Jeremías 26:11 - Q'eqchi Bible

¹¹ Toja' naq eb' laj tij ut eb' li propeet ke'aatinak rik'ineb' laj jolominel jo' ajwi' rik'ineb' chixjunil li poyanam ut ke'xye: “Li winq a'in xk'ulub' naq taateneb'aaq kamk sa' xb'een, xb'aan naq xye naq li tenamit a'in taajuk'manq, jo' xerab'i laa'ex rik'in leexik”.

Li Santil hu

¹¹ Ut eb laj tij ut eb li profetas queꞌa̱tinac riqꞌuineb li tenamit joꞌ eb ajcuiꞌ li cuanqueb xcuanquil ut queꞌxye reheb: —Xcꞌulub ca̱mc li cui̱nk aꞌin xban nak xye nak li katenamit tixcꞌul raylal. La̱ex xerabi riqꞌuin e̱xic li cꞌaꞌru quixye, chanqueb.

Jeremías 26:11 ပူးပေါင်းရင်းမြစ်များ

Jeremías 38:4

Toja' naq eb' li xjolomileb' li tenamit ke'xye re li awab'ej: “Tento xkamsinkil li winq a'an, xb'aan naq, rik'ineb' li aatin naxye, naxch'ina xch'ooleb' laj puub' li toj wankeb' sa' li tenamit, ut naxch'ina ajwi' xch'ooleb' chixjunil li poyanam. Li winq a'in ink'a' naxsik' li usilal cho'q re li tenamit, a' b'an li rahilal naxsik'”.

San Mateo 26:66

K'aru nekeye? Ke'chaq'ok eb' a'an: —Wank xmaak re kamsiik, chankeb'.

Deuteronomio 18:20

Ab'an wi li propeet taa'aatinaq sa' ink'ab'a' chi ink'a' xinye laa'in, malaj taa'aatinaq sa' xk'ab'a'eb' li jalanil yos, li propeet a'an taakamq», chan li Qaawa'.

Hechos 22:22

Toj rik'in li aatin a'in ke'xkuy rab'inkil; ab'an chirix chik a'an ke'ok chi xjapb'aleb' re: “Isi sa' ruuchich'och' li winq a'in! Ink'a' us naq yo'yooq”, chankeb'.

San Juan 19:7

Ke'chaq'ok eb' laj Judiiy ut ke'xye: —Laa'o wank qaChaq'rab' ut jo' naxye li Chaq'rab' a'in, tento taakamq xb'aan naq xk'e rib' cho'q Ralal li Yos.

San Juan 18:30

Ke'chaq'ok eb' a'an: —Wi ta maak'a' xmaak, ink'a' raj xqaq'axtesi sa' laawuq', chankeb' re.

Jeremías 18:23

At Qaawa', laa'at nakanaw chixjunil li yookeb' xk'uub'ankil re inkamsinkil. Maakuy li xmaakeb' chi moko chisachq sa' laach'ool li ink'a' us xe'xb'aanu. Kamqeb' chawu ut isi laajosq'il sa' xb'eeneb'!”.

Jeremías 26:16

Toja' naq eb' li xjolomil li tenamit ut chixjunileb' li poyanam ke'xye reheb' laj tij ut eb' li propeet: “Li winq a'in moko xk'ulub' ta kamsiik, xb'aan naq xooraatina sa' xk'ab'a' li Qaawa' li qaYos”, chankeb'.

Jueces 6:30

Eb' li poyanam li wankeb' sa' li tenamit a'an ke'xye re laj Johás: “Isi qe laawalal ut chikamq, xb'aan naq xjuk' li x'artal laj Bahal ut xyok' li loq'laj che' li wank chi xk'atq”, chankeb' re.