Jeremías 3:10 - Q'eqchi Bible

¹⁰ Chirix chixjunil a'an, laj Judá, laj b'alaq', ink'a' ajwi' kisutq'iik chaq wik'in chi anchal xch'ool, junes rik'in b'an b'alaq'il”, chan li Qaawa'.

Li Santil hu

¹⁰ Usta ac xeꞌxba̱nu li ma̱usilal aꞌin eb laj Judá, incꞌaꞌ ajcuiꞌ queꞌsukꞌi cuiqꞌuin chi anchal xchꞌo̱leb. Yal xcab rix xchꞌo̱leb nak niquineꞌxlokꞌoni, chan li Ka̱cuaꞌ.

Jeremías 3:10 ပူးပေါင်းရင်းမြစ်များ

Oseas 7:14

Moko anchaleb' ta xch'ool naq neke'tz'aamank chiwu naq yookeb' chi tz'uyink chiru li xch'aateb'. Yal re xtz'aamankil li triiw ut li b'iin naq neke'xlet'exi li xtib'eleb'. Chi jo'kan xe'xq'etq'eti rib' chiwu.

Jeremías 12:2

Laa'at xat-awok reheb' jo'eb' li che', ut eb' a'an neke'xchap xxe' ut neke'uuchink. Laak'ab'a' junelik wank chi xtz'uumal reheb', ab'an li xch'ooleb' najt wank aawik'in.

Isaías 10:6

Nintaqla chi xsachb'al jun tenamit yib'ru xna'leb', jun tenamit li yo wi' injosq'il, re tixmaq' ut tixxok li xb'ihomaleb', ut tixyeq'iheb' sa' roq jo'eb' li xseb'ul li b'e.

Salmos 66:3

Yehomaq re li Yos: “Sachb'ach'oolej laab'aanuhom! Sa' xk'ab'a' xnimal aawankil, tule'wiq'laaq eb' li xik' neke'ilok aawe.

Salmos 18:44

Laa'at xinaakol sa' ruq'eb' li lintenamit, xinaaxaqab' chi xjolominkileb' li poyanam; ut a' chik li tenamit li ink'a' innawom ru yo chi k'anjelak chiwu.

2 Crónicas 34:33

Laj Josías kirisi chixjunil li tz'i'b'eetalil b'aanuhom wankatqeb' sa' xteepal Israel; ut kixmin ruheb' chixjunileb' li wankeb' aran naq te'xloq'oni ru li Qaawa' li xYoseb'. Jo' najtil kiyo'yook laj Josías, maajun kixkanab' xloq'oninkil li Qaawa', xYos eb' li xxe'toonil yuwa'eb'.

Isaías 31:6

Ex ralal xk'ajol laj Israel, sutq'inqex chaq rik'in li q'axal xexnajto'k wi' naq xeq'et li raatin.

Jeremías 11:10

Xe'ok chi xb'aanunkil li maa'usilal jo' ke'xb'aanu chaq eb' li xna' xyuwa'eb', li ink'a' ke'ab'ink chiwu ut koheb' chirixeb' li jalanil yos re k'anjelak chiruheb'. Eb' li ralal xk'ajoleb' laj Israel ut eb' laj Judá ke'xmux xwankil li Sumwank kink'ojob' rik'ineb' li xxe'toonil yuwa'eb'.

Amós 4:9

“Xexinrahob'tesi rik'in tiqwal iq' ut motzo'; xchaqik leerawimq ut lee'uub', ut eb' laj saak' xe'xchoy lee'oliiw ut lee'iig. Ab'anan laa'ex ink'a' xexsutq'iik chaq wik'in”, chan li Qaawa'.

Isaías 29:13

Li Qaawa' kixye we chi jo'ka'in: “Li tenamit a'in yal chi aatin neke'nach'ok wik'in ut nikine'roxloq'i yal rik'in xtz'uumal reheb'; a'ut li xch'ooleb' najt wank wik'in. Maak'a' aj e naq neke'xloq'oni wu, xb'aan naq li k'aru neke'xk'ut chiruheb' li tenamit a'an yal xtaqlahomeb' li winq.

Jeremías 9:1

Kama' taxaq jun yu'amha' linjolom, ut li xya'al wu kama' taxaq li roq nima' re yaab'ak chi q'eq ut chi kutan chirix lintenamit li xe'kamsiik!

Malaquías 2:11

Eb' laj Judá xe'xb'alaq'i li Qaawa', ut junes tz'i'b'eetalil b'aanuhom na'uxmank Israel ut Jerusalén. Xb'aan naq eb' laj Judá xe'xmux xloq'al li ochoch jwal raaro xb'aan li Yos, naq xe'sumlaak rik'ineb' li ixq neke'loq'onink ru jalanil yos.