Jeremías 3:23 - Q'eqchi Bible

²³ Relik chi yaal naq maak'a' aj e li xik sa' xb'eeneb' li tzuul ut li ninq'ehik sa' xb'eeneb' li b'ool. Ka'ajwi' li Qaawa' li qaYos nakolok reheb' laj Israel.

Li Santil hu

²³ Relic chi ya̱l nak ma̱cꞌaꞌ na-oc cuiꞌ li cꞌaꞌru xkaba̱nu chak saꞌ eb li tzu̱l. Junes choki̱nc xkaba̱nu. Relic chi ya̱l nak caꞌaj cuiꞌ la̱at li Ka̱cuaꞌ li kaDios naru nacatcoloc ke la̱o aj Israel.

Jeremías 3:23 ပူးပေါင်းရင်းမြစ်များ

Salmos 3:8

Xaqlin, at Qaawa'! Chinaakol, at inYos! Xatz'ajiheb' chawuq' chixjunileb' li xik' neke'ilok we, xajori li ruuch reheb' li ink'a' useb' xch'ool.

Isaías 12:2

A' li Yos nakolok we; k'ojk'o li waanm rik'in ut maak'a' ninxiwa. Li Qaawa' a'an linkawilal ut linmetz'ew, a'an laj kolol we”.

San Juan 4:22

Laa'ex nekeloq'oni li b'arwan ink'a' nekenaw; laa'o naqaloq'oni li naqanaw, xb'aan naq li kolb'a ib' rik'ineb' laj Judiiy nachalk chaq.

Oseas 1:7

Ab'anan twil xtoq'ob'aal ru eb' laj Judá ut tinkoleb': maawa' rik'in simaj malaj q'esnal ch'iich', rik'in yalok malaj kawaay, chi moko rik'ineb' li neke'xik chirixeb' kawaay, sa' ink'ab'a' b'an laa'in li Qaawa', li xYoseb'”.

Ezequiel 20:28

Laa'in kink'ameb' sa' li chaab'il ch'och' li kinyeechi'i reheb' sa' jurament, ut ka'ajwi' ke'ril junaq tzuul najt xteram malaj junaq che' jwal nim li xmu, aran ke'mayejak ut ke'xyeechi'i li ink'a' nawulak chiwu; aran ajwi' ke'xk'at li xpomeb' li jwal sununk xb'ook ut ke'xmayeja li chaab'il b'iin.

Jeremías 17:14

K'irtasihin, at Qaawa', re naq tinkawuuq; chinaakol re naq kolb'ilaqin, xb'aan naq ka'ajwi' laa'at ninloq'oni aawu.

Jeremías 14:8

Laa'at li xyo'oon laj Israel, laa'at laj kolol qe sa' li rahilwank: k'a'ut naq nakab'aanu aawib' chi jalan laatenamit sa' li na'ajej a'in? Chanchanat laj numel b'e li nakanaak yal jun q'oqyink ajwi'.

Jeremías 3:6

Naq toj wank chi awab'ejil laj Josías, li Qaawa' kixye we: “Ma xak'e reetal li xb'aanu laj Israel, laj q'etol aatin? Xkoho sa' xb'eeneb' chixjunil li tzuul jo'wi' rub'elatq li ninqi che' re xmuxb'al rib' aran.

Isaías 63:16

Laa'at li qana' qayuwa'! Us ta laj Abrahán ink'a' nokooxk'e sa' xch'ool chi moko nokoojultiko'k re laj Israel, a'ut laa'at li qana' qayuwa', at Qaawa'; chalen chaq sa' xtiklajik laa'at laj kolol qe.

Isaías 63:1

“Ani li kaqkaq raq', li yo chaq chi chalk Bosrá, sa' xteepal Edom? Q'axal ch'ina'us li xtiqib'ankil naq yo chaq chi chalk, rik'in xnimal xwankil”. “Laa'inin, li nin'aatinak rik'in tiikil ch'oolej ut q'axal nim inwankil chi kolok”.

Isaías 45:20

“Ch'utub'omaq eerib' ut kimqex wik'in; jilonqex chink'atq jo'k'ihalex li ink'a' xsache'k eeru sa'atqeb' li tenamit. Maak'a'eb' xna'leb' li neke'b'eresink li che'ilyos, ut neke'elajink chiru junaq yos li ink'a' nakolok.

Isaías 45:17

A'ut laj Israel kolb'ilaq xb'aan li Qaawa', kolb'ilaq chi junajwa. Maajaruj chik texk'ehe'q sa' xutaan chi moko texse'eeq.

Isaías 45:15

Relik chi yaal naq laa'at li muqmuukil Yos, laa'at li xYos laj Israel, laj Kolonel.

Isaías 44:9

Chixjunileb' laj yiib'ahom xjalam u jalanil yos maak'a' neke'ok wi'; maak'a' rajb'al li xb'aanuhomeb' us ta jwal raaro xb'aaneb'. Eb' li neke'loq'onink reheb' maak'a' neke'ril ut maak'a' neke'xnaw; jo'kan naq te'kanaaq sa' xutaan.

Isaías 43:11

Ka'ajin wi' li Qaawa', ut maak'a' chik junaq aj kolonel chiwu.

Salmos 62:7

Ka'ajwi' a'an linsaqoonak ut li xkolb'al wib'; wi ninmuhenk rik'in, ink'a' taach'inanq li waanm.

Proverbios 21:31

Nakawresimank li kawaay cho'q re xkutankil li yalok, ab'anan a' li Qaawa' nak'ehok li q'axok u.

Jeremías 17:2

Eb' laawalal aak'ajol najultiko'k reheb' eb' li artal ut li xtooneb' li che' nekek'e cho'q yos, li wankatqeb' sa' xmuheb' li che', sa' xb'eenatq eb' li xninqal b'ool

Jeremías 31:7

Jo'ka'in ajwi' kixye li Qaawa': “Japomaq eere xb'aan xsahil leech'ool chirixeb' laj Jakob, chiwanq sahil ch'oolejil sa' xk'ab'a' li xnimal ru tenamit. Puktesihomaq resil, chenimaaq ru ut yehomaq: «Li Qaawa' xkol li xtenamit, li rela'eb' laj Israel».

Isaías 10:20

Sa' li kutan a'an eb' laj Israel li te'kole'q, eb' li ralal xk'ajol laj Jakob li te'kanaaq ink'a' chik te'xkawub'resi xch'ool chirixeb' li xe'rahob'tesink reheb', chi anchaleb' b'an chik xch'ool te'xtz'aama xtenq'ankileb' chiru li Qaawa', li xSant laj Israel.