Jeremías 26:21 - Q'eqchi Bible

²¹ Laj Johakín, li awab'ej, eb' li xninqal ru winq ut eb' li xjolomileb' li tenamit ke'rab'i li kiyeemank. Ut li awab'ej kixsik' chanru naq tixkamsi laj Urías. Ab'anan naq li propeet kixnaw a'in, kixiwak ut koho eelel sa' li tenamit Ejiipt.

Li Santil hu

²¹ Li rey Joacim quirabi li cꞌaꞌru quixye laj Urías. Queꞌrabi ajcuiꞌ eb li nequeꞌtenkꞌan re ut eb li cuanqueb xcuanquil. Ut li rey quixcꞌu̱b ru nak tixcamsi laj Urías. Abanan laj Urías quixucuac ut quie̱lelic. Co̱ toj Egipto.

Jeremías 26:21 ပူးပေါင်းရင်းမြစ်များ

San Mateo 10:23

Naq te'raj eerahob'tesinkil sa' li tenamit a'in, elelinqex ut ayuqex sa' jalan chik; ut wi aran te'raj ajwi' xb'aanunkil eere chi jo'kan, ayuqex sa' jalan chik. Relik chi yaal ninye eere: maji'aq teechoy xb'eeninkileb' li tenamit sa' xsutam Israel naq tol'elq li K'ajolb'ej.

San Mateo 14:5

Ut kiraj raj xkamsinkil, ab'an kixxiwaheb' ru li tenamit, xb'aan naq a'an propeet chiruheb'.

Jeremías 36:26

Chirix chik a'an li awab'ej kixye re laj Jeramiel, li ralal, jo' ajwi' re laj Seraías, ralal laj Asriel, ut re laj Selemías, ralal laj Abdel, naq te'xchap laj Jeremías, li propeet, rochb'een laj Baruk, laj tz'iib'. Ab'an li Qaawa' ak kixmuqeb' chik.

2 Crónicas 16:10

K'ajo' naq kijosq'o'k laj Asá rik'in li propeet, ut kixk'e sa' tz'alam, xb'aan naq yo xjosq'il rik'in. Ut chiruheb' li kutan a'an laj Asá kixrahob'tesi ajwi' jalaneb' chik poyanam sa' xyanqeb' li tenamit.

San Marcos 6:19

Lix Herodías xik' naril laj Jwan ut naraj raj xkamsinkil, ab'anan ink'a' naru xb'aanunkil,

San Mateo 10:39

Ani naraj xkolb'al li xyu'am, taasachq chiru; a'ut li tixsach li xyu'am sa' ink'ab'a', a'an tixtaw li junelik yu'am.

San Mateo 10:28

Meexiwaheb' ru li neke'kamsink re li tz'ejwalej, ab'an ink'a' neke'ruhank xkamsinkil li aanmej; chexiwa b'an ru li ani wank xwankil chi xsachb'al sa' xb'alb'a li aanmej ut li tz'ejwalej.

Proverbios 29:25

Li naxiwak chiruheb' li winq, a'an naxsach rib'; ab'an li k'ojk'o xch'ool rik'in li Qaawa', maak'a' rahilal tixk'ul.

Salmos 119:109

Xiw xiw wank linyu'am chi junelik, ab'an ink'a' nasachk sa' inch'ool laawajom.

2 Crónicas 24:21

Ab'an eb' a'an ke'xk'uub' xkamsinkil, ut li awab'ej kixtaqlaheb' chi xteninkil chi pek toj reetal ke'xkamsi chiru xneb'aalil li rochoch li Qaawa'.

Jeremías 26:10

Naq eb' li xjolomileb' laj Judá ke'rab'i a'in, ke'elk sa' rochochil li awab'ej, koheb' sa' rochoch li Yos ut aran, sa' li Ak' Okeb'aal, ke'xk'ojob' rib'eb'.

Jeremías 38:4

Toja' naq eb' li xjolomileb' li tenamit ke'xye re li awab'ej: “Tento xkamsinkil li winq a'an, xb'aan naq, rik'ineb' li aatin naxye, naxch'ina xch'ooleb' laj puub' li toj wankeb' sa' li tenamit, ut naxch'ina ajwi' xch'ooleb' chixjunil li poyanam. Li winq a'in ink'a' naxsik' li usilal cho'q re li tenamit, a' b'an li rahilal naxsik'”.

1 Reyes 18:10

Sa' xk'ab'a' li Qaawa' laaYos ninye aawe naq maak'a' junaq tenamit malaj awab'ejihom ink'a' ta xtaqla wi' aasik'b'al li awab'ej. Ut wi neke'xye naq maa'anihat aran, naxk'eheb' chi xyeeb'al rik'in jurament naq tz'aqal yaal naq ink'a' xate'xtaw.