Jeremías 25:34 - Q'eqchi Bible

³⁴ Ex xjolomileb' li tenamit, japomaq eere chi yaab'ak! Ex aj k'aak'alenel ketomq, tolk'osiiq eerib' sa' pojtz' xb'aan xmay li rahilal, xb'aan naq xwulak xq'ehil li raqb'a aatin sa' eeb'een ut texkamsiiq jo'qex li karneer ninqeb' xtib'el.

Li Santil hu

³⁴ La̱ex li nequeꞌcꞌamoc be chiruheb lin tenamit chexya̱bak. Chexya̱bak ut chetolcꞌosi e̱rib saꞌ li poks retalil li xrahil e̱chꞌo̱l xban nak cuulac re xkꞌehil nak texcamsi̱k. Chanchanakex chic li cha̱bil secꞌ li quijoreꞌ.

Jeremías 25:34 ပူးပေါင်းရင်းမြစ်များ

Jeremías 6:26

Ex intenamit, b'atomaq eerib' sa' q'es ruhil t'ikr ut tolk'osiiq eerib' sa' li cha. Japomaq eere chi yaab'ak, tz'uyinqex chi q'axal ra sa' leech'ool, jo' na'uxk tz'uyink chirix li alab'ej junaj chirib'il, xb'aan naq ak chi seeb' chaq li taasachoq qe.

Amós 5:11

Laa'ex nekerahob'tesi li neb'a' ut nekepatz' re li toj chirix li triiw. Jo'kan naq ink'a' texwanq sa'eb' li ochoch xeyiib' rik'in pek tuqub'anb'il ru chi us, chi moko teeruk' xya'al li uub' xeraw chi chaab'il.

Daniel 11:8

Tixk'am Ejiipt eb' li xyos, eb' li xjalam u ut li k'a'aq re ru yiib'anb'il rik'in oor ut plaat, ut ink'a' najt te'wanq sa' tuqtuukil usilal.

Ezequiel 34:20

Jo'kan naq laa'in, li Qaawa', ninye chi jo'ka'in: Tinraq aatin sa' xyanqeb' li karneer ninqeb' xtib'el ut li b'aqeb'.

Lamentaciones 4:21

Saho'qat ut se'en, at tenamit Edom, laa'at li wankat sa' xteepal Us! Laa'at ajwi' taawuk' xsa' li xsek' li raqb'a aatin: tatkalaaq ut tatkanaaq chi t'ust'u.

Jeremías 50:27

Kamsihomaq chixjunileb' laj puub' ut sachomaq ruheb' jo'eb' li wakax. Rahilal xchalk sa' xb'eeneb' xb'aan naq xwulak xkutankil li xrahob'tesinkileb'.

Jeremías 48:26

Kaltesihomaq eb' laj Mohab, xb'aan naq xe'xq'etq'eti rib' chiru li Qaawa'. Eb' laj Mohab te'xtolk'osi rib' sa'eb' li xxa'aw ut te'se'eeq xb'aan chixjunileb'.

Jeremías 27:7

Chixjunileb' li tenamit wanqeb' rub'el xwankil a'an, jo'wi' rub'el xwankil eb' li ralal xk'ajol ut eb' li ri xmam, toj taawulaq xq'ehil naq li x'awab'ejihom toxwanq ajwi' rub'el xwankileb' li xninqal ru tenamit ut awab'ej li q'axal kaweb' rib'.

Jeremías 25:36

Japjookeb' re chi yaab'ak eb' laj k'aak'alenel karneer, q'axal ra wankeb' laj iloleb' ketomq, xb'aan naq li Qaawa' yo chi xsachb'al chixjunil li raxpim.

Jeremías 25:23

eb' li xteepalileb' laj Dedán, eb' laj Temá, eb' laj Bus ut chixjunileb' li neke'xjo li xjolomeb';

Jeremías 25:12

Ut naq akaq xnume'k li lajeeb' xkaak'aal chihab' a'an, laa'in tinraqoq aatin sa' xb'een li awab'ej re Babilonia jo'wi' sa' xb'een li xtenamit xb'aan li xmaakeb'. Jo'kan ajwi' tinb'aanu reheb' laj Kaldeha, ut po'lem teb'inkanab' chi junwaakaj -chan li Qaawa'-.

Jeremías 22:28

Ma jo' tab'i' junaq jorol kuk li maak'a' na'ok wi' laj Jekonías, jo' junaq q'eel k'anjelob'aal li maajun na'ajok re? K'a'ut naq xe'aanilasiik a'an, rochb'eeneb' li ralal xk'ajol, sa' jun tenamit li ink'a' xnawomeb' ru?

