Jeremías 29:18 - Q'eqchi Bible

¹⁸ Texinrahob'tesi rik'in li raaxiik', li we'ej ut li raxkamk, ut q'axal xiwajel texkanaaq cho'q reheb' chixjunil li tenamit; texmajewaaq, texse'eeq, tex'eetz'uuq ut xutaanalaqex yalaq b'ar xexincha'cha'i.

Li Santil hu

¹⁸ Junelic tintakla li ple̱t, li cueꞌej ut li caki yajel saꞌ xbe̱neb. Chixjunileb li cuanqueb saꞌ ruchichꞌochꞌ teꞌsachk xchꞌo̱l chirilbaleb. Teꞌhobekꞌ ut teꞌseꞌe̱k. Yalak bar tebintakla, teꞌetzꞌu̱k ut teꞌmajecua̱k.

Jeremías 29:18 ပူးပေါင်းရင်းမြစ်များ

Jeremías 42:18

“Jo'ka'in xye li Nimajwal Yos, li xYos laj Israel: «Jo' naq xink'ut linjosq'il chiruheb' laj Jerusalén, jo'kan ajwi' naq taachalq linjosq'il sa' eeb'een wi texxik Ejiipt. Texmajewaaq, texse'eeq, tex'eetz'uuq ut xutaanalaqex yalaq b'ar, ut ink'a' chik teeril li na'ajej a'in».

Jeremías 15:4

Tink'eheb' chi xiwak chixjunileb' li tenamit sa' ruuchich'och' xb'aan li maak kixb'aanu aran Jerusalén laj Manasés, ralal laj Esekías, awab'ej re Judá.

2 Crónicas 29:8

Jo'kan naq kichalk xjosq'il li Qaawa' sa' xb'een Judá ut Jerusalén: se'leb'aal, eetz'ub'aal ut xiwajel na'ajej kikanaak wi' jo' yookex rilb'al anaqwan.

Jeremías 34:17

Jo'kan naq laa'in, li Qaawa', ninye chi jo'ka'in: Laa'ex ink'a' xineepaab' ut ink'a' xekanab' chi ach'ab'anb'il leeras eeriitz'in; jo'kan naq laa'in tinkanab' chi chalk sa' eeb'een li raaxiik', li we'ej ut li raxkamk, re naq te'ok xxiw chixjunileb' li tenamit sa' ruuchich'och' chi rilb'al leerahilal.

Jeremías 24:9

Chixjunileb' a'an tinkanab'eb' sa' xutaan chiruheb' chixjunil li tenamit sa' ruuchich'och'; te'hob'e'q, te'se'eeq, te'eetz'uuq ut te'majewaaq sa'atqeb' li na'ajej b'arwi' tincha'cha'iheb'.

Deuteronomio 28:25

Li Qaawa' tixk'e naq eb' li xik' neke'ilok aawe te'xq'ax aawu: sa' jun ruq'b'e toxaak'uleb' ut sa' wuqub' chik ruq'b'e tat-eleliq chiruheb', ut laa'at xiwajelaqat chiruheb' chixjunil li awab'ejilal sa' ruuchich'och'.

Ezequiel 12:15

Ut te'xnaw naq laa'in li Qaawa', naq twaanilasiheb' ut tincha'cha'iheb' sa' xyanqeb' li jalanil tenamit sa' ruuchich'och'.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Isaías 65:15

“Eb' li sik'b'il ru inb'aan te'roksi leek'ab'a' re majewank ut re xyeeb'al reheb' li jalan chik: «Chi jo'ka'in tatxk'e chi kamk li Qaawa' Yos!», cha'qeb'. Ab'an eb' laj k'anjel chiwu tink'e reheb' jun ak' k'ab'a'ej.

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

Zacarías 7:14

Jo'kan naq kincha'cha'iheb' sa' chixjunileb' li tenamit ink'a' xnawomeb' ru, ut li na'ajej li ke'elk wi' kisache'k ut maajun chik naru nawank aran. Nakirirnak aj chik kikanaak li chaab'il ch'och' a'in”.

Amós 9:9

Tink'eheb' chi poqleek laj Israel xb'aaneb' li k'iila tenamit, jo' na'uxk re li triiw sa' li chiq'leb'aal, chi maajun t'orol li ru nat'ane'k chiru ch'och'.

Ezequiel 36:19

Kinwaanilasiheb' ut kincha'cha'iheb' sa' xyanqeb' li tenamit sa' ruuchich'och'; ut kinraqok aatin sa' xb'eeneb' jo' chanru li xyehom ut xb'aanuhomeb'.

Ezequiel 22:15

Texincha'cha'i sa' xyanqeb' li jalanil tenamit ut twisi chixjunil leemaa'usilal;

Ezequiel 6:8

«Ab'anan tinkanab'eb' wiib' oxib'aqeb' chi yo'yo sa' eeyanq: te'kole'q chiru li kamk ut te'cha'cha'iiq sa'atqeb' li tenamit.

Jeremías 29:22

Ut naq chixjunileb' li xe'isiik sa' xteepal Judá ut wankeb' chaq Babilonia te'ok chi majewank, te'xye: Li Qaawa' chixb'aanu taxaq aawe jo' kixb'aanu re laj Sedesías ut laj Ajab, li ke'chinaak sa' ru xam xb'aan li awab'ej re Babilonia, cha'qeb'.

Jeremías 26:6

laa'in tinkanab' li ochoch a'in jo' kinkanab' Siló, ut tink'e Jerusalén chi tz'eqtaanaak xb'aaneb' chixjunil li tenamit sa' ruuchich'och'»”.

