Jeremías 27:6 - Q'eqchi Bible

⁶ Ut anaqwan xinq'axtesi chixjunileb' li na'ajej a'in sa' ruq' laj Nabukodonosor, aj k'anjel chiwu, awab'ej re Babilonia, ut xink'eheb' ajwi' eb' li k'iche'il xul re te'k'anjelaq chiru a'an.

Li Santil hu

⁶ La̱in xinqꞌuehoc re chixjunil li naꞌajej aꞌin rubel xcuanquil laj Nabucodonosor lix reyeb laj Babilonia, li ta̱cꞌanjelak chicuu. Ut tinqꞌueheb ajcuiꞌ li xul li cuanqueb saꞌ qꞌuicheꞌ rubel xcuanquil.

Jeremías 27:6 ပူးပေါင်းရင်းမြစ်များ

Jeremías 28:14

Xb'aan naq li Nimajwal Yos, li xYos laj Israel, xye chi jo'ka'in: B'itch'iich' chik xink'e chirix xkuxeb' chixjunileb' li tenamit re naq te'kanaaq chi munil chiru laj Nabukodonosor, li awab'ej re Babilonia. A'atqeb' li k'iche'il xul te'wanq rub'el li xwankil»”.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Jeremías 43:10

ut ye reheb': «Li Nimajwal Yos, li xYos laj Israel, xye chi jo'ka'in: Laa'in tintaqla chaq laj Nabukodonosor, laj k'anjel chiwu ut awab'ej re Babilonia, ut tink'ojob' li xk'ojarib'aal ut li xmuheb'aal sa' xb'eeneb' li pek a'in li xinch'ik sa' ch'och'.

Isaías 44:28

Ut laa'in ninye re laj Siro: «Aj k'anjelat chiwu, laa'at taab'aanu chixjunil li wajom»; ut ninye re Jerusalén: «Tattenamito'q wi' chik»; ut ninye ajwi' naq taayiib'amanq wi' chik linloq'laj ochoch arin Sión”.

Jeremías 24:1

Moqon laj Nabukodonosor, li awab'ej re Babilonia, kixchap laj Jekonías, ralal laj Johakín, li awab'ej re Judá, rochb'eeneb' li xninqaleb' ru winq aj Judá, eb' laj tenol ch'iich' jo'wi' eb' laj peech', ut kixk'ameb' chi preexil aran Babilonia. Chirix chik a'an kixk'utb'esi chiwu wiib' chakach chi iig wankeb' chiru rochoch li Qaawa'.

Jeremías 21:7

Chirix chik a'an tinq'axtesi laj Sedesías, li awab'ej re Judá, sa' ruq' laj Nabukodonosor ut sa' ruq'eb' li neke'ajok xkamsinkil. A'aneb' te'choyoq xkamsinkileb' li te'kole'q sa' li tenamit chirix li raaxiik', li raxkamk ut li we'ej. Tink'eheb' chi kamsiik chi ch'iich', chi maak'a'aq toq'ob'ank u ut usilal cho'q reheb' -chan li Qaawa'-.

Jeremías 22:25

re aaq'axtesinkil sa' ruq'eb' li te'raj aakamsinkil, a'eb' li jwal nakaxiwa ruheb'. Tatinq'axtesi sa' ruq' laj Nabukodonosor, li awab'ej re Babilonia, ut sa' ruq'eb' laj Kaldeha.

Jeremías 49:30

Ex aj Jasor, seeb'aaq eerib' chi elelik, ayuqex chi najt b'arwi' ink'a' textawe'q -chan li Qaawa'-, xb'aan naq laj Nabukodonosor, li awab'ej re Babilonia, wank jun na'leb' cherix ut ak xk'uub'ahom eerahob'tesinkil.

Ezequiel 29:12

At Ejiipt, tatinkanab' chi chaqich'och' q'axal xiwajel rilb'al; nakirirnak ut po'lem te'kanaaq wi' eb' laatenamit chiru ka'k'aal chihab', q'axal yamyooqeb' sa' xyanqeb' li xe'kanaak chi po'lemil, ut twisiheb' laapoyanam sa' li xna'ajeb' ut tincha'cha'iheb' sa'atqeb' li jalanil tenamit.

Daniel 4:12

Q'axal ch'ina'us neke'ilok eb' li ruq' ut k'ajo'eb' li ru: aran wank tzekemq cho'q reheb' chixjunil. Sa' xmu neke'hilank chixjunileb' li k'iche'il xul ut neke'sukub'k eb' li xik'anel xul sa'eb' li ruq'; rik'ineb' li ru li che' a'an neke'tzekank chixjunileb' li wankeb' xyu'am.

Daniel 4:22

Li che' a'an a'anat laa'at, at awab'ej: laa'at li xnimank laawankil, li jwal kaw aawib', laa'at li xnumtaak laawankilal ut xwulak toj sa' choxa; laa'awab'ejihom xwulakje'k toj sa' xmaril li ruuchich'och'.

2 Reyes 25:28

Q'axal kixb'aanu usilal re ut kixk'e xwankil jwal nim wi' chik chiruheb' chixjunil li awab'ej wankeb' rochb'een aran Babilonia.

2 Crónicas 36:23

“Jo'ka'in xye laj Siro, awab'ej re Persia: Li Qaawa', xYos li choxa, xk'e rub'el linwankil chixjunileb' li tenamit sa' ruuchich'och'. Ut a'an xchaq'rab'ink we naq tinkab'la jun rochoch aran Jerusalén, sa' xteepal Judá. Jo'kan utan, chejunilex li xkomonex li xtenamit li Yos naru texxik aran. Ut li Qaawa' leeYos chiwanq taxaq eerik'in!”.

Ezequiel 30:24

A' chik li awab'ej re Babilonia tink'e xkawub' xch'ool, ut sa' ruq' a'an tink'e linch'iich'. Tintoqiheb' li ruq' laj Parahón, ut k'ajo' naq taayaab'aq chiru laj Nabukodonosor.