Jeremías 25:20 - Q'eqchi Bible

²⁰ Kink'e ajwi' reheb' chixjunil li k'iila paay chi poyanam wankeb' aran; kink'e reheb' chixjunil li awab'ej sa' xteepal Us, ut chixjunileb' li wankeb' sa' xsutam Filistea: sa' li tenamit Askalón, Gasa, Ekrón ut Asdod;

Li Santil hu

²⁰ Teꞌcꞌuluk ajcuiꞌ raylal eb li jalaneb xtenamit li cuanqueb aran; chixjunileb lix reyeb laj Uz; chixjunileb lix reyeb laj Filistea li cuanqueb saꞌ eb li tenamit Ascalón, Gaza, Ecrón ut li joꞌ qꞌuial chic queꞌcana chi yoꞌyo aran Asdod;

Jeremías 25:20 ပူးပေါင်းရင်းမြစ်များ

Li xHu LAJ JOB 1:1

Sa' li tenamit Us kiwank jun li winq aj Job xk'ab'a', tiik xch'ool ut chaab'il xk'a'uxl: naroxloq'i li Yos ut naxtz'eqtaana li ink'a' us.

Ezequiel 30:5

Te'kamsiiq rik'in q'esnal ch'iich' eb' laj puub' aj Etiopía, aj Put, aj Lut, chixjunileb' laj Arabia ut eb' laj Kub, jo' ajwi' jo'k'ihaleb' li neke'okenk chirix Ejiipt.

Lamentaciones 4:21

Saho'qat ut se'en, at tenamit Edom, laa'at li wankat sa' xteepal Us! Laa'at ajwi' taawuk' xsa' li xsek' li raqb'a aatin: tatkalaaq ut tatkanaaq chi t'ust'u.

Jeremías 50:37

Kamsihomaqeb' li kawaay ut juk'umaqeb' li b'eleb'aal ch'iich'; chisachmanq ruheb' li tojb'ileb' chi yalok ut che'yopirq jo'eb' li ixq. Chiweqmanq ut chi'elq'aaq li xb'ihomaleb'.

Isaías 20:1

Sa' jun kutan laj Sargón, awab'ej re Asiria, kixtaqla li xjolomileb' laj puub' aran Asdod, ut a'an kiyalok rik'in li tenamit ut kireechani.

Jeremías 25:24

chixjunileb' li awab'ej re Arabia ut eb' li neke'taqlank sa' xb'eeneb' li k'iila paay chi tenamit li wankeb' chaq sa' li chaqich'och';

Éxodo 12:38

Ke'elk ajwi' rochb'eeneb' naab'al chik tenamit ut k'ajo' xk'ihaleb' li karneer ut li wakax.

1 Crónicas 1:17

Eb' li ralal xk'ajol laj Sem a'aneb' a'in: laj Elam, laj Asur, laj Arpaxad, laj Lud ut laj Aram. Eb' li ralal xk'ajol laj Aram a'aneb' a'in: laj Us, laj Hul, laj Kéter ut laj Mesek.

1 Samuel 6:17

A'aneb' a'in li oob' chi saqijoj yiib'anb'ileb' rik'in oor li ke'yeechi'iik chiru li Qaawa' xb'aaneb' laj Filistea re xtojb'al rix li xmaakeb': jun sa' xk'ab'a'eb' laj Asdod, jun sa' xk'ab'a'eb' laj Gasa, jun sa' xk'ab'a'eb' laj Askalón, jun sa' xk'ab'a'eb' laj Gat ut li jun chik sa' xk'ab'a'eb' laj Ekrón.

Génesis 22:21

laj Us, xb'een alalb'ej; laj Bus, riitz'in a'an, ut laj Kemuel, li xyuwa' laj Aram;

Génesis 10:23

Eb' li ralal xk'ajol laj Aram a'aneb' a'in: laj Us, laj Hul, laj Kéter ut laj Mas.

Jueces 1:18

Eb' laj Judá ke'reechani Gasa ut li xsutam, Askalón ut li xsutam, Ekrón ut li xsutam.

Jeremías 27:3

Chirix chik a'an taqla li esil a'in rik'ineb' li awab'ej re Edom, re Mohab, re Amón, jo' ajwi' re Tiro ut Sidón. Taqla xyeeb'al reheb' chirixeb' li taql li xe'k'ulunk Jerusalén chi rula'aninkil laj Sedesías, li awab'ej re Judá,