Jeremías 26:2 - Q'eqchi Bible

² ut kixye re chi jo'ka'in: “Xaqab' aawib' chiru xneb'aalil li wochoch ut aatinan rik'ineb' chixjunil li poyanam sa' xteepal Judá li neke'chalk chi loq'onink sa' rochoch li Qaawa'. Ye reheb' chixjunil li xinye aawe chi maajun li aatin taamuq.

Li Santil hu

² Quixye re: —Xaklin saꞌ li neba̱l chiru li oqueba̱l re lin templo ut a̱tinan riqꞌuineb chixjunileb li nequeꞌchal chi lokꞌoni̱nc. Ye reheb chixjunil li a̱tin li xinye a̱cue. Ma̱ jun li a̱tin li xinye incꞌaꞌ ta ta̱ye reheb.

Jeremías 26:2 ပူးပေါင်းရင်းမြစ်များ

Deuteronomio 4:2

Maak'a' teetiq re li texintaqla wi', chi moko wank ta teerisi; teepaab' b'an chixjunileb' li xchaq'rab' li Qaawa' leeYos, jo' chanru tinye eere.

Hechos 20:27

xb'aan naq ink'a' xinxiwak chi xyeeb'al eere resil chixjunil li xnimal rajom li Yos.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Jeremías 19:14

Naq laj Jeremías kisutq'iik chaq Tófet, b'arwi' kitaqlaak xb'aan li Qaawa' chi aatinak sa' xk'ab'a', kixaqliik sa' rokeb'aal li rochoch li Yos ut kixye reheb' chixjunil li tenamit:

Jeremías 1:17

Jo'kan utan, kawaq aach'ool, xaqlin ut ye reheb' li k'aru tatintaqla wi'. Maaxiwa ruheb': mare anchal tink'ut aaxutaan chiruheb' a'an.

Hechos 20:20

Laa'ex nekenaw naq ink'a' xwisi wib' naq xwank k'aru us cho'q eere: ink'a' xinkanab' eetzolb'al ut xjultikankil cheru li Aatin chiruheb' li tenamit jo' ajwi' chire kab'lal;

Hechos 5:42

Ut maajun kutan neke'xkanab' xtzolb'aleb' li tenamit jo'wi' xyeeb'al li xChaab'il Esil li Kristo Jesus sa' rochoch li Yos ut sa'atqeb' li kab'l.

San Juan 18:20

Kichaq'ok li Jesus ut kixye reheb': —Laa'in xin'aatinak chi kutankil chiruheb' li tenamit; junelik xeb'intzol sa' li ch'utleb'aal kab'l ut sa' rochoch li Yos, b'arwi' neke'ch'utlaak chixjunileb' laj Judiiy, ut maak'a' xinye chi muqmu.

Ezequiel 3:10

Chirix chik a'an kixye we: “At kaamel winq, chixjunil li aatin tinye aawe k'e aach'ool chi rab'inkil ut k'uula chi us sa' laawaanm.

Jeremías 36:10

Laj Baruk koho chiru xneb'aalil li rochoch li Qaawa' li wank taqe'q, chi xk'atq li Ak' Okeb'aal; ut toj sa' li xna'aj laj Kemarías, ralal laj Safán laj tz'iib', kixyaab'asi sa' xxikeb' chixjunileb' li poyanam eb' li raatin laj Jeremías tz'iib'anb'il sa' li b'otb'ookil hu.

Jeremías 23:28

Wi junaq propeet xmatk'ek, xyehaq naq a'an jun matk'; ab'an li ani xk'ulum li waatin, xyehaq chi tz'aqal re ru. Ink'a' naru xjuntaq'eetankil li roq li triiw rik'in li ru. Li waatin a'an chanchan li xam, kama' li tenleb' li naxk'aji li pek -chan li Qaawa'-.

Jeremías 7:2

“Xaqab' aawib' chire li rochoch li Yos ut k'e chi nawe'k li esil a'in: Chejunilex laa'ex aj Judá, li nekexnume'k sa' li okeb'aal a'in re xloq'oninkil ru li Qaawa', ab'ihomaq li aatin a'in.

