Jeremías 3:2 - Q'eqchi Bible

² Taqsi laawilob'aal sa' xjayal eb' li tzuul ut k'e reetal: ma wank junaq na'ajej ink'a' xatyumb'eetak wi'? Chire b'e xachunub' aawib' royb'eninkileb' li neke'rahink aawu, chanchanat junaq ixq aj Arabia sa' li junesal na'ajej, ut xatz'ajni ru chixjunil li tenamit rik'in laamaa'usilal ut yumb'eetak.

Li Santil hu

² Ilomakeb li tzu̱l. ¿Ma cuan ta biꞌ junak naꞌajej li incꞌaꞌ xelokꞌoniheb cuiꞌ li jalanil dios? Xecꞌojob e̱rib chire li be roybeninquileb li te̱lokꞌoniheb. Chanchanex laj árabe li naroybeni ani tixchap saꞌ li chaki chꞌochꞌ. La̱ex xemux ru li naꞌajej xban nak xelokꞌoniheb li jalanil dios.

Jeremías 3:2 ပူးပေါင်းရင်းမြစ်များ

Jeremías 2:20

“Laa'at ak junxil chik kawisi aawib' rub'el inwankil, ut kaq'etq'eti aawib' chiwu ut kaye: «Ink'a' chik nawaj k'anjelak chawu», chankat. Ut sa' xb'eenatq eb' li b'ool ut rub'elatq li ninqi che' katyoklaak ut kamux aawib' jo' junaq aj yumb'eet.

Jeremías 2:7

Laa'in kexink'am chaq sa' li xq'emal ch'och' a'in re xtzekankil li chaab'il ruhil awimq na'elk chiru. A'ut naq kolex'okaq laa'ex, kemux ru linch'och' ut xa'b'eetal kekanab' li weechanihom.

Génesis 38:14

Toja' naq a'an kirisi li raq' li xmalka'anil ut kixk'e jun t'ikr chirix, kixb'at rib' chisa' ut koxk'ojlaaq Petaj-Enáhin, li wank sa' xb'ehil Timná. Xb'aan naq ak xk'ehom reetal naq laj Selá ak xwinqilo'k, ab'an ink'a' xk'ehe'k cho'q xb'eelom.

Jeremías 3:1

“Qayehaq: wi junaq winq naxkanab' li rixaqil ut li ixq na'elk ut nasumlaak rik'in jalan chik, ma naru taasutq'iiq wi' chik rik'in li xwank cho'q xb'eelom? A'an q'axal xutaanal cho'q re chixjunil li tenamit. Jo'kan b'i', a Israel, laa'at xamux aawib' rik'in naab'aleb' li xe'rahink aawu, ut anaqwan taawaj wi' chik sutq'iik chaq wik'in!

Deuteronomio 12:2

“Teesach chi junajwa chixjunileb' li na'ajej b'arwi' neke'xloq'oni li xyoseb' eb' li tenamit teereechani: teesach sa' xb'eeneb' li tzuul, sa' xb'eeneb' li b'ool ut rub'elatq chixjunil li xchaq'alil ru che'.

San Lucas 16:23

“Ut sa' li xb'alb'a, naq yo chi xk'ulb'al xnimal li rahilal, kixtaqsi li rilob'aal ut kiril ru laj Abrahán chi najt, ut laj Lázaro wank chi xk'atq.

Ezequiel 16:16

Rik'ineb' laab'aatal kayiib'atq muheb'aal uutz'u'ujinb'ileb' ru, sa' xb'eenatq li b'ool, re xmuxb'al aawib' aran.

Jeremías 7:29

At Jerusalén, set li rismal laajolom ut kut chi najt. Ayu chi yaab'ak sa' xb'eeneb' li t'ojoch aj b'ool. Xb'aan naq li Qaawa' yo xjosq'il rik'ineb' laakomonil; xtz'eqtaanaheb' ut xkanab'eb' xjunes chi junajwa.

