Jeremías 26:9 - Q'eqchi Bible

⁹ K'a'ut naq xaye sa' xk'ab'a' li Qaawa' naq li ochoch a'in taakanaaq jo' Siló, ut Jerusalén taajuk'manq chi maajun chik poyanam taakanaaq chisa'?”. Ut chixjunileb' li poyanam ke'xtuub' rib' sa' rochoch li Yos chi xsutb'al laj Jeremías.

Li Santil hu

⁹ ¿Cꞌaꞌut nak nacaye saꞌ xcꞌabaꞌ li Ka̱cuaꞌ nak li cab aꞌin ta̱cana̱k joꞌ Silo? Ut, ¿cꞌaꞌut nak nacaye nak li tenamit aꞌin ta̱cana̱k chi ma̱cꞌaꞌ chic cuan chi saꞌ? chanqueb. Ut chixjunileb li tenamit queꞌjoskꞌoꞌ saꞌ xbe̱n laj Jeremías saꞌ lix templo li Ka̱cuaꞌ.

Jeremías 26:9 ပူးပေါင်းရင်းမြစ်များ

Hechos 22:22

Toj rik'in li aatin a'in ke'xkuy rab'inkil; ab'an chirix chik a'an ke'ok chi xjapb'aleb' re: “Isi sa' ruuchich'och' li winq a'in! Ink'a' us naq yo'yooq”, chankeb'.

Hechos 21:30

Toja' naq sa' chixjunil Jerusalén kiwank poqoqij ib' ut yalaq b'ar kilaje'chalk li poyanam. Ke'xchap laj Pablo, ke'xkeleli chirix rochoch li Yos ut tikto ke'xtz'ap li okeb'aal.

Hechos 13:50

Ab'anan eb' laj Judiiy ke'xtakchi'i li xninqaleb' ru ixq li neke'loq'onink ru li Yos, jo' ajwi' li xb'eenileb' li tenamit; ke'xyoob' jun raaxiik' chirixeb' laj Pablo ut laj Bernabé ut ke'risiheb' sa' li xna'ajeb'.

Hechos 6:14

Xb'aan naq xqab'i chi xyeeb'al naq li Jesus, a' laj Nazaret neke'xye, tixjuk' li na'ajej a'in ut tixjal ru li xe'toonil na'leb' kooxchaq'rab'i wi' laj Moisés, chankeb'.

Hechos 5:28

—Ma ink'a' tab'i' xexqachaq'rab'i chi kaw naq tik ink'a' teetzoleb' li tenamit sa' li k'ab'a'ej a'an? Ut laa'ex xenujob'resi Jerusalén rik'in leek'utum ut teeraj xteneb'ankil sa' qab'een li xkik'el li winq a'an, chan reheb'.

San Juan 8:59

Toja' naq ke'xxok xpek re xkutb'al li Jesus; ab'an a'an kixmuq rib' ut ki'elk sa' rochoch li Yos.

San Juan 8:20

Eb' li aatin a'in kixye li Jesus sa' li xna'aj li mayej, naq yo chi xtzolb'aleb' li tenamit sa' rochoch li Yos. Ut maa'ani kichapok re xb'aan naq toj maji' nawulak li xhonalil.

San Marcos 15:11

Ab'an eb' li xb'eenil aj tij ke'xtakchi'i li tenamit re xyeeb'al naq a' chik laj Barrabás chi'ach'ab'aaq.

San Mateo 27:20

A'ut eb' li xb'eenil aj tij jo'wi' eb' li cheekel winq ke'xtakchi'i li tenamit re te'xpatz' naq chi'ach'ab'aaq laj Barrabás ut chikamsiiq li Jesus.

San Mateo 21:23

Kiwulak li Jesus sa' rochoch li Yos. Ut naq yo chi xtzolb'aleb' li tenamit, ke'wulak li xb'eenileb' aj tij ut eb' li xcheekel winqilaleb' li tenamit, ut ke'xye re: —K'aru aawankil naq nakab'aanu a'in? Ani xk'ehok aawe li wankilal a'in?

Miqueas 2:6

“Mooheeraatina chik jo' propeet. Laa'o ink'a' tooxtaw li rahilal”, chankeb' a'an.

Amós 5:10

Ra chaalel sa' eeb'een laa'ex xik' nekeril ani nakolok rix li tiikilal ut neketz'eqtaana li nayehok re li yaal.

Jeremías 9:11

“Jun tuub' chi pek tinsutq'isi wi' Jerusalén, cho'q xna'ajeb' laj xojb'; nakirirnak tinkanab' chixjunileb' li tenamit sa' xteepal Judá ut maajun chik taakanaaq chisa'”.

Isaías 29:21

eb' li neke'q'ab'ank re jalan chik chi xb'aanunkil li maa'usilal ut neke'xb'alaq'i eb' laj raqol aatin, li neke'tik'ti'ik re naq ink'a' taakolmanq rix li maak'a' xmaak.

2 Crónicas 25:16

Toj yo ajwi' chi aatinak li propeet naq laj Amasías kixye re: “Ma xate'xxaqab' tab'i' cho'q aj k'ehol xna'leb' li awab'ej? Kanab' aatinak. Malaj taawaj naq tate'xkamsi?”. Ut li propeet kixye: “Laa'in ninnaw naq li Qaawa' xk'uub' xsachb'al aawu, xb'aan naq xab'aanu li ink'a' us ut ink'a' nakawaj rab'inkil li xinye aawe”. Ut kixkanab' aatinak.

Hechos 3:11

Li winq a'an ink'a' naxkanab'eb' laj Pedro ut laj Jwan; jo'kan naq chixjunil li tenamit ke'chalk rik'ineb' chi sachsookeb' xch'ool ut sa' aanil, sa' li xnumleb'aal laj Salomón, jo' neke'xye re.

Hechos 5:12

Eb' li apóstol neke'xb'aanu naab'al xninqal ru eetalil ut sachb'ach'oolej sa' li tenamit. Chixjunileb' wankeb' sa' junajil sa' li xnumleb'aal laj Salomón,

Josué 18:1

Chixjunil li komonil reheb' li ralal xk'ajol laj Israel ke'ch'utlaak Siló ut aran ke'xxaqab' li Loq' laj Muheb'aal. Ak wank chixjunil li na'ajej rub'el xwankileb'.

Jeremías 32:3

Laj Sedesías, li awab'ej, a'an kitaqlank xb'ak'b'al xb'aan xyeeb'al li aatin a'in: “Xyehom li Qaawa': «Li tenamit a'in taaq'axtesimanq sa' ruq' li awab'ej re Babilonia, ut taa'eechaniiq xb'aan;

Jeremías 33:10

Jo'ka'in kixye li Qaawa': “Laa'ex nekeye naq li na'ajej a'in nayamnak aj chik ru, maajun poyanam chi moko junaq xul wank chisa'. Nekeye ajwi' naq sa' xteepal Judá ut sa'eb' li b'e re Jerusalén maak'a' chik wank aran, chi moko winq chi moko xul. Ab'an sa'eb' li na'ajej a'an toj taa'ab'imanq

Jeremías 36:29

Ut ye re laj Johakín: «Li Qaawa' xye chi jo'ka'in: Laa'at xak'at li b'otb'ookil hu ut xaye: K'a'ut naq xatz'iib'a sa' li hu naq relik chi yaal li awab'ej re Babilonia tolxjuk'i li tenamit a'in, ut maajun chik poyanam chi moko xul taakanaaq chisa'?

Lamentaciones 4:13

Xmaakeb' li propeet ut li xmaa'usilaleb' laj tij, sa' li tenamit Jerusalén xhoye'k xkik'el li maak'a'eb' xmaak.