Jeremías 3:19

“Laa'in kinye sa' inch'ool: «Relik chi yaal naq jo'kaqat li walal ut tink'e chaweechani jun ch'ina'usil na'ajej, a' li tenamit q'axal ch'ina'us sa' xyanqeb' chixjunil li na'ajej sa' ruuchich'och'». Ut kinye ajwi' sa' inch'ool: «At inyuwa', cha'qat we; maajoq'e raj chik tatnajto'q wik'in».

Isaías 34:6

Oso'jenaq li xq'esnal ch'iich' li Qaawa' sa' kik' ut xeeb', kama' naq neke'kamsiik eb' li karneer ut li chib'aat sa' xhonalil li mayejak. Li Qaawa' taamayejaq aran Bosrá, ut taawanq nimla kamsink sa' xteepal Edom.

Isaías 33:1

Rahilal chaalel sa' aab'een, at aj rahob'tesinel toj maji' rahob'tesinb'ilat; aj elq'at chi toj maak'a' na'elq'aak aawe! Naq tatraqe'q chi rahob'tesink ut chi elq'ak, tatrahob'tesiiq ajwi' laa'at ut taa'elq'aaq li k'aru aawe.

Isaías 30:14

Texsache'q jo' naq najormank junaq ch'och' sek' li na'oso'k chi junajwa; ut maak'a' chik nakanaak cho'q re xokok ru xam chi moko re raj lekok ha' sa' junaq kuk”.

Isaías 10:12

Naq akaq xraqe'k li Qaawa' chi xb'aanunkil li xk'anjel sa' li tzuul Sión ut Jerusalén, tixrahob'tesi li awab'ej re Asiria xb'aan li xq'etq'etil ut li xnimob'resinkil rib'.

Isaías 2:16

sa' xb'eeneb' li jukub' re Tarsis ut sa' xb'een chixjunileb' li jukub' neke'k'amok chaab'il eechej.

Salmos 2:9

Taajuk'eb' rik'in b'aar ch'iich', taamuch'iheb' jo' junaq pak'b'il sek'”, chan we.

2 Crónicas 36:10

Sa' li saq'ehil re li chihab' a'an, laj Nabukodonosor kixtaqla chaq xchapb'al laj Johakín re xk'amb'al Babilonia, rochb'een li k'a'aq re ru q'axal loq' re li rochoch li Qaawa', ut kixxaqab' laj Sedesías, rech'alal laj Johakín, cho'q awab'ej re Judá ut Jerusalén.

Santiago 5:5

Sa naq kexwank sa' ruuchich'och' chi xb'aanunkil li jo'maajo'il na'leb': kech'oolani eerib' chi us cho'q re xkutankil li xnimal kamsink!

Isaías 34:7

Cho'q ruuchileb' li xninqal xul te'kamsiiq eb' li tenamit; jo' ruuchileb' li teelom wakax te'oso'q li jwal kaweb' rib'. Toja' naq li xna'ajeb' taanujaq chi kik', ut taaxeeb'o'q li pojtz'.

Jeremías 18:22

Chi'ab'imanq li japok e sa' rochocheb' naq te'chalq sa' junpaat jun teep chi aj elq' sa' xb'eeneb'. Xb'aan naq xe'xpik li jul re inmuqb'al ut xe'xk'e jun k'aam rub'el woq re inra'lenkil.

Jeremías 48:38

“Sa' xb'eeneb' li kab'l ut sa'atqeb' li b'e re Mohab junes yaab'ak na'ab'imank, xb'aan naq kok'putz' xinkanab' Mohab jo' junaq ch'och'uk'al li maak'a' na'ok wi'”, chan li Qaawa'.

Oseas 8:8

“Xsache'k xwankil laj Israel, chanchan naq xnuq'e'k lintenamit. Ut anaqwan wank sa' xyanqeb' laj ab'l tenamit, kama' junaq sek' li maak'a' chik xk'anjel.

Zacarías 10:3

Xyehom li Qaawa': “K'ajo' injosq'il sa' xb'eeneb' laj k'aak'alehom re lintenamit: tinrahob'tesiheb' li q'etq'et aj k'amol b'e. Naq li Nimajwal Yos tolrula'ani eb' li xkarneer, a'eb' li ralal xk'ajol laj Judá, tixkawresiheb' chi us ut tixk'eheb' xkawilal: jo'aqeb' chik li kawaay jwal kaweb' rib' re yalok.

Zacarías 11:3

Eb' laj ilol ketomq yookeb' chi yaab'ak, xb'aan naq maak'a' chik li pach'aya' li kaw wi' xch'ooleb'. Na'ab'imank xyaab'eb' li kaqkoj, xb'aan naq x'oso'k li raxpim chire li nima' Jordán.

Jeremías 23:1

“Ra chaalel sa' xb'eeneb' li neke'kanab'ank chi sachk ut chi cha'cha'inb'ileb' linkarneer”, chan li Qaawa'.