Jeremías 27:10 - Q'eqchi Bible

¹⁰ Xb'aan naq yal tik'ti' li neke'xye eere: wi teepaab' li raatineb' a'an, tex'isiiq sa' leena'aj ut laa'in texincha'cha'i ut texkamsiiq.

Li Santil hu

¹⁰ Eb aꞌan ticꞌtiꞌ li nequeꞌxye e̱re. Moco ya̱l ta. Cui te̱pa̱b li cꞌaꞌru nequeꞌxye eb aꞌan, tex-isi̱k saꞌ le̱ naꞌaj. La̱in tin-isi̱nk e̱re ut ta̱sachekꞌ e̱ru.

Jeremías 27:10 ပူးပေါင်းရင်းမြစ်များ

Jeremías 32:31

Chalen chaq sa' xtiklajik, li tenamit a'in junes injosq'il neke'xyoob'. Jo'kan naq twisiheb' sa' xnaq' wu,

Lamentaciones 2:14

Eb' laapropeet junes b'alaq'il moy u xe'xseeraq'i aawe; ink'a' xe'xch'olob' laamaak re raj xjalb'al laak'a'uxl. Junes b'alaq'il moy u ut tik'ti' xe'xye aawe.

Jeremías 28:16

Jo'kan naq li Qaawa' xye chi jo'ka'in: «Laa'in tin'isinq aawe sa' li ruuchich'och'. Chiru li chihab' a'in tatkamq xb'aan naq xatakchi'eb' li tenamit chi q'etq'eto'k chiwu -chan li Qaawa'»”.

Jeremías 27:14

Meepaab' li raatineb' li propeet naq neke'xye eere: «Meek'e eerib' rub'el xwankil li awab'ej re Babilonia», xb'aan naq eeb'alaq'inkil yookeb'.

Jeremías 23:25

“Ak wab'ihom li xtik'ti'eb' li propeet a'an aj b'alaq'. Neke'tik'ti'ik ut neke'xye naq neke'aatinak wik'in sa' xmatk'eb'.

Éxodo 22:18

“Maakanab' chi yo'yo li ixq aj tuul.

Deuteronomio 18:10

Miwank junaq sa' eeyanq li tixnumsi li ralal malaj li xrab'in sa' xam, malaj tixb'aanu li q'ehib'k ut li rilb'al li yu'am chaalel rik'in xka'yankil eb' li chahim. Maajun eere tixb'aanu li tuulak malaj xmoyb'al xsa' li uhej.

Jeremías 8:19

Yalaq b'ar na'ab'imank li xyaab'eb' lintenamit: “Ma maa'ani chik li Qaawa' aran Sión? Ma maak'a' chik li awab'ej aran?”, chankeb'. Ut li Qaawa' kichaq'ok ut kixye rehab': “K'a'ut naq xe'xchiq' injosq'il xb'aaneb' li xjalanil yoseb', li maak'a' neke'ok wi' chi moko nawb'ileb' ru”, chan.

Jeremías 14:14

Toja' naq li Qaawa' kixye we: “B'alaq'ik yookeb' li propeet a'an sa' ink'ab'a'. Laa'in ink'a' xintaqlaheb' a'an, ink'a' xinchaq'rab'iheb' chi moko xin'aatinak rik'ineb'. Tik'ti' li neke'xye, b'alaq'il moy u, yal xk'a'uxeb' winq li maak'a' aj e: a'an a'in li neke'xye resil eere eb' li propeet a'an.

Jeremías 23:16

Jo'ka'in kixye li Nimajwal Yos: “Ex aj Israel, meepaab' li neke'xye eere eb' li propeet, xb'aan naq yal yookeb' cheb'alaq'inkil: junes tik'ti' neke'xye, yal k'oxlanb'il xb'aaneb' a'an. Moko xin'aatinak ta rik'ineb' laa'in.

Jeremías 27:15

Moko laa'in ta xintaqlank reheb' -chan li Qaawa'-, ut yookeb' chi roksinkil link'ab'a' chi yal tik'ti'. Mare anchal texwisi sa' leena'aj, ut texkamq laa'ex jo'wi' eb' li propeet xe'b'alaq'ink eere”.

Jeremías 27:16

Kiwaatinaheb' ajwi' eb' laj tij ut chixjunileb' li poyanam, ut kinye reheb': “Li Qaawa' xye chi kama'in: «Meepaab' li yookeb' xyeeb'al eb' li propeet naq chi seeb' eb' laj Babilonia te'xq'axtesi chaq wi' chik li xsahil eechej li rochoch li Yos. A'an yal tik'ti'.

Jeremías 28:11

Ut kixye chiruheb' chixjunil li tenamit: “Jo'ka'in xye li Qaawa': «Jo' naq xwisi li b'itche' a'in chirix xkux laj Jeremías, jo'kan ajwi' naq twisiheb' chixjunileb' li tenamit rub'el xwankil li awab'ej re Babilonia sa' wiib' chihab', ut tinjuk'i»”. Laj Jeremías ki'elk aran ut koho.

Daniel 4:7

Xe'chalk eb' laj q'e ut eb' laj nawal, eb' laj k'ehol na'leb' jo'wi' eb' laj tz'ilol rixeb' li chahim, ut xinseeraq'i reheb' li moy u, ab'an maajun reheb' xru xch'olob'ankil li xyaalal.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Zacarías 10:2

Eb' li yal k'oxlanb'il yos neke'b'alaq'ik, ut eb' laj q'e tik'ti' li neke'ril. Moko yaal ta neke'xye eb' li neke'xtaw ru li matk', yal re b'an k'ojob'ank ch'oolej naq neke'aatinak. Jo'kan naq li tenamit neke'cha'chotk jo'eb' li karneer, ut wankeb' chi yalaq chanru xb'aan naq maak'a' laj k'aak'alehom reheb'.