Jeremías 27:18 - Q'eqchi Bible

¹⁸ Wi raj yaal naq propeeteb' ut wank li raatin li Qaawa' rik'ineb', tijoqeb' anaqwan chiru li Nimajwal Yos, re naq li k'a'aq re ru re li rochoch li Qaawa' li toj xkanaak ut li toj wank sa' rochoch li awab'ej re Judá ut Jerusalén ink'a' taak'ame'q aran Babilonia».

Li Santil hu

¹⁸ Cui relic chi ya̱l nak profeteb aꞌan, ut cui ya̱l nak li Ka̱cuaꞌ quia̱tinac riqꞌuineb, xeꞌxtzꞌa̱ma raj chiru li nimajcual Dios nak incꞌaꞌ ta̱isi̱k saꞌ li templo li cꞌaꞌak re ru, chi moco ta̱isi̱k saꞌ li rochoch li rey. Ta̱cana̱k ban saꞌ xnaꞌajeb li cꞌaꞌak re ru li nacꞌanjelac.

Jeremías 27:18 ပူးပေါင်းရင်းမြစ်များ

1 Samuel 7:8

ut ke'xye re laj Samuel: “Maakanab' tijok chiru li Qaawa' li qaYos, re naq tooxkol sa' ruq'eb' laj Filistea”.

Jeremías 18:20

Ma maa'usilal na'eeqajuuk wi' li usilal? Xb'aan naq yookeb' chi xpikb'al li jul re inmuqb'al. Jultikaq aawe naq xintijok chawu re xtz'aamankil laawuxtaan chirixeb' ut xkolb'aleb' chiru li tojb'amaak.

1 Reyes 18:24

Chirix chik a'an laa'ex teeyaab'a xk'ab'a' leeyos ut laa'in tinyaab'a xk'ab'a' li Qaawa'. Li Yos li taataqlanq chaq li xam, a'an tz'aqal li Yos”, chan laj Elías. “Jwal us li xaye!”, chankeb' chixjunileb' li poyanam.

1 Samuel 12:23

Li Yos chitenq'anq taxaq we re naq ink'a' tinmaakob'q rik'in xkanab'ankil tijok cherix laa'ex. Ninye li waatin naq tink'ut cheru li b'e jwal chaab'il ut tiik.

1 Samuel 12:19

“Chattijoq chiqix laa'o aj k'anjel chawu -chankeb' li tenamit-. Chatz'aama chiru li Qaawa' laaYos, naq ink'a' tookamq, xb'aan naq xqatiq roq li qamaak naq xqapatz' qa'awab'ej”.

Malaquías 1:9

“Anaqwan tz'aamahomaq rusilal li Yos sa' qab'een re naq taaruxtaana qu. Ab'anan chanru naq taaril xtoq'ob'aal eeru naq yookex chi xyeechi'inkil a'an? -chan li Nimajwal Yos-.

Ezequiel 22:30

Laa'in xinsik' junaq winq sa' xyanqeb' re raj tixwaklesi wi' chik li xtz'akul li tenamit ut taa'okenq raj chi aatinak wik'in re naq ink'a' tinsach li xna'ajeb', ab'anan maajun xintaw.

Ezequiel 14:14

Ut wi sa' li tenamit a'an wanqeb' laj Noé, laj Danel ut laj Job, ka'ajwi' eb' a'an te'kole'q xb'aan li xtiikilaleb' xch'ool -chan li Qaawa'-.

Jeremías 42:2

rik'in laj Jeremías, li propeet, ut ke'xye re: “Naqatz'aama jun li usilal chawu: Tijon chiru li Qaawa' laaYos, chiqix laa'o li jun ch'inach'uuto xookanaak. K'ajo' qak'ihal junxil, ut anaqwan yookat chik rilb'al naq ink'a' chik k'iho.

Jeremías 15:1

Li Qaawa' kixye we: “Us ta tole'xxaqab' rib' chiwu laj Moisés ut laj Samuel chi tz'aamank chirix li tenamit a'in, laa'in ink'a' twuxtaana ruheb'. Ye reheb' naq elqeb' chiwu ut xikaqeb' chi najt.

Jeremías 7:16

“At Jeremías, mattijok chirix li tenamit a'in, mattz'aamank chiwu chi moko chat-elajinq chirixeb'. Maawelaji wu xb'aan naq moko tatwab'i ta.

2 Crónicas 32:20

Jo'kan naq laj Esekías li awab'ej jo'wi' li propeet Isaías, ralal laj Amós, ke'tz'aamank ut ke'elajink chiru li Qaawa' li wank sa' choxa.

1 Reyes 18:26

Ke'xchap li saaj wakax li kik'eemank reheb', ke'xk'uub' ut ke'xyaab'a xk'ab'a' laj Bahal chalen eq'la toj wa'leb': “At Bahal, choohaawab'i chaq!”, chankeb' naq yookeb' chi piitzank chi xk'atq li artal ke'xyiib'. Ab'an maajun kisumenk chaq reheb'.

Génesis 20:17

Toja' naq laj Abrahán kitz'aamank chiru li Yos, ut li Yos kixk'irtasi laj Abimélek, li rixaqil ut chixjunileb' li ixq aj k'anjel chiru, re naq te'alanq wi' chik: