Jeremías 29:2 - Q'eqchi Bible

² Li hu a'in kitz'iib'aak naq elenaqeb' chik Jerusalén laj Jekonías, rochb'een li xna', eb' laj tenq' sa' li rochoch, eb' laj jolominel re Judá ut re Jerusalén, eb' laj tenol ch'iich' ut eb' laj peech'.

Li Santil hu

² Quixtzꞌi̱ba li hu aꞌan nak ac queꞌchapeꞌ ut queꞌcꞌameꞌ Babilonia li rey Jeconías ut lix naꞌ, ut eb li nequeꞌcꞌanjelac saꞌ li palacio, joꞌ eb ajcuiꞌ li cuanqueb xcuanquil aran Jerusalén ut Judá, rochbeneb laj pechꞌ ut laj tꞌenol chꞌi̱chꞌ li nequeꞌxnau trabajic chi us.

Jeremías 29:2 ပူးပေါင်းရင်းမြစ်များ

Jeremías 28:4

Tink'e ajwi' chi sutq'iik chaq laj Jekonías, ralal laj Johakín, awab'ej re Judá, ut chixjunileb' laj Judá li ke'k'ame'k chi preexil Babilonia -chan li Qaawa'-, xb'aan naq laa'in tinjuk' li xwankil li awab'ej re Babilonia»”.

Jeremías 24:1

Moqon laj Nabukodonosor, li awab'ej re Babilonia, kixchap laj Jekonías, ralal laj Johakín, li awab'ej re Judá, rochb'eeneb' li xninqaleb' ru winq aj Judá, eb' laj tenol ch'iich' jo'wi' eb' laj peech', ut kixk'ameb' chi preexil aran Babilonia. Chirix chik a'an kixk'utb'esi chiwu wiib' chakach chi iig wankeb' chiru rochoch li Qaawa'.

2 Reyes 20:18

Wankeb' aawalal, siyanb'ileb' aab'aan, te'k'ame'q ut te'k'ehe'q chi ilok re li rochoch li awab'ej re Babilonia»”.

2 Reyes 9:32

Laj Jehú kixtaqsi li rilob'aal sa' li b'entaan ut kixpatz': “Ani taa'okenq chiwix?”, chan. Wiib' oxib'eb' laj ilol ochoch ke'ilok wan wi' laj Jehú,

1 Samuel 13:19

Maak'a'eb' aj tenol ch'iich' sa' chixjunil xsutam Israel, xb'aan naq eb' laj Filistea ink'a' neke'raj naq eb' laj Hebreo te'xyiib' ch'iich' re yalok.

Jeremías 13:18

“Ye re li awab'ej ut re li xna': «Kub'sihomaq leewankil ut chunlanqex sa' ch'och', xb'aan naq maak'a' chik leekoroon li na'uutz'u'ujink re leejolom».

Jeremías 38:7

Naq laj Ebedmélek, aj Etiopía, aj ilol re li rochoch li awab'ej, kirab'i naq kik'ehe'k laj Jeremías sa' xjulel li ha',

Jeremías 29:20

Paab'omaq li waatin chejunilex laa'ex li xex'isiik sa' li tenamit Jerusalén ut xexk'ame'k Babilonia», chan li Qaawa'.