꞌ a̱joskꞌil?” chanquex. La̱ex aj Israel, joꞌcan yo̱quex chixyebal. Abanan toj yo̱quex chixba̱nunquil chixjunil li ma̱usilal, chan li Dios.

Jeremías 3:5 ပူးပေါင်းရင်းမြစ်များ

Miqueas 7:3

K'aynaqeb' li ruq'eb' chi xb'aanunkil li maa'usilal; eb' laj jolominel kaw neke'titz'ok toj, eb' laj raqol aatin neke'tuminaak ruheb', ut eb' li ninqeb' xwankil neke'xb'aanu li neke'raj ut neke'xk'uub' ru li ink'a' us.

Miqueas 2:1

Ra chaalel sa' xb'eeneb' li ink'a' neke'b'aanunk li tiikilal! Naq yokyookeb' sa' li xwarib'aaleb', neke'xk'uub' li maa'usilal; ut naq nawulak xkutankil, neke'xb'aanu li xk'uub'ahomeb' xb'aan naq wank li xwankileb'.

Ezequiel 22:6

Wankeb' aawik'in eb' li xjolomileb' laj Israel, ut junes kamsink ras riitz'in neke'xb'aanu, a' yaal chanru li xwankileb'.

Jeremías 3:12

Ayu sa' xjayal releb'l iq' ut ye li esilal a'in: «Xyehom li Qaawa': Sutq'in chaq wik'in, a Israel, aj q'etolat aatin. Ink'a' chik yo injosq'il sa' aab'een chi moko xik' chik nakatwil, xb'aan naq q'axal chaab'il linch'ool -chan li Qaawa'-.

Isaías 57:16

Ink'a' tinjit lintenamit chi junelik chi moko toj yooq linjosq'il chi junajwa, xb'aan naq laa'in kinyoob'tesink re li winq ut li ixq, ut ink'a' nawaj naq te'ch'inanq ut te'raho'q xch'ool chiwu.

Isaías 64:9

Mi q'axal at josq'o'k, at Qaawa', chi moko junelik taak'e sa' laach'ool li qamaak. Chak'e reetal naq laa'o laatenamit chiqajunilo.

Salmos 85:5

At Qaawa' aj kolol qe, choohaakol wi' chik anaqwan, ch'anab' wan laajosq'il sa' qab'een.

2 Crónicas 29:10

Ab'an anaqwan x'alaak sa' inch'ool xk'ojob'ankil jun sumwank rik'in li Qaawa', xYos laj Israel, re naq tixnajtob'resi qik'in li xnimal xjosq'il.

Salmos 85:6

Ma junelik tab'i' yooq laajosq'il sa' qab'een? Ma po'pooq laach'ool qik'in junelik q'e kutan?

Jeremías 8:5

Ut k'a'ut naq li tenamit Jerusalén toj naxjipi rib' ut naxq'etq'eti rib' chi junajwa? Jwal kaw xch'ooleb' chirix li b'alaq'il na'leb' ut ink'a' neke'raj sutq'iik chaq wik'in.

Jeremías 8:6

Xe'wab'i chi us: maajun reheb' nayehok li yaal; maajun naraho'k xch'ool chirix li xmaa'usilal ut naxye ta: K'aru xinb'aanu? Chixjunileb' xe'xjal xb'eheb' ut neke'xb'aanu li k'aru neke'raj; xe'kaano'k ruheb', kama'eb' chik li kawaay li neke'kaano'k ru chi yalok.