Jeremías 28:11 - Q'eqchi Bible

¹¹ Ut kixye chiruheb' chixjunil li tenamit: “Jo'ka'in xye li Qaawa': «Jo' naq xwisi li b'itche' a'in chirix xkux laj Jeremías, jo'kan ajwi' naq twisiheb' chixjunileb' li tenamit rub'el xwankil li awab'ej re Babilonia sa' wiib' chihab', ut tinjuk'i»”. Laj Jeremías ki'elk aran ut koho.

Li Santil hu

¹¹ Ut chiruheb chixjunileb li tenamit laj Hananías quixye: —Joꞌcaꞌin quixye li Ka̱cuaꞌ. Joꞌ nak xtokeꞌ li yugo aꞌin li xcuan chirix xcux laj Jeremías, joꞌcan ajcuiꞌ nak la̱in tincuisi xcuanquil laj Nabucodonosor lix reyeb laj Babilonia. Saꞌ cuib chihab la̱in tincuisi xcuanquil. Chanchan nak tincuisi li yugo chirix xcuxeb chixjunileb li tenamit ut tintok, chan. Nak quirakeꞌ chi a̱tinac laj Hananías, li profeta Jeremías co̱.

Jeremías 28:11 ပူးပေါင်းရင်းမြစ်များ

Jeremías 14:14

Toja' naq li Qaawa' kixye we: “B'alaq'ik yookeb' li propeet a'an sa' ink'ab'a'. Laa'in ink'a' xintaqlaheb' a'an, ink'a' xinchaq'rab'iheb' chi moko xin'aatinak rik'ineb'. Tik'ti' li neke'xye, b'alaq'il moy u, yal xk'a'uxeb' winq li maak'a' aj e: a'an a'in li neke'xye resil eere eb' li propeet a'an.

Proverbios 14:7

Elen chiru li maak'a' xna'leb', xb'aan naq maak'a' taataw rik'in.

Jeremías 29:9

xb'aan naq tik'ti' neke'xye sa' ink'ab'a' ut moko laa'in ta xintaqlank reheb'», chan li Qaawa'.

Jeremías 23:17

Neke'xye reheb' li neke'majewank we: «Li Qaawa' xye naq wanqex sa' tuqtuukil usilal». Ut reheb' li neke'xb'aanu li naraj li xjipileb': «Maajun rahilal taachalq sa' eeb'een», chankeb'”.

2 Crónicas 18:10

Laj Sedesías, ralal laj Kenahaná, kixyiib' jun sumal xxukub' ch'iich', yo chi xyeeb'al: “Jo'ka'in xye li Qaawa': «Rik'ineb' li xukub' a'in taaxeq' eb' laj Aram toj reetal taasacheb' ru»”.

1 Reyes 22:6

Toja' naq li awab'ej re Israel kixch'utub'eb' jun o'q'ob'eb' (400) chi propeet ut kixye reheb': “Ma naru tinxik chi yalok rik'ineb' laj Ramot, sa' xteepal Galahad, malaj ut ink'a'?”. Ke'chaq'ok: “Ayu, xb'aan naq li Qaawa' tixq'axtesi li tenamit Ramot sa' laawuq' laa'at”, chankeb'.

1 Reyes 13:18

Ab'anan li tiixil winq kixtik'ti'i ut kixye re: “Laa'in ajwi' jun propeet kama' laa'at. Ut jun x'ánjel li Qaawa' xtaqlaak chaq wik'in re xyeeb'al we: «B'oq chaq aawik'in sa' laawochoch, re taatzekanq ut taa'uk'aq»”.

Ezequiel 13:7

B'alaq'il moy u li nekeril laa'ex ut tik'ti' li nekeye. Nekeye naq laa'in xintaqlank eere chi aatinak, ab'an ink'a' yookin chi aatinak eerik'in.

Jeremías 28:15

Toja' naq laj Jeremías kixye re laj Ananías: “Ab'i, a Ananías. Maawa' li Qaawa' xtaqlank chaq aawe chi aatinak, ut laa'at yookat chi xk'ojob'ankil xch'ool li tenamit a'in rik'in laatik'ti'.