Jeremías 3:3 - Q'eqchi Bible

³ Aab'aan laa'at naq ink'a' chik naxk'e li hab' sa' xq'ehil; kama'at tz'aqal junaq aj yumb'eet, tik ink'a' nakatxutaanak b'ayaq.

Li Santil hu

³ Joꞌcan nak incꞌaꞌ chic naxqꞌue li hab. Incꞌaꞌ xtꞌaneꞌ li hab saꞌ xkꞌehil li a̱uc. Xban nak la̱ex yo̱quex chixlokꞌoninquil li jalanil dios, chanchanex li ixk li naxcꞌayi rib. Incꞌaꞌ nequexxuta̱nac.

Jeremías 3:3 ပူးပေါင်းရင်းမြစ်များ

Levítico 26:19

Tinsach xkawilal leeq'etq'etil ut tinye re li choxa naq ink'a' chik tixtaqla chaq li hab' ut li ch'och' ink'a' chik taa'uuchinq ru.

Jeremías 14:4

X'atz'je'k li ch'och' xb'aan naq maak'a' li hab'; jo'kan naq xe'wiib'ank xch'ool eb' laj k'alom ut xe'xtz'ap li xjolomeb'.

Jeremías 14:22

Ma wank tab'i' junaq xyoseb' li najtil tenamit li nataqlank chaq li hab'? Ma nachalk tab'i' li musmus hab' sa' choxa yal xjunes rib'? Ink'a', at Qaawa', at qaYos! Laa'at nakattaqlank chaq re, laa'at nakatb'aanunk re chixjunil a'an. Jo'kan naq aawik'in nokoo'oyb'enink chi junelik.

Jeremías 5:24

Ink'a' x'alaak b'ayaq sa' xch'ooleb' xyeeb'al: Qaxiwaaq ru li Qaawa' li qaYos li naxtaqla chaq li hab' sa' xq'ehil; ut ak xaqxo li kutan li naqaxok wi' ru li awimq.

Isaías 5:6

Nakirirnak tinkanab' li ch'och' a'an: ink'a' chik taa'aq'iiq chi moko taasaab'esiiq, chamo'qaq li pim ut chinujaq li k'ix sa' xb'een. Ut tinram chiruheb' li choql re naq ink'a' tixk'e li hab' sa' xb'een.

Deuteronomio 28:23

Sa' xb'een laajolom q'anch'iich'aq li choxa, ut li ch'och' chawub'el a'an raxch'iich'aq.

Hageo 1:11

Laa'in xintaqlank re li saq'ehil sa' ruuchich'och': sa' xb'eeneb' li k'iche', sa' xb'een li triiw, sa' xb'een li uub' ut li oliiw, sa' xb'eeneb' li rawimq li ch'och', sa' xb'eeneb' li poyanam, eb' li xul ut chixjunil li k'anjel na'uxmank”.

Amós 4:7

“Naq oxib' po chik xq'ehil li q'olok, xintz'ap li hab'. Xink'e li hab' sa' jun tenamit, ut sa' li jun chik ink'a' xink'e. Xk'e li hab' sa' jun k'aleb'aal, ut li jun chik xchaqik xb'aan xmajelal li ha'.

Jeremías 9:12

Ani tz'aqal wank xna'leb' chi xtawb'al ru a'in? Ani x'aatinaak xb'aan li Qaawa'? Xyehaq anaqwan. K'a'ut naq x'oso'k li qana'aj ut xkanaak jo' li chaqich'och', chi maajun chik nanume'k aran?

Jeremías 8:12

Tento raj xe'xutaanak b'ayaq chi xb'aanunkil li jo'maajo'il na'leb' a'an, ab'an maak'a' xxutaaneb' chi moko xe'kaqo'k kach'inaq xb'aan li xb'aanuhomeb'. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'»”, chan li Qaawa' Yos.

Jeremías 6:15

Tento raj xe'xutaanak b'ayaq chi xb'aanunkil li jo'maajo'il na'leb', ab'anan maak'a' xxutaaneb' chi moko xe'kaqo'k kach'inaq xb'aaneb' li xb'aanuhom. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'”, chan li Qaawa' Yos.