Jeremías 19:8

Joxk' ut xiwajel tinkanab' li tenamit a'in: chixjunileb' li te'nume'q arin te'sachq xna'leb' chi rilb'al a'an ut te'xse'e li xsachik li tenamit.

Salmos 44:11

Xoohaak'e chi elelik chiru laj xik'il uuchinel, ut eb' li xik' neke'ilok qe xe'xmaq' chiqu li k'aru wank qe.

Deuteronomio 28:64

Li Qaawa' tatxcha'cha'i yalaq b'ar sa' chixjunileb' li tenamit, chalen chaq sa' jun xmaril li ruuchich'och' toj sa' xraqik junpak'al, ut aran tatk'anjelaq chiruheb' jalanil yos, yiib'anb'ileb' rik'in che' ut pek, eb' li ink'a' aanawom ru laa'at chi moko laana' laayuwa'.

Levítico 26:33

Texincha'cha'i laa'ex sa' xyanqeb' li tenamit ut texwaanilasi rik'in q'esnal ch'iich'. Leena'aj taasutq'iiq cho'q chaqich'och', ut eb' leetenamit tinkanab'eb' cho'q po'lem.

Números 5:27

“Wi li ixq xmux rib' ut relik chi yaal xb'alaq'i li xb'eelom, naq taaruk' li xha'el li majewank, taasipooq li xsa' ut ink'a' chik taaruk' li xha'el li majewank, taasipooq li xsa' ut ink'a' chik taa'alanq, ut majewanb'ilaq sa' xyanqeb' li xtenamit.

Deuteronomio 28:37

Ut chixjunileb' li tenamit te'sachq xch'ool chawilb'al; laa'ataq jun jaljookil aatin chiruheb' ut xse'eelaqeb' chixjunileb' li tenamit b'arwi' tatxk'am li Qaawa'.

Jeremías 27:8

Wi wank junaq tenamit malaj junaq awab'ej li ink'a' naxk'e rib' rub'el xwankil laj Nabukodonosor, li awab'ej re Babilonia, ut ink'a' naraj k'anjelak chiru, laa'in tinraqoq aatin sa' xb'eeneb' rik'in rahilal, we'ej ut raxkamk, toj reetal toxe'oso'q sa' ruq' -chan li Qaawa'-.

Jeremías 29:17

«Laa'in, li Nimajwal Yos, ninye eere: Tintaqla chaq li raaxiik', li we'ej ut li raxkamk sa' eeb'een, ut texinkanab' jo'qeb' li q'eenaq iig, li ink'a' chik naru xtzekankil xb'aan xq'eenaqil.

Jeremías 32:24

«K'e reetal naq eb' li taqleb'aal yiib'anb'ileb' xb'aaneb' laj Kaldeha yo chi wulak sa' li tenamit; ut xb'aan li raaxiik', li we'ej ut li raxkamk taa'eechaniiq Jerusalén xb'aaneb' li xik' neke'ilok qe. At Qaawa', yo chi k'ulmank anaqwan li kaye chaq junxil, ut yookat chi rilb'al rik'in laawu.

Jeremías 44:12

Ut eb' laj Judá li xe'xk'e xch'ool chi xik chi na'ajunk Ejiipt, aran te'oso'q chixjunileb'. Te'kamsiiq sa' li raaxiik' ut xb'aan li we'ej: jo' kok' jo' ninq te'kamq chixjunileb' xb'aan li q'esnal ch'iich' ut li we'ej. Te'majewaaq ut te'kanaaq cho'q se'leb'aal; xiwajelaq ut xutaanalaq rilb'aleb'.

Jeremías 44:22

Ab'an li Qaawa' ink'a' chik naxkuy leemaak ut li jo'maajo'il b'aanuhom li ink'a' nawulak chiru; jo'kan naq leena'aj nakirirnak aj chik ut maajun chik wank aran; majewanb'il aj chik ut q'axal xiwajel ru anaqwan.

Ezequiel 23:46

Li Qaawa' kixye chi jo'ka'in: “Xch'utub'aqeb' rib' chixjunileb' li poyanam chi xjitb'al lix Oholá ut lix Oholibá, re naq te'xib'esiiq ut taa'elq'aaq li k'aru reheb'.

Miqueas 6:16

Xb'aan naq xapaab' li xchaq'rab' laj Omrí, ut xab'aanu li neke'xb'aanu eb' li ralal xk'ajol laj Ajab; xatzol aawe jo' chanru xna'leb'eb' a'an. Jo'kan naq tatinrahob'tesi, ut eb' laapoyanamil tink'eheb' cho'q se'leb'aal; ut aamaak laa'at xutaanal wanqeb' lintenamit”.

Jeremías 18:16

Chi jo'kan xe'xsutq'isi li xna'ajeb' jo' li chaqich'och', re naq se'enb'ilaqeb' chi junwaakaj. Yalaq ani taanume'q aran tixb'anb'ani li xjolom chi sachsooq li xch'ool.

Jeremías 24:10

Tintaqla sa' xb'eeneb' li raaxiik', li we'ej ut li raxkamk, toj reetal te'oso'q sa' li na'ajej ink'ehom reheb' a'an ut reheb' li xxe'toonil yuwa'”.

Ezequiel 5:15

Tathob'e'q ut tatmajewaaq xb'aaneb' li tenamit sutsuukat wi'. Naq tinraqoq aatin sa' aab'een rik'in linjosq'il ut xninqal rahilal, chixjunileb' te'xtaw xyaalal -chan li Qaawa' Yos-.

Zacarías 8:13

Jo' naq laa'ex aj Judá ut aj Israel majewanb'ilex sa' xyanqeb' li tenamit naq kexwank, jo'kan naq chalen anaqwan osob'tesinb'ilaqex chik naq texinkol. Mexxiwak ut meech'ina eech'ool!