Deuteronomio 12:32

“Chepaab' ut chek'anjela ru li xexintaqla wi' chi maak'a' teetiq ru chi moko teerisi.

Apocalipsis 22:19

Ut wi ani wank k'aru trisi reheb' li raatin propeet wankeb' sa' li hu a'in, li Yos tixmaq' chiru li b'arwan taatz'aq wi' raj rik'in li che' nak'ehok yu'am jo'wi' sa' li santil tenamit, a' li tz'iib'anb'il resil sa' li hu a'in.

Hechos 5:25

Toja' naq kichalk jun li winq chi xyeeb'al reheb': —Ab'ihomaq: eb' li winq xek'eheb' sa' tz'alam wankeb' anaqwan sa' rochoch li Yos, yookeb' chi xtzolb'aleb' li tenamit.

San Juan 8:2

Toj eq'la kiwulak wi' chik sa' rochoch li Yos, ut chixjunil li tenamit ke'wulak rik'in: kik'ojlaak ut ki'ok chi xtzolb'aleb'.

San Lucas 19:47

Rajlal kutan naxtzoleb' sa' rochoch li Yos, ut eb' li xb'eenil aj tij, eb' laj tz'iib' jo'wi' li xninqaleb' ru sa' li tenamit yookeb' chi xsik'b'al chan raj ru naq te'xkamsi.

Jeremías 42:4

Kichaq'ok laj Jeremías ut kixye reheb': “Us, maak'a' reek'. Anaqwan ajwi' tintijoq cherix chiru li Qaawa' leeYos, jo' chanru xetz'aama chiwu, ut tink'e chenaw chixjunil li k'aru tinxsume wi', chi maajun aatin tinmuq cheru”.

Deuteronomio 12:5

Laa'ex tento toxeesik' chaq li Qaawa' leeYos ka'ajwi' sa' li na'ajej xaqab'anb'il xb'aan, sa' xyanq chixjunileb' li teep, re naq aran taahilanq li xk'ab'a'.

Jeremías 7:27

“Taaye reheb' chixjunil li aatin xinye aawe, a Jeremías, us ta ink'a' te'raj aawab'inkil. Jap aawe chi xb'oqb'aleb', us ta ink'a' tate'xsume.

Ezequiel 33:7

“At kaamel winq, laa'in xatinxaqab' cho'q aj k'aak'alenel reheb' li ralal xk'ajol laj Israel. Naq taawab'i jun t'orolaq li waatin, tento taaq'useb' sa' ink'ab'a'.

Ezequiel 40:4

Li winq a'an kixye we: “At kaamel winq, ilon chi us ut ab'i chi chaab'il. K'e reetal chixjunil li ok we chi xb'aanunkil, xb'aan naq a'an aj e naq xatxk'am chaq li Qaawa' toj arin, re rilb'al li k'aru tink'ut chawu. Chirix chik a'an toxaaye resil reheb' laj Israel chixjunil li xawil”.

Josué 8:35

Maajun junaq aatin re chixjunil li xtaqlahom laj Moisés ink'a' ta kiyaab'asimank chiruheb' chixjunil li xLoq'laj Ch'utameb' laj Israel; k'eeb'ileb' ajwi' sa' ajl eb' li ixq, eb' li kok'al ut eb' laj ab'l tenamit li wankeb' sa' xyanqeb' laj Israel.

Jeremías 1:7

Ab'an li Qaawa' kixye we: “Maaye naq toj saajat. A' yaal b'ar tatintaqla, laa'at tatxik ut taaye chixjunil li k'aru tatintaqla wi'.

Jeremías 25:2

Laj Jeremías, li propeet, kixnumsi li esil a'an reheb' chixjunil laj Judá jo'wi' reheb' laj Jerusalén. Kixye chi jo'ka'in:

Jeremías 28:5

Toja' naq laj Jeremías kixye re li propeet Ananías, chiruheb' laj tij ut chiruheb' chixjunil li poyanam ch'utch'uukeb' sa' rochoch li Yos: