Jeremías 29:10 - Q'eqchi Bible

¹⁰ “Xb'aan naq jo'ka'in xye li Qaawa': «Ka'ajwi' taaraqe'q li lajeeb' xkaak'aal chihab' leewanjik rub'el xwankileb' laj Babilonia, laa'in texwula'ani ut tinb'aanu li kinyeechi'i eere, naq texsutq'iiq chaq wi' chik sa' li na'ajej a'in.

Li Santil hu

¹⁰ Li Ka̱cuaꞌ quixye ajcuiꞌ: —Nak ac xnumeꞌ li laje̱b xca̱cꞌa̱l chihab (70) nak xexinqꞌue chi cua̱nc rubel xcuanquileb laj Babilonia, la̱in tincuil xtokꞌoba̱l e̱ru ut texinqꞌue chi sukꞌi̱c cuiꞌchic saꞌ le̱ naꞌaj joꞌ xinye e̱re.

Jeremías 29:10 ပူးပေါင်းရင်းမြစ်များ

Zacarías 7:5

“Ye reheb' chixjunil li tenamit jo'wi' reheb' laj tij chi jo'ka'in: «Laa'ex nekex'ayuunik ut nekexyaab'ak chiru li ro' ut xwuq po chalen chaq lajeeb' xkaak'aal chihab' toj anaqwan; ab'an moko nekeb'aanu ta a'an re inloq'oninkil laa'in.

Daniel 9:2

laa'in laj Daniel kin'ok chi xtz'ilinkil rix li lajeeb' xkaak'aal chihab' taawanq wi' chi juk'b'il ru li tenamit Jerusalén, jo' kiyehe'k re laj Jeremías xb'aan li Yos.

Jeremías 27:22

«Chixjunil a'in taak'ame'q Babilonia ut aran tkanaaq chaq, toj reetal naq laa'in twaj xk'amb'al chaq wi' chik», chan li Qaawa'”.

Jeremías 25:12

Ut naq akaq xnume'k li lajeeb' xkaak'aal chihab' a'an, laa'in tinraqoq aatin sa' xb'een li awab'ej re Babilonia jo'wi' sa' xb'een li xtenamit xb'aan li xmaakeb'. Jo'kan ajwi' tinb'aanu reheb' laj Kaldeha, ut po'lem teb'inkanab' chi junwaakaj -chan li Qaawa'-.

Sofonías 2:7

Ut jo'k'ihaleb' te'kole'q sa' xteepal Judá a'aneb' chik te'eechaninq re li na'ajej a'an. Aran te'xk'aak'ale li xketomqeb' ut te'hilanq sa' rochocheb' laj Askalón, naq li Qaawa' li qaYos tolxtenq'aheb' laj Judá ut tixsutq'isiheb' wi' chik sa'eb' li xna'ajeb'.

Jeremías 27:7

Chixjunileb' li tenamit wanqeb' rub'el xwankil a'an, jo'wi' rub'el xwankil eb' li ralal xk'ajol ut eb' li ri xmam, toj taawulaq xq'ehil naq li x'awab'ejihom toxwanq ajwi' rub'el xwankileb' li xninqal ru tenamit ut awab'ej li q'axal kaweb' rib'.

2 Crónicas 36:21

Chi jo'kan kitz'aqlok ru li xyehom li Qaawa' chi xtz'uumal re laj Jeremías li propeet: “Li na'ajej taakanaaq chi po'lemil ut taahilanq chiru lajeeb' xkaak'aal chihab', re xtojb'al rix chixjunileb' li hilob'aal kutan ink'a' ke'roxloq'i xb'enwa”.

Li xHu LIX RUT 1:6

Toja' naq kiwulak sa' xch'ool elk chaq aran Mohab rochb'een xkab'ichaleb' li ralib', xb'aan naq kirab'i naq li Qaawa' kixtoq'ob'a ru li xtenamit ut maak'a' chik we'ej aran.

