Jeremías 27:7 - Q'eqchi Bible

⁷ Chixjunileb' li tenamit wanqeb' rub'el xwankil a'an, jo'wi' rub'el xwankil eb' li ralal xk'ajol ut eb' li ri xmam, toj taawulaq xq'ehil naq li x'awab'ejihom toxwanq ajwi' rub'el xwankileb' li xninqal ru tenamit ut awab'ej li q'axal kaweb' rib'.

Li Santil hu

⁷ Chixjunileb li tenamit saꞌ ruchichꞌochꞌ teꞌcꞌanjelak chiru aꞌan. Ut teꞌcꞌanjelak chiru li ralal joꞌ ajcuiꞌ chiru li ri toj ta̱cuulak xkꞌehil nak ta̱chapekꞌ lix tenamiteb aꞌan xbaneb li xni̱nkal ru tenamit ut eb lix rey. Ut eb aꞌan chic teꞌcana̱k rubel xcuanquil eb li ni̱nkeb xcuanquil.

Jeremías 27:7 ပူးပေါင်းရင်းမြစ်များ

Jeremías 52:31

Waqlaju xka'k'aal chihab' xxikik chi preexil laj Johakín, awab'ej re Judá, sa' li wuqub' xka'k'aal xb'e li kab'laju po, laj Ebil-Merodak, awab'ej re Babilonia, kixtikib' awab'ejink ut kirusila ru Johakín, awab'ej re Judá, ut kirisi sa' tz'alam.

Apocalipsis 16:19

Li Nimla Tenamit oxib' jachal ki'elk, ut li xtenamiteb' li ruuchich'och' kilaje't'ane'k; ut kinaqk chaq sa' xch'ool li Yos li nimla Babilonia re xk'eeb'al chi ruk'eb' li jun sek' chi b'iin wan wi' li xnimal xjosq'il.

Apocalipsis 14:8

Ut jun chik li ánjel kitaaqenk re, kixye: “Xt'ane'k, ak xt'ane'k li nimla tenamit Babilonia, a' li kik'ehok chi maakob'k chixjunileb' li tenamit sa' ruuchich'och' rik'in li xmaa'usilal. Chanchan naq kixkaltesiheb' rik'in b'iin. Ut a'an k'ajo' naq kixchiq' xjosq'il li Yos!”.

Habacuc 2:7

Chi maak'a'aq sa' laach'oolte'wulaq li xe'k'ehok aato'; te'wakliiq chaq, ut siksootqat xb'aan aaxiw naq te'xmaq' chixjunil li k'aru aawe.

Isaías 21:9

We' chaq jun li b'eleb'aal ch'iich' kelonb'il chaq xb'aan jun sumal chi kawaay”, chan. Toja' naq jun chik li winq kixye: “X'oso'k, x'oso'k li tenamit Babilonia. Ut chixjunileb' li xjalam u li xyoseb' xlaje'puk'iik chiru ch'och'”, chan.

Isaías 13:1

A'an a'in li kik'utb'esiik chiru laj Isaías, ralal laj Amós, chirix li rahilal tixk'ul li tenamit Babilonia:

Salmos 37:13

Ab'an li Qaawa' naxse'e xaq li yib'ru xna'leb': naxnaw naq wulak re xq'ehil naq taasache'q.

Jeremías 27:22

«Chixjunil a'in taak'ame'q Babilonia ut aran tkanaaq chaq, toj reetal naq laa'in twaj xk'amb'al chaq wi' chik», chan li Qaawa'”.

Jeremías 34:1

Naq laj Nabukodonosor, li awab'ej re Babilonia, rochb'eeneb' laj puub' ut chixjunileb' li tenamit li wankeb' rub'el xwankil sa' ruuchich'och', yookeb' chi yalok rik'ineb' laj Jerusalén ut rik'ineb' chixjunil li tenamit wankeb' chi xsutam, li Qaawa' ki'aatinak rik'in laj Jeremías ut kixye re:

Jeremías 44:30

Laa'in tinq'axtesi laj Parahón Hofra xk'ab'a', li awab'ej re Ejiipt, sa' ruq'eb' li xik' neke'ilok re, li te'ajoq xkamsinkil. Jo' naq kinq'axtesi laj Sedesías, li awab'ej re Judá, sa' ruq' li xik' na'ilok re, a' laj Nabukodonosor, li awab'ej re Babilonia, jo'kan ajwi' tinb'aanu re laj Hofra»”.

Jeremías 46:13

Li Qaawa' kiraatina laj Jeremías, li propeet, naq laj Nabukodonosor, li awab'ej re Babilonia, xik re chi xsachb'al Ejiipt:

Daniel 2:37

Laa'at li awab'ej q'axal nim laawankil sa' xb'eeneb' li awab'ej, xb'aan naq li xYos li choxa xk'e aakawilal, aawankil ut xnimal aaloq'al.

Daniel 4:22

Li che' a'an a'anat laa'at, at awab'ej: laa'at li xnimank laawankil, li jwal kaw aawib', laa'at li xnumtaak laawankilal ut xwulak toj sa' choxa; laa'awab'ejihom xwulakje'k toj sa' xmaril li ruuchich'och'.

Habacuc 2:8

Jo' naq xamaq' li xb'ihomaleb' li k'iila tenamit, jo'kan ajwi' naq te'xmaq' chawu li k'a'aq re ru xawelq'a. Jalanil tenamit taak'ehoq aawe chi xtojb'al rix laamaa'usilal jo' ajwi' chixjunil li xab'aanu re li qana'aj, reheb' li qatenamit ut reheb' li jo'k'ihal wankeb' chisa'.

Ezequiel 30:24

A' chik li awab'ej re Babilonia tink'e xkawub' xch'ool, ut sa' ruq' a'an tink'e linch'iich'. Tintoqiheb' li ruq' laj Parahón, ut k'ajo' naq taayaab'aq chiru laj Nabukodonosor.