Jeremías 3:21 - Q'eqchi Bible

²¹ “Na'ab'imank xyaab' kuxej sa' xb'eeneb' li t'ojoch aj tzuul: a'aneb' laj Israel li yookeb' chi yaab'ak re xtz'aamankil xkuyb'al xmaakeb'. Xe'xjal xb'eheb' ut xinsachk sa' xch'ooleb'; xine'xtz'eqtaana laa'in li Qaawa', li xYoseb'.

Li Santil hu

²¹ Qui-abi̱c xya̱b cux saꞌ eb li tzu̱l. Aꞌan xya̱b xcuxeb laj Israel nak yo̱queb chi ya̱bac ut yo̱queb chixtzꞌa̱manquil xtenkꞌanquileb chicuu. Xeꞌxba̱nu li ma̱usilal ut xineꞌxtzꞌekta̱na la̱in li Ka̱cuaꞌ lix Dioseb.

Jeremías 3:21 ပူးပေါင်းရင်းမြစ်များ

2 Corintios 7:10

Li rahil ch'oolej jo' naraj li Yos naxyoob' chi junajwa li yot'b'ach'oolej jalb'ak'a'uxl ut naxk'am chaq li kolb'a ib'; ab'an li rahil ch'oolej jo' chanru naraj li ruuchich'och', a'an naxyoob' li kamk.

Jeremías 31:9

Yooqeb' chaq chi tijok ut chi yaab'ak naq te'chalq. Teb'ink'am chireheb' li nima', sa' li b'e tiik ru, re naq ink'a' te'xtich li roqeb'. Xb'aan naq laa'in li xyuwa' laj Israel, ut laj Efraín a'an li xb'een li walal.

Jeremías 3:2

Taqsi laawilob'aal sa' xjayal eb' li tzuul ut k'e reetal: ma wank junaq na'ajej ink'a' xatyumb'eetak wi'? Chire b'e xachunub' aawib' royb'eninkileb' li neke'rahink aawu, chanchanat junaq ixq aj Arabia sa' li junesal na'ajej, ut xatz'ajni ru chixjunil li tenamit rik'in laamaa'usilal ut yumb'eetak.

Jeremías 2:32

Ma nasachk tab'i' sa' xch'ool junaq tuq'ixq li xchaab'il b'aatal, malaj li sum'anmej ink'a' chik najultiko'k re li xsahob' ru? Ab'an lintenamit ak najter ninsachk sa' li xch'ool.

Isaías 17:10

Xb'aan naq xatz'eqtaana li Yos, laj kolol aawe, ut xsachk sa' laach'ool naq A'an li nak'ehok aakawilal. Jo'kan naq xawaw eb' li ch'ina'usil awimq rik'in jalanil iyaj li chalenaq sa' ab'l tenamit.

Isaías 15:2

Eb' li wankeb' Dibón xkoheb' chi yaab'ak sa' li tijob'aal wank chi tzuul; ut eb' laj Mohab xyot'e'k xch'ooleb' xb'aan li nimla rahilal li xe'xk'ul li tenamit Nebo ut Mádaba. Chixjunileb' xe'xjo li rismal xjolomeb' ut li xmacheb'.

Miqueas 3:9

Ab'ihomaq anaqwan li aatin a'in, ex xjolomileb' laj Jakob; ab'ihomaq laa'ex li nekextaqlank sa' xb'eeneb' li ralal xk'ajol laj Israel. Laa'ex xik' nekeril li tiikilal ut nekepo' ru li k'ulub'ej;

Oseas 13:6

“Ab'an naq ke'wa'ak ut ke'nujak, kiq'etq'eto'k chik li xch'ooleb' ut kine'xtz'eqtaana.

Oseas 8:14

Eb' laj Israel xe'xyiib' naab'al li xninqal ru ochoch, ut xsachk sa' xch'ooleb' laj Yoob'tesihom reheb'. Eb' laj Judá xe'xsuttz'aki naab'aleb' li tenamit; a'ut laa'in tink'eheb' xxamlel, ut te'k'ate'q chixjunileb' li xchaq'alil ru ochoch”.

Ezequiel 23:35

“Jo'kan naq laa'in, li Qaawa', ninye chi jo'ka'in: Sa' xk'ab'a' naq xinaatz'eq chirix laach'ool ut xinaakanab', jo'kan naq taatoj rix laamaa'usilal ut laayib' aj b'aanuhom”.

Ezequiel 7:16

Eb' li te'ruhanq chi elelik, te'xb'eeni rib' sa'atqeb' li k'iche', tz'uyuynaqeb' xb'aan li xmaakeb', jo'qeb' li mukuy xib'esinb'ileb'.

Proverbios 19:3

Li maak'a' xna'leb' nasachk sa' li xb'e, ut chirix a'an naxk'e xmaak li Qaawa'.

Proverbios 10:9

Li tiik ru xyu'am, maak'a' naxxiwa; a'ut li ink'a' nawank sa' tiikilal sa' jun kutan taak'utunq li xlab'al xch'ool.

Li xHu LAJ JOB 33:27

Toja' naq tatb'ichanq chiruheb' chixjunil li tenamit chi jo'ka'in: “Xinmaakob'k ut xinb'aanu li ink'a' us; ab'an li Yos ink'a' xinxk'e chi xtojb'al rix linmaak.

Números 22:32

ab'an li x'Ánjel li Yos kixye re: “K'a'ut naq ak ox wa xasak' laab'uur? Laa'in li yookin chi tz'apok laab'e, xb'aan naq cho'q we laa'in moko us ta li xik wi' aawe.

Isaías 57:11

“K'a' chi yosil xxib'esink aawe ut xatxiwak xb'aan naq xinaab'alaq'i ut xinsachk sa' laach'ool chi junajwa? Ma yal xb'aan naq maak'a' ninye aawe chalen chaq junxil naq ink'a' xaxiwa wu?

Jeremías 7:29

At Jerusalén, set li rismal laajolom ut kut chi najt. Ayu chi yaab'ak sa' xb'eeneb' li t'ojoch aj b'ool. Xb'aan naq li Qaawa' yo xjosq'il rik'ineb' laakomonil; xtz'eqtaanaheb' ut xkanab'eb' xjunes chi junajwa.

Jeremías 12:12

Sa' xb'eeneb' chixjunil li t'ojoch aj tzuul xe'chalje'k chaq eb' laj elq' xb'aan naq laa'in, li Qaawa', wank jun inq'esnal ch'iich' li tinsach wi' chixjunil li na'ajej toj sa' xmaril, ut maajun taakole'q.

Jeremías 13:25

A'an laak'ulub', a Israel, a'an laaq'ajkamunkil li tink'e aawe -chan li Qaawa' Yos-. Xb'aan naq xinaatz'eq chirix aach'ool ut xkohat chirixeb' li yos li maak'a' neke'ok wi'.

Jeremías 18:15

Ab'an lintenamit xinxtz'eq chirix li xch'ool, ut namayejak chik k'ajpom chiruheb' li jalanil yos. Xe'tichk'ok ut xe'xkanab' li chaab'il b'e ink'utum chiruheb' junxil, ut a' chik li ink'a' usil b'e ke'ok xtaaqenkil li ink'a' xnawomeb' ru.