Jeremías 25:6 - Q'eqchi Bible

⁶ Mixik eech'ool chirixeb' li jalanil yos, meeloq'oni chik chi moko chexk'anjelaq chiruheb'; meechiq' xjosq'il li Qaawa' rik'in li xyiib'ahom leeruq', chi jo'kan maajun rahilal tixb'aanu eere», chankeb'.

Li Santil hu

⁶ Me̱lokꞌoniheb li jalanil dios chi moco texcꞌanjelak chiruheb, chi moco te̱ta̱keheb. Me̱chikꞌ injoskꞌil riqꞌuin xlokꞌoninquil li cꞌaꞌru xeyi̱b riqꞌuin le̱ rukꞌ re nak la̱in incꞌaꞌ tinqꞌue raylal saꞌ e̱be̱n,” chanqueb.

Jeremías 25:6 ပူးပေါင်းရင်းမြစ်များ

Deuteronomio 8:19

Ab'anan wi taasachq sa' laach'ool li Qaawa' laaYos, wi tatxik chirixeb' li jalanil yos, wi taaloq'oni ruheb' ut taawiq'ib' aawib' chiruheb', laa'in ninch'olob' chawu anaqwan naq tex'oso'q chi junajwa.

Jeremías 35:15

Xink'e inch'ool chi xtaqlankil chaq eerik'in eb' linpropeet, laj k'anjeleb' chiwu, re xyeeb'al eere: Kanab'omaq li jo'maajo'il wank, chaab'ilob'resiiq leeyu'am ut meeloq'oni chik ru eb' li jalanil yos chi moko texk'anjelaq chiruheb'. Chi jo'kan wanqex sa' li na'ajej a'in ink'ehom eere laa'ex ut reheb' ajwi' leexe'toonil yuwa'. Ab'anan ink'a' xineepaab' chi moko xeraj wab'inkil.

Jeremías 7:6

wi ink'a' chik teerahob'tesi li jalaneb' xtenamit, eb' li neb'a'yox ut eb' li xmalka'an, chi moko teekamsiheb' chik leeras eeriitz'in li maak'a'eb' xmaak, sa' li na'ajej a'in; wi ink'a' chik teeloq'oni ruheb' li jalanil yos li yookex wi' xsik'b'al li rahilal sa' eeb'een,

2 Reyes 17:35

Naq li Qaawa' kixk'ojob' li sumwank rik'ineb', kixye reheb': “Ink'a' teeloq'oni ru eb' li jalanil yos; meewiq'ib' eerib' chiruheb', chi moko texk'anjelaq ut texmayejaq chiruheb'.

Deuteronomio 6:14

Maataaqe eb' li jalanil yos, eb' li xyoseb' li tenamit wankeb' chasutam,

Jeremías 7:9

Nekex'elq'ak, nekekamsi leeras eeriitz'in, nekexmuxuk sumlaak, nekexyehok jurament sa' tik'ti', nekexmayejak chiruheb' laj Bahal ut nekeloq'oni ruheb' li yos ink'a' eenawomeb' ru.

1 Reyes 14:22

Eb' laj Judá ke'xb'aanu li ink'a' nawulak chiru li Qaawa'; ut q'axal wi' chik ke'xchiq' xjosq'il li Qaawa' chiru li maak ke'xb'aanu li xna' xyuwa'eb',

Josué 24:20

Wi laa'ex teekanab' li Qaawa' re k'anjelak chiruheb' li jalanil yos, li Qaawa' tixtaqla chaq rahilal sa' eeb'een ut tixsach eeru, us ta ak xb'aanu naab'al usilal eere”, chan.

Deuteronomio 28:14

wi ink'a' taajach aawib' rik'ineb' li aatin nakatintaqla wi' anaqwan, chi moko sa' aaseeb'al chi moko sa' aatz'e. Matxik chirixeb' li jalanil yos re xk'anjelankil ruheb'.

Deuteronomio 13:2

Wi taak'ulmanq li k'aru xyehom ut tixye ajwi': «Yo'qeb' chirixeb' li yos toj maji' aanawom ruheb', yo'qeb' chi xloq'oninkileb' ru», cha'aq,

Éxodo 20:23

Meeyiib' eeyos rik'in plaat malaj oor; meeyiib' chi junajwa. Ka'ajwi' laa'in tineeloq'oni.

Éxodo 20:3

“Miwank jalan chik aayos chiwu laa'in.

Jeremías 44:8

K'a'ut naq nikineemajewa rik'in li k'aru nekeb'aanu, naq nekemayeja li k'ajpom chiruheb' li jalanil yos arin Ejiipt, b'arwi' kexchalk chi na'ajunk, yal re naq tinsach eeru ut tz'eqtaananb'ilaqex ut xutaanalaqex cho'q reheb' chixjunil li tenamit sa' ruuchich'och'?

Oseas 1:7

Ab'anan twil xtoq'ob'aal ru eb' laj Judá ut tinkoleb': maawa' rik'in simaj malaj q'esnal ch'iich', rik'in yalok malaj kawaay, chi moko rik'ineb' li neke'xik chirixeb' kawaay, sa' ink'ab'a' b'an laa'in li Qaawa', li xYoseb'”.

Jeremías 32:30

Chalen chaq sa' xtiklajik, eb' laj Israel jo'wi' eb' laj Judá junes maa'usilal neke'xb'aanu; eb' li ralal xk'ajol laj Israel junes xyoob'ankil injosq'il neke'xb'aanu rik'in xyiib'ankil li xjalanil yoseb' -chan li Qaawa'-.

Jeremías 44:7

«Jo'kan utan, laa'in li Nimajwal Yos, li xYos laj Israel, ninye chi jo'ka'in: K'a'ut naq nekeb'oq li nimla rahilal a'in sa' eeb'een? K'a'ut naq nekek'e chi kamk chixjunileb' laj Judá, eb' li winq ut eb' li ixq, eb' li saaj al ut eb' li k'uula'al, toj reetal naq maajun chik eere tkanaaq?