Jeremías 26:12 - Q'eqchi Bible

¹² Kichaq'ok laj Jeremías ut kixye reheb' li xjolomileb' li tenamit ut reheb' chixjunil li poyanam: “Li Qaawa' xtaqlank chaq we chi xyeeb'al li aatin xerab'i chirix li xloq'laj ochoch ut chirix li tenamit a'in.

Li Santil hu

¹² Quia̱tinac laj Jeremías riqꞌuineb chixjunileb li cuanqueb xcuanquil ut riqꞌuineb ajcuiꞌ li tenamit ut quixye: —Aꞌ li Ka̱cuaꞌ xtaklan chak cue chixyebal resil li raylal li ta̱cha̱lk saꞌ xbe̱n li templo aꞌin joꞌ ajcuiꞌ saꞌ xbe̱neb li tenamit aꞌin. La̱ex xerabi li cꞌaꞌru xinye.

Jeremías 26:12 ပူးပေါင်းရင်းမြစ်များ

Hechos 5:29

Kichaq'ok laj Pedro jo'wi' eb' li apóstol, ut ke'xye: —Xb'een xb'een tento xpaab'ankil li Yos, ut ink'a' eb' li winq.

Hechos 4:19

A'ut laj Pedro ut laj Jwan ke'chaq'ok ut ke'xye: —K'oxlahomaq laa'ex k'aru us chiru li Yos: ma eepaab'ankil laa'ex malaj xpaab'ankil li Yos?

Jeremías 26:15

Ab'anan chenawaq chi us naq maak'a' inmaak: wi tineekamsi laa'in, q'axal wanq wi' chik leemaak jo' ajwi' wanq xmaakeb' laj Jerusalén. Relik chi yaal naq a' li Qaawa' xtaqlank chaq we chi xyeeb'al chi ch'olch'o ru eb' li aatin xerab'i”.

Jeremías 26:2

ut kixye re chi jo'ka'in: “Xaqab' aawib' chiru xneb'aalil li wochoch ut aatinan rik'ineb' chixjunil li poyanam sa' xteepal Judá li neke'chalk chi loq'onink sa' rochoch li Qaawa'. Ye reheb' chixjunil li xinye aawe chi maajun li aatin taamuq.

Ezequiel 21:7

Ut naq eb' a'an te'xpatz' aawe: «K'a'ut naq yookat chi yaab'ak?», taaye reheb': «Ninyaab'ak xb'aan resilal li taak'ulmanq. Naq taawulaq xkutankil a'an, chixjunileb' te'ch'inanq xch'ool ut te'mayoq li raanm; chixjunileb' te'memo'q ut siksootqeb' xb'aaneb' xxiw». K'ehomaq reetal naq ak waye' chaq; relik chi yaal naq taak'ulmanq”, chan li Qaawa'.

Amós 3:8

Ani ink'a' naxiwak naq naxjap chaq re li kaqkoj? Ani ink'a' taa'aatinaq jo' propeet wi li Qaawa' nayehok re?