Sofonías 3:5

Ab'anan li Qaawa' wank sa' xyanqeb'. A'an usilal naxb'aanu, ut maawa' li ink'a' us. Wulaj wulaj naraqok aatin ut rajlal eq'la naxk'ut li tiikilal chiruheb'. A'ut li reemaaru aj winq ink'a' naxnaw xutaanak.

Ezequiel 3:7

Ab'an eb' laj Israel moko te'raj ta aawab'inkil, xb'aan naq ink'a' neke'raj inpaab'ankil laa'in. Chixjunileb' laj Israel jwal jipeb' ut q'axal kaw li xjolomeb'.

Jeremías 5:3

At Qaawa', ma ink'a' tab'i' a' li yaal nakasik'? Xarahob'tesiheb', ab'an maak'a' xe'reek'a; xasacheb' ru, ab'an ink'a' xe'raj xtawb'al xyaalal. Xe'xkawub'resi b'an li xch'ooleb' jo' li pek ut ink'a' xe'raj xjalb'al xna'leb'eb'.

Hebreos 12:25

K'ehomaq reetal, meetz'eqtaana li yo chi aatinak qik'in, xb'aan naq wi ink'a' ke'kole'k li ke'xtz'eqtaana laj ch'olob'ahom yaal arin sa' ruuchich'och', ma toja' ta chik laa'o wi taaqatz'eqtaana li na'aatinak chaq toj sa' choxa?

Nehemías 9:17

Ink'a' ke'raj paab'ank chi moko xjultikankil eb' li sachb'ach'oolej kab'aanu sa' xyanqeb'; ke'xkawub'resi b'an xch'ooleb' ut ke'xxaqab' jun aj k'amol b'e re te'sutq'iiq wi' chik Ejiipt sa' li munil. Ab'anan laa'at li Yos aj kuyul maak, chaab'il laach'ool ut aj uxtaanat; ink'a' nakatjosq'o'k sa' junpaat ut k'ajo' laarahom. Ink'a' kakanab'eb' xjunes.

Jeremías 14:3

Eb' li ninqeb' xwankil neke'xtaqla li xmooseb' chi sik'ok ha'; eb' a'in neke'xik wankeb' wi' li kumb', ut maak'a' li ha'. Neke'sutq'iik chaq chi maak'a' xsa' li xkukeb'; sachsookeb' xch'ool ut tz'aptz'ookeb' li xjolomeb' sa' t'ikr xb'aan xxutaaneb'.

Jeremías 36:2

“Sik' junaq b'otb'ookil hu ut tz'iib'a chisa' chixjunileb' li aatin inyehom aawe chirix li tixk'ul laj Israel, laj Judá ut chirix chixjunileb' li tenamit chalen chaq xb'enwa toj anaqwan.

Sofonías 2:1

Ch'utub'omaq eerib', ex poyanam li maak'a' eexutaan,

Génesis 19:34

Sa' li kutan jun chik, li chaq'na'b'ej kixye re li riitz'in: “Ab'i, ewer chi q'eq laa'in xinwark rik'in linyuwa'. Qakaltesihaq ajwi' chiru li q'oqyink a'in, ut laa'at chik tatwarq rik'in: chi jo'kan taawanq ralal aawik'in”, chan.

Proverbios 21:29

Li ink'a' us xna'leb', naxb'aanu rib' naq kaw xch'ool; a'ut ka'ajwi' li nawank sa' li tiikilal k'ojk'o xch'ool xb'aan naq maak'a' xmaak.

Jeremías 5:25

Xb'aan leemaa'usilal naq xjalaak ru chixjunil a'in; a' leemaak laa'ex xnajtob'resink eere rik'in li sahil wank.

Jeremías 14:1

Li Qaawa' ki'aatinak rik'in laj Jeremías xb'aan xmajelal li ha', ut kixye re:

Amós 4:8

Eb' li poyanam xkoheb' chi xsik'b'al xha' yalaq b'ar sa'eb' li tenamit, ut ink'a' xkotz li xchaqi'eeleb'. Ab'anan laa'ex ink'a' xexsutq'iik chaq wik'in”, chan li Qaawa'.