Jeremías 29:11 - Q'eqchi Bible

¹¹ Laa'in wank sa' inch'ool k'aru tinb'aanu cho'q eere: twaj texwanq sa' tuqtuukilal ut ink'a' sa' rahilal, re naq toxeetaw xsahil eech'ool chi junelik. Laa'in, li Qaawa', ninyehok re a'in.

Li Santil hu

¹¹ Caꞌaj cuiꞌ la̱in ninnau cꞌaꞌru xincꞌu̱b ru xba̱nunquil chokꞌ e̱re. Xincꞌu̱b ru e̱tenkꞌanquil. Ma̱cuaꞌ raylal tinba̱nu e̱re. Usilal ban tinba̱nu e̱re, joꞌ yo̱quex chiroybeninquil.

Jeremías 29:11 ပူးပေါင်းရင်းမြစ်များ

Salmos 33:11

Ab'an li xk'uub'ahom li Qaawa' xaqxo chi junelik; chixjunil li naxk'oxla wank junq'e junq'e kutan.

Miqueas 4:12

Ab'an eb' a'an ink'a' neke'xnaw li xk'a'uxl li Qaawa' chi moko neke'xtaw ru li k'aru naraj; ink'a' neke'xnaw naq A'an xch'utub'ank reheb' jo' na'uxk re li triiw sa' xq'ehil risinkil li rix.

Salmos 40:5

Us xaq re li xkawuuk xch'ool rik'in li Yos, us xaq re li ink'a' naxjunaji rib' rik'ineb' li q'etq'et, a'eb' li sachenaqeb' chirixeb' li jalanil yos.

Li xHu LAJ JOB 23:13

Li k'aru naraj xb'aanunkil li Yos, naxb'aanu. Ani taaramoq chiru xb'aanunkil li rajom?

Lamentaciones 3:26

Q'axal us royb'eninkil naq li Yos tooxtenq'a, chi k'ojk'ooq li qach'ool rik'in.

Oseas 3:5

Ab'anan taawulaq xq'ehil naq eb' laj Israel te'sutq'iiq chaq. Tole'xsik' li Qaawa', li xYoseb', jo' ajwi' laj David, li x'awab'ejeb'. Sa' roso'jikeb' li kutan te'chalq chi siksootqeb' chiru li Qaawa' ut te'xyal wi' chik li rusilal.

Zacarías 1:6

Li waatin ut eb' linchaq'rab' li kinye chi xtz'uumal reheb' li propeet laj k'anjeleb' chiwu, ma ink'a' tab'i' ke'rab'i leemama' leerixa'an? Ut eb' a'an ke'xyot' xch'ool ut ke'xjal xk'a'uxl ut ke'xye: Li Nimajwal Yos xb'aanu qe jo' x'alaak sa' xch'ool, jo' chanru li qayehom ut qab'aanuhom»”.

Jeremías 23:5

“Taawulaq xkutankil naq tinxaqab' junaq ralal laj David, q'axal tiikaq xch'ool ut wanq xna'leb' chi awab'ejink; a'an tixk'anjela ru li tiikilal ut li k'ulub'ej sa' li na'ajej a'in.

Jeremías 23:6

Chiru li x'awab'ejihom, eb' laj Judá te'kole'q, ut eb' laj Israel te'wanq sa' tuqtuukilal. A'an a'in li te'xk'e cho'q xk'ab'a': «Li Qaawa' a'an laj kolol qe».

Jeremías 30:9

te'k'anjelaq b'an chik chiru li Qaawa', li xYoseb', ut chiru laj David, li tinxaqab' cho'q awab'ej.

Jeremías 30:10

“Ab'an laa'at, a Jakob, aj k'anjelat chiwu, matxiwak -chan li Qaawa'-; mich'inank laach'ool, a Israel, xb'aan naq we'kin laa'in. Tinchalq chakolb'al laa'at jo'wi' eb' laawalal aak'ajol, tatwisi chaq sa' li najtil tenamit katintaqla wi' chi tawasiik, ut tatwanq wi' chik sa' tuqtuukilal, sa' sahilal, chi maajun chik taaxib'esinq aawe.

Ezequiel 11:16

Jo'kan naq ye reheb': «Jo'ka'in naxye li Qaawa': Us ta xe'wisi sa' li xna'ajeb' ut xeb'incha'cha'i sa' xyanqeb' li jalanil tenamit, ab'anan yal jun k'amok ajwi'. Anaqwan laa'inaq chik li santil ochoch cho'q reheb' a'an sa'eb' li tenamit b'arwi' xoxe'kanaaq».

Zacarías 13:9

Ut li jun jachal a'in tinnumsiheb' sa' xam, tinch'ajob'resiheb' jo' na'uxk re li plaat, tinpuuxi ruheb' jo' na'uxk re li oor. Toja' naq te'xyaab'a link'ab'a', ut laa'in tinsumeheb' chaq: «Intenamitex laa'ex», cha'qin reheb'; ut eb' a'an te'xye: «Li Qaawa' a'an li qaYos», cha'qeb'”.

Salmos 85:9

Twab'i k'aru tixye li Qaawa': li Yos tixjultika li tuqtuukil usilal cho'q re li xtenamit ut eb' li neke'rahok re, re naq ink'a' te'sutq'iiq wi' chik chi xb'aanunkil li jo'maajo'il na'leb'.

Isaías 27:4

Ink'a' chik yo injosq'il rik'in. Wi ta wank li k'ix jo'wi' li pim sa' xyanq, laa'in teb'insach raj ut teb'ink'at chi junpaat jo' na'uxk re li k'im.

Jeremías 24:5

“Laa'in li Qaawa', xYos laj Israel, ninye chi jo'ka'in: Laa'in twusila ruheb' laj Judá, li kiwisiheb' sa' li na'ajej a'in re naq ke'k'ame'k sa' xtenamiteb' laj Kaldeha. Jo'qeb' chaab'il iig cho'q we.

Jeremías 33:6

K'ehomaq reetal, laa'in tink'e xb'aneb' ut teb'ink'irtasi wi' chik. Tink'e naab'al xsahil xch'ooleb' re naq te'wanq sa' tuqtuukilal chi maak'a'aq chik xiwak.