Jeremías 3:18 - Q'eqchi Bible

¹⁸ “Chiruheb' li kutan a'an eb' laj Israel ut eb' laj Judá te'wanq chik sa' junajil, ut sa' wiib'al chik te'chalq sa'eb' li na'ajej wankeb' chaq sa' xjayal releb'l iq' ut tole'okaq sa' li ch'och' ink'ehom chi reechani eb' leexe'toonil yuwa'.

Li Santil hu

¹⁸ Saꞌ eb li cutan aꞌan, eb laj Judá teꞌxjunaji ribeb riqꞌuineb laj Israel saꞌ li naꞌajej li cuan saꞌ li norte. Ut cuotz teꞌxic saꞌ li naꞌajej li quinqꞌue reheb le̱ xeꞌto̱nil yucuaꞌ.

Jeremías 3:18 ပူးပေါင်းရင်းမြစ်များ

Jeremías 31:8

Laa'in teb'ink'am chaq sa' li tenamit wank sa' xjayal releb'l iq', ut tinch'utub'eb' li wankatqeb' chaq sa' xmaril li ruuchich'och'. Rochb'eenaqeb' chaq eb' li mutz' jo'wi' eb' li yeq roq, eb' li ixq li wankeb' sa' yu'am ut eb' li ak xe'alank: jun nimla teep li te'sutq'iiq chaq wik'in.

Amós 9:15

Xb'aan naq teb'ink'ojob' sa' li xch'och'eb', ut maajoq'e chik te'isiiq sa' li xna'ajeb' ink'ehom reheb', chan li Qaawa' laaYos”.

Oseas 1:11

Toja' naq eb' laj Judá ut eb' laj Israel te'xjunaji rib'eb', te'xxaqab' jun ajwi' aj jolominel reheb' ut yalaq b'ar te'sutq'iiq chaq Jerusalén. Relik chi yaal naq q'axal nimaq li xkutankil Jisrehel!

Jeremías 50:4

“Sa'eb' li kutan a'an te'sutq'iiq chaq eb' li ralal xk'ajol laj Israel, rochb'eenaqeb' chaq laj Judá, chi yooqeb' chaq chi yaab'ak naq te'chalq chi xsik'b'al li Qaawa' li xYoseb'.

Jeremías 23:8

te'xb'aanu b'an jurament sa' xk'ab'a' li Nimajwal Yos li xk'amok chaq eb' laj Israel sa' li tenamit wan chaq sa' xjayal releb'l iq' jo'wi' sa'atq chixjunileb' li tenamit b'arwi' kixcha'cha'iheb'. Ut te'wanq wi' chik sa' li xch'och'eb'”.

Jeremías 16:15

te'xye b'an chik: «Loq'oninb'ilaq li Qaawa' li xk'amok re laj Israel sa' li tenamit wan chaq sa' xjayal releb'l iq' ut sa' chixjunileb' li na'ajej b'arwi' kixcha'cha'iheb'». Laa'in teb'ink'am chaq wi' chik sa' li ch'och' ink'ehom reheb' li xxe'toonil yuwa'eb'.

Jeremías 3:12

Ayu sa' xjayal releb'l iq' ut ye li esilal a'in: «Xyehom li Qaawa': Sutq'in chaq wik'in, a Israel, aj q'etolat aatin. Ink'a' chik yo injosq'il sa' aab'een chi moko xik' chik nakatwil, xb'aan naq q'axal chaab'il linch'ool -chan li Qaawa'-.

Zacarías 10:6

“Laa'in tink'e xkawub' xch'ooleb' laj Judá ut tintenq'aheb' li ralal xk'ajol laj José. Tink'ameb' chaq wi' chik sa' li xtenamiteb' xb'aan naq nawil xtoq'ob'aal ruheb'; chanchan naq maajun sut xintz'eqtaanaheb', xb'aan naq laa'in li Qaawa' li xYoseb' ut nink'ul li xtijeb'.

Oseas 11:12

“Eb' laj Efraín junes tik'ti' neke'xye we, eb' laj Israel junes b'alaq'il na'leb' neke'xk'ut chiwu. A'ut eb' laj Judá toj nikine'xtaaqe, toj kaweb' xch'ool chi paab'ank.

Jeremías 50:20

Chiruheb' li kutan a'an maak'a'aq chik xmaakeb' laj Israel ut laj Judá, xb'aan naq laa'in twil xtoq'ob'aal ruheb' li jo'k'ihal xe'kole'k”, chan li Qaawa'.

Jeremías 30:3

xb'aan naq twulaq xkutankil naq tinsutq'isiheb' chaq wi' chik eb' lintenamit Israel ut Judá li wankeb' chaq chi preexil. Laa'in, li Qaawa', ninyehok re a'in. Tink'eheb' chi wank sa' li xna'ajeb' ink'ehom reheb' li xxe'toonil yuwa'”, chan li Qaawa'.

Jeremías 7:7

relik chi yaal naq texink'e chi wank sa' li na'ajej a'in, sa' li ch'och' ink'ehom chi junajwa reheb' leena' leeyuwa'.

Jeremías 50:5

Te'xpatz' xb'ehil li tenamit Sión ut aran te'xik: «Kimqex, qak'amaq qib' sa' usilal rik'in li Qaawa' ut qak'ojob'aq jun sumwank li maajoq'e taasachq sa' qach'ool», cha'qeb'.

Ezequiel 11:17

Ye ajwi' reheb': «Jo'ka'in naxye li Qaawa': Laa'in tinxokoq chaq eere sa'atqeb' li tenamit; texinch'utub' chaq sa'atqeb' li na'ajej xexincha'cha'i wi' ut tink'e chereechani li tenamit Israel.

Zacarías 2:6

Ayuqex, elenqex chaq sa' li tenamit wank sa' xjayal releb'l iq', chan li Qaawa'. Laa'in xincha'cha'ink eere junsut junrub'el choxa. Elenqex anaqwan.

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Isaías 43:5

Matxiwak b'i', xb'aan naq wankin aawik'in. Sa' xjayal chaq releb'l saq'e toj sa' rokeb'l tink'ameb' chaq ut tinch'utub'eb' laawalal aak'ajol.

Isaías 43:6

Tinye reheb' li wankeb' sa' xjayal releb'l iq': «Q'ajsihomaq chaq we», ut reheb' li wankeb' sa' xjayal xsak'leb' iq': «Maarameb' chik. K'ameb' chaq we eb' li walal ink'ajol toj chi najt, chalen chaq sa' xmaril li ruuchich'och';

Oseas 2:2

Li Qaawa' kixye chi jo'ka'in: “Q'usumaq leena', jitomaq, xb'aan naq moko insum'aatin ta chik, ut moko laa'in ta chik li xb'eelom. Xkanab'aq li yumb'eetak ut mixsik'eb' chik li xsum.