2 Crónicas 36:22

Sa' li xb'een chihab' rokik laj Siro cho'q awab'ej re Persia, re naq taatz'aqloq ru li raatin li Yos kixye chi xtz'uumal re laj Jeremías, li Qaawa' kixtoch' xch'ool laj Siro, awab'ej re Persia, re naq tixtaqla xpuktesinkil li chaq'rab' a'in chi yeeb'il ut chi tz'iib'anb'il, sa' chixjunileb' li na'ajej wankatqeb' rub'el li xwankil:

Esdras 1:1

Sa' li xb'een chihab' rokik laj Siro cho'q awab'ej re Persia, re naq taatz'aqloq ru li raatin li Qaawa' kixye chi xtz'uumal re laj Jeremías, li Qaawa' kixtoch' xch'ool laj Siro, awab'ej re Persia, re naq tixtaqla xpuktesinkil li chaq'rab' a'in chi yeeb'il ut chi tz'iib'anb'il, sa' chixjunileb' li na'ajej wankeb' rub'el li xwankil:

Jeremías 25:11

Chixjunil li na'ajej a'in taasachmanq ut putz'inb'il taakanaaq. Ut chiru lajeeb' xkaak'aal chihab' chixjunileb' te'k'anjelaq chiru li awab'ej re Babilonia.

Jeremías 29:28

Xb'aan naq xtaqla chaq jun qahu arin Babilonia b'arwi' tz'iib'anb'il: Kab'lanqex ut wanqex chisa'; awomaq eb' li che' neke'uuchink ut tzekahomaq li ru»”.

Jeremías 29:32

Jo'kan naq laa'in, li Qaawa', tink'e laj Semaías, aj Nehelam, chi xtojb'al li xmaak jo'wi' chixjunileb' li ralal xk'ajol. Maajun reheb' a'an taawanq sa' xyanqeb' lintenamit, chi moko toxyal li sahilwank li tink'e reheb' lintenamit, xb'aan naq laj Semaías xk'am xb'eheb' chi q'etq'eto'k chiwu», chan li Qaawa'”.

Jeremías 30:3

xb'aan naq twulaq xkutankil naq tinsutq'isiheb' chaq wi' chik eb' lintenamit Israel ut Judá li wankeb' chaq chi preexil. Laa'in, li Qaawa', ninyehok re a'in. Tink'eheb' chi wank sa' li xna'ajeb' ink'ehom reheb' li xxe'toonil yuwa'”, chan li Qaawa'.

Jeremías 33:14

“Taawulaq xkutankil -chan li Qaawa'- naq taatz'aqloq ru linyeechi'om reheb' li ralal xk'ajol laj Israel ut laj Judá.

Zacarías 1:12

Ut li x'ánjel li Qaawa' kixye: “At Nimajwal Yos, ak wank lajeeb' xkaak'aal chihab' yo laajosq'il sa' xb'een Jerusalén ut Judá. Toj jo'q'e taawuxtaana ruheb'?”.

Esdras 1:2

“Jo'ka'in xye laj Siro, awab'ej re Persia: Li Qaawa', li xYos li choxa, xk'e rub'el linwankil chixjunileb' li tenamit sa' ruuchich'och'. Ut a'an xchaq'rab'ink we naq tinkab'la jun rochoch aran Jerusalén, sa' xteepal Judá.

Salmos 102:14

Waklin, at Qaawa', ut chawuxtaana ru li tenamit Sión. Ak xtaw xq'ehil xtoq'ob'ankil ru: anaqwan tz'aqal li xhonalil!

Ezequiel 11:17

Ye ajwi' reheb': «Jo'ka'in naxye li Qaawa': Laa'in tinxokoq chaq eere sa'atqeb' li tenamit; texinch'utub' chaq sa'atqeb' li na'ajej xexincha'cha'i wi' ut tink'e chereechani li tenamit Israel.