Jeremías 25:25 - Q'eqchi Bible

²⁵ chixjunileb' li awab'ej re Simrí, eb' li awab'ej re Elam ut chixjunileb' laj Media;

Li Santil hu

²⁵ Ut teꞌcꞌuluk ajcuiꞌ raylal chixjunileb li rey li cuanqueb Zimri ut eb li cuanqueb Elam ut eb li cuanqueb Media,

Jeremías 25:25 ပူးပေါင်းရင်းမြစ်များ

Isaías 11:11

Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Génesis 10:22

Eb' li ralal xk'ajol laj Sem a'aneb' a'in: laj Elam, laj Asur, laj Arpaxad, laj Lud ut laj Aram.

Jeremías 51:28

B'oqomaqeb' li tenamit chi yalok rik'ineb' laj Babilonia; kawresihomaq li awab'ej re Media, eb' laj jolominel ut li xninqaleb' ru winq, jo' ajwi' chixjunileb' li na'ajej wankeb' rub'el xwankileb'”.

Jeremías 51:11

Q'esnaaq ru'uj leesimaj ut kawresihomaq leech'iich' li nekekol wi' re leech'ool. Li Qaawa' xtoch' chaq li xch'ooleb' li awab'ej re Media re naq te'chalq chi xsachb'al ru Babilonia. A'an a'in li reeqaj tixb'aanu li Qaawa' naq ke'xjuk' li xsantil ochoch.

Isaías 13:17

Tinchiq' xjosq'ileb' laj Media chi yalok rik'ineb'; eb' a'an ink'a' naxik xch'ooleb' chirix li tumin chi moko neke'xrahi ru li oor.

Daniel 8:2

Kinmatk'e naq wankin aran Susa, li xnimal tenamit sa' xteepal Elam, chire li nima' Ulay.

Daniel 5:28

Parsín naraj naxye, ak jachb'il chik ru laa'awab'ejihom ut xk'eemank reheb' laj Media ut eb' laj Persia”, chan laj Daniel.

Ezequiel 32:24

“Arin ajwi' wank Elam, rochb'een chixjunileb' laj puub', chi xsutam li xmuqleb'aal. Chixjunileb' a'an xe'kamk chaq sa' li raaxiik', chixjunileb' xe'kamsiik chaq chi ch'iich' ut xe'muqe'k sa' xna'ajeb' li kamenaq, chi ink'a' xe'xpaab' li Yos. Xe'roksi xxiweb' li yo'yookeb', ab'an anaqwan wankeb' chi maak'a'eb' xloq'al, sa' xyanqeb' li xe'q'ajk xe'sutq'iik.

Isaías 22:6

Eb' laj Elam xe'xkawresi xna'aj li xsimajeb', eb' laj Aram xkoheb' chirix kawaay ut eb' laj Kir xe'risi chaq li xkolb'al rib'eb'.

Génesis 25:2

Ut a'an kiwank xkok'al: laj Simrán, laj Joksán, laj Medán, laj Madián, laj Isbak ut laj Súaj.

Génesis 14:1

Sa'eb' li kutan a'an laj Amrafel, awab'ej re Senahar, laj Aryok, awab'ej re Elasar, laj Kedorlahomer, awab'ej re Elam, ut laj Tidal, awab'ej re Koyim,

Hechos 2:9

Wankeb' sa' qayanq aj Paart, aj Media, aj Elam, aj Mesopotamia, aj Judea, aj Kapadocia, aj Ponto, aj Asia,

Isaías 21:2

Q'axal xiwajel rilb'al li moy u xk'utb'esiik chiwu: laj b'alaq' naxyal xq'e chi b'alaq'ik ut laj sachonel yo chi sachok. Ayuqex chi yalok, ex aj Elam! Sutomaq li tenamit, ex aj Media! Maak'a' chik ilok toq'ob'aal u anaqwan.