Jeremías 3:15 - Q'eqchi Bible

¹⁵ Tinxaqab' eb' li te'k'aak'alenq eere jo' chanru naraj linch'ool, ut eb' a'an te'ch'oolaninq eere rik'in chaab'il na'leb' ut xseeb'al xch'ooleb'.

Li Santil hu

¹⁵ La̱in tinxakabeb li ani teꞌilok e̱re. Eb aꞌan cua̱nkeb xnaꞌleb chi cꞌamoc be che̱ru joꞌ li nacuaj la̱in, chan li Dios.

Jeremías 3:15 ပူးပေါင်းရင်းမြစ်များ

Jeremías 23:4

Tinxaqab'eb' aj ilol reheb' re naq te'xch'oolaniheb'; chi jo'kan maak'a' te'xxiwa chi moko taasachq junaq sa' xyanqeb'”, chan li Qaawa'.

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

Ezequiel 34:23

“Tinxaqab' jun ajwi' aj k'aak'alehom reheb', a' laj David aj k'anjel chiwu. A'an taa'iloq ut taab'eresinq reheb'.

Proverbios 10:21

Li raatin li tiik xch'ool naxtenq'a naab'aleb' chi poyanam; a'ut li kaw xjolom nakamk xb'aan xmaak'a'il xna'leb'.

1 Corintios 2:6

Yaal ajwi' naq sa' xyanqeb' li ak kaweb' sa' li paab'ank nokooch'olob'ank xninqal ru na'leb', ab'an maawa' xna'leb' li ruuchich'och' a'in chi moko xna'leb'eb' li neke'taqlank sa' ruuchich'och', li ak yo chi sachk xwankileb'.

Ezequiel 37:24

Laj David, laj k'anjel chiwu, a'an taa'awab'ejinq ut taab'eresinq re chixjunileb'. Te'ab'inq chik chiwu ut te'xpaab', te'xyu'ami li waatin ut linchaq'rab'.

San Lucas 12:42

Kichaq'ok li Qaawa' ut kixye: “Ani li moosej tiik xch'ool ut wank xna'leb' li taak'ehe'q xwankil xb'aan laj eechal re sa' xb'eeneb' li rech moosil re xk'eeb'al xwaheb' sa' xq'ehil?

1 Pedro 2:2

Jo'qex li k'uula'al toja' xe'yo'laak, cherataw li chaab'il leech li nachalk rik'in li Musiq'ej, re naq sa' xk'ab'a' a'an texk'iiq cho'q re li kolb'a ib':

1 Samuel 13:14

A'ut anaqwan laa'awab'ejihom ink'a' taawanq chi junelik. Li Qaawa' ak xsik' ru jun li winq jo' naraj li xch'ool, re naq a'anaq chik aj k'amol xb'e li xtenamit, xb'aan naq ink'a' xapaab' laataqlankil xb'aan li Qaawa'”.

Jeremías 31:10

“Ex xninqal ru tenamit, ab'ihomaq li raatin li Qaawa' ut yehomaq resil toj chi najt, sa'atqeb' li na'ajej wankeb' chire li palaw: «Li xcha'cha'ink reheb' laj Israel, tixch'utub'eb' wi' chik ut taarileb' jo' naq laj k'aak'alenel ketomq narileb' li xkarneer».

Ezequiel 34:2

“At kaamel winq, aatinan sa' ink'ab'a' ut ye reheb' li neke'k'aak'alenk re Israel: «Jo'ka'in xye li Qaawa': Ra chaalel sa' xb'eeneb' li neke'k'aak'alenk re Israel, xb'aan naq yal xjuneseb' rib' neke'xch'oolani rib'. Ma ink'a' tab'i' a'eb' li ketomq tento rilb'aleb'?