Jeremías 27:9 - Q'eqchi Bible

⁹ “Jo'kan naq meepaab' li neke'xye leepropeet, eb' laj q'e malaj li neke'tawok ru li matk', chi moko chepaab' eb' laj tuul ut eb' li neke'nawalink naq neke'xye eere: «Laa'ex ink'a' texwanq rub'el xwankil li awab'ej re Babilonia».

Li Santil hu

⁹ Joꞌcan nak me̱pa̱b li cꞌaꞌru nequeꞌxye li profetas, chi moco laj kꞌe, chi moco li naxye xya̱lal li matcꞌ, chi moco te̱rabi li cꞌaꞌru nequeꞌxye li nequeꞌa̱tinac chirix li cꞌaꞌru ta̱cꞌulma̱nk. Incꞌaꞌ tex-abi̱nk chiruheb li nequeꞌyehoc e̱re nak incꞌaꞌ te̱cubsi e̱rib rubel xcuanquil laj Nabucodonosor, lix reyeb laj Babilonia.

Jeremías 27:9 ပူးပေါင်းရင်းမြစ်များ

Jeremías 14:14

Toja' naq li Qaawa' kixye we: “B'alaq'ik yookeb' li propeet a'an sa' ink'ab'a'. Laa'in ink'a' xintaqlaheb' a'an, ink'a' xinchaq'rab'iheb' chi moko xin'aatinak rik'ineb'. Tik'ti' li neke'xye, b'alaq'il moy u, yal xk'a'uxeb' winq li maak'a' aj e: a'an a'in li neke'xye resil eere eb' li propeet a'an.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Jeremías 29:8

Laa'in, li Nimajwal Yos, li xYos laj Israel, ninye eere chi jo'ka'in: Meek'e eerib' chi b'alaq'iik xb'aaneb' li propeet ut eb' laj q'e li wankeb' sa' eeyanq; meepaab' li k'aru neke'xye eb' laj matk',

Isaías 8:19

Ut naq taayeemanq eere: “Patz'onqex rik'ineb' li neke'aatinank kamenaq jo'wi' rik'ineb' laj q'e li neke'hashotk ut neke'choqoqnak chi aatinak xjuneseb'”, teesumeheb': “Ma ink'a' tab'i' tento naq eb' li tenamit te'patz'oq rik'in li xyoseb' chirixeb' li yo'yookeb' ut li kamenaqeb'?”.

Apocalipsis 22:15

Elqeb' li tz'i', eb' laj tuul, eb' laj muxuleb' rib', laj kamsineleb' ras riitz'in, eb' laj loq'oninel li yal k'oxlanb'il yos ut chixjunileb' li neke'xra ut neke'xb'aanu li tik'ti'!

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Apocalipsis 18:23

Li xxamlel li saqenk ink'a' chik taasaqeno'q wankat wi', ut li xyaab' xkuxeb' li b'eelomej ut li ixaqilb'ej ink'a' chik taa'ab'iiq aawik'in. Xb'aan naq eb' laj yakonel ke'wank aawik'in a'aneb' li xninqaleb' ru winq sa' ruuchich'och', ut rik'in li tuulak xab'aanu xab'alaq'i chixjunileb' li tenamit”.

Apocalipsis 9:21

Ink'a' ajwi' ke'yot'e'k xch'ool chirix li kamsink, tuulak, muxuk ib' ut elq'ak nalaje'xb'aanu.

Hechos 8:11

Neke'xk'e xch'ool chi rab'inkil xb'aan naq chalen chaq kutan sachsookeb' xch'ool rik'in li tuulak naxb'aanu.

Miqueas 3:7

Eb' laj ilol sa' moy u ut eb' laj q'e te'kanaaq sa' xutaan ut te'se'eeq. Mem te'kanaaq chixjunileb' naq ink'a' te'sumeeq chaq xb'aan li Yos.

Jeremías 23:32

Tink'eheb' chi xtojb'al xmaakeb' li propeet li neke'xseeraq'i li tik'ti' aj matk', ut neke'xk'e chi sachk lintenamit rik'in li xk'iila seeraq'eb'. Moko laa'in ta xintaqlank reheb' chi moko inchaq'rab'ihomeb'; jo'kan naq moko tz'aqaleb' ta re xtenq'ankileb' li tenamit -chan li Qaawa'-.

Jeremías 23:25

“Ak wab'ihom li xtik'ti'eb' li propeet a'an aj b'alaq'. Neke'tik'ti'ik ut neke'xye naq neke'aatinak wik'in sa' xmatk'eb'.

Jeremías 23:16

Jo'ka'in kixye li Nimajwal Yos: “Ex aj Israel, meepaab' li neke'xye eere eb' li propeet, xb'aan naq yal yookeb' cheb'alaq'inkil: junes tik'ti' neke'xye, yal k'oxlanb'il xb'aaneb' a'an. Moko xin'aatinak ta rik'ineb' laa'in.

Josué 13:22

Kikamsiik ajwi' laj Balaham laj q'e, ralal laj Pehor, rik'in ch'iich' xb'aaneb' laj Israel, rochb'een naab'aleb' chik.

Deuteronomio 18:14

xb'aan naq eb' li tenamit ok aawe chi risinkil, neke'xpaab' laj q'e jo' ajwi' eb' li neke'xtz'il rix eb' li chahim. A'ut laa'at, li Qaawa' laaYos ink'a' naraj naq taab'aanu kama' a'an.

Éxodo 7:11

Ab'an laj Parahón kixb'oqeb' li wankeb' xna'leb' ut eb' laj tuul; ut eb' a'an ajwi' ke'xb'aanu a'an rik'in li xna'leb'eb':

Zacarías 10:2

Eb' li yal k'oxlanb'il yos neke'b'alaq'ik, ut eb' laj q'e tik'ti' li neke'ril. Moko yaal ta neke'xye eb' li neke'xtaw ru li matk', yal re b'an k'ojob'ank ch'oolej naq neke'aatinak. Jo'kan naq li tenamit neke'cha'chotk jo'eb' li karneer, ut wankeb' chi yalaq chanru xb'aan naq maak'a' laj k'aak'alehom reheb'.

Efesios 5:6

Maa'ani chib'alaq'inq eere rik'ineb' li aatin maak'a'eb' xyaalalil, xb'aan naq a'in nachalk wi' xjosq'il li Yos sa' xb'eeneb' laj q'etol aatin.

Éxodo 22:18

“Maakanab' chi yo'yo li ixq aj tuul.

Proverbios 19:27

At walal ink'ajol, wi taakanab' xk'ulb'al laatijb'al, relik chi yaal naq tatnajto'q rik'in li chaab'il na'leb'.

Ezequiel 21:29

Moko yaal ta li k'aru neke'ril sa' moy u ut junes tik'ti' li neke'xye naq neke'q'ehib'k. Te'kamsiiq chi q'esnal ch'iich' eb' a reemaaru aj maak a'an. Ak xwulak xkutankil li xtojb'al rix li xmaakeb'.

Daniel 4:7

Xe'chalk eb' laj q'e ut eb' laj nawal, eb' laj k'ehol na'leb' jo'wi' eb' laj tz'ilol rixeb' li chahim, ut xinseeraq'i reheb' li moy u, ab'an maajun reheb' xru xch'olob'ankil li xyaalal.

Deuteronomio 13:2

Wi taak'ulmanq li k'aru xyehom ut tixye ajwi': «Yo'qeb' chirixeb' li yos toj maji' aanawom ruheb', yo'qeb' chi xloq'oninkileb' ru», cha'aq,