Jeremías 3:21

“Na'ab'imank xyaab' kuxej sa' xb'eeneb' li t'ojoch aj tzuul: a'aneb' laj Israel li yookeb' chi yaab'ak re xtz'aamankil xkuyb'al xmaakeb'. Xe'xjal xb'eheb' ut xinsachk sa' xch'ooleb'; xine'xtz'eqtaana laa'in li Qaawa', li xYoseb'.

Jeremías 3:9

Maak'a' xxutaan chi xmuxb'al rib'; ut kixtz'ajni ru chixjunil li tenamit naq ki'ok chi xloq'oninkil ru li yos yiib'anb'il rik'in pek ut che'.

Jeremías 2:23

Chan put ru naq nakaye: «Maak'a' ninmux wi' wib', ink'a' ninloq'oni ru laj Bahal»? Il eb' laanums chiru li taq'a ut k'e reetal laab'aanuhom, at ch'ina kameey li nakatsachb'esink b'e;

Proverbios 23:28

Naramok sa' b'e jo' laj elq', ut xmaak a'an naab'aleb' chi winq xe'oso'k sa' li maak.

Proverbios 7:11

A'an jun li ixq seeb' xch'ool chi b'alaq'ik, ut ink'a' jwal nawank sa' li rochoch;

2 Reyes 23:13

Li awab'ej kixmux ajwi' eb' li tijob'aal li wankeb' chi tzuul chiru Jerusalén, sa' xjayal rokeb'l iq' re li tzuul Oliiw, li ke'yiib'aak xb'aan laj Salomón, awab'ej re Israel, sa' xk'ab'a' lix Astarté, xyoseb' laj Sidón, sa' xk'ab'a' laj Kemós, xyoseb' laj Mohab, ut sa' xk'ab'a' laj Milkón, xyoseb' laj Amón.

1 Reyes 11:3

o'lajuk'aal xkab' o'q'ob' (700) rixaqil, junes xrab'ineb' awab'ej, kiwank laj Salomón ut o'lajuk'aal (300) xkab' rixaqil.

Ezequiel 20:28

Laa'in kink'ameb' sa' li chaab'il ch'och' li kinyeechi'i reheb' sa' jurament, ut ka'ajwi' ke'ril junaq tzuul najt xteram malaj junaq che' jwal nim li xmu, aran ke'mayejak ut ke'xyeechi'i li ink'a' nawulak chiwu; aran ajwi' ke'xk'at li xpomeb' li jwal sununk xb'ook ut ke'xmayeja li chaab'il b'iin.

Salmos 106:38

Ke'xhoy li kik' li maak'a' xmuxul, a' li xkik'el li ralal xk'ajoleb' mayejanb'il chiruheb' li xyoseb' laj Kanahán. Jo'kan naq kimuxmank li na'ajej rik'in kik',

Jeremías 3:13

Ka'ajwi' nawaj naq taaxooto laamaak, xb'aan naq xaq'etq'eti aawib' chiru li Qaawa' laaYos, junelikat chaq rik'ineb' li jalanil yos rub'elatq li ninqi che', ut ink'a' xawaj xpaab'ankil li waatin», chan li Qaawa'”.

Jeremías 12:12

Sa' xb'eeneb' chixjunil li t'ojoch aj tzuul xe'chalje'k chaq eb' laj elq' xb'aan naq laa'in, li Qaawa', wank jun inq'esnal ch'iich' li tinsach wi' chixjunil li na'ajej toj sa' xmaril, ut maajun taakole'q.

Oseas 2:5

Li xna'eb' kixmux li xyu'am; li ixq li ki'alank reheb' kixsach xloq'al naq kixye: «Tinxik rik'ineb' li neke'rahink we, a'eb' li neke'k'ehok inwa ut wuk'a', jo'wi' linliin ut lintuuxnoq', lin'aseeyt ut linb'iin», chan.