Jeremías 25:12 - Q'eqchi Bible

¹² Ut naq akaq xnume'k li lajeeb' xkaak'aal chihab' a'an, laa'in tinraqoq aatin sa' xb'een li awab'ej re Babilonia jo'wi' sa' xb'een li xtenamit xb'aan li xmaakeb'. Jo'kan ajwi' tinb'aanu reheb' laj Kaldeha, ut po'lem teb'inkanab' chi junwaakaj -chan li Qaawa'-.

Li Santil hu

¹² Abanan nak acak xnumeꞌ li laje̱b xca̱cꞌa̱l chihab, la̱in tinqꞌue lix reyeb laj Babilonia chixtojbal lix ma̱c, joꞌ eb ajcuiꞌ li tenamit. La̱in tincanab lix naꞌajeb chi ma̱cꞌaꞌ cuan chi saꞌ chi junelic, chan li Dios.

Jeremías 25:12 ပူးပေါင်းရင်းမြစ်များ

Daniel 9:2

laa'in laj Daniel kin'ok chi xtz'ilinkil rix li lajeeb' xkaak'aal chihab' taawanq wi' chi juk'b'il ru li tenamit Jerusalén, jo' kiyehe'k re laj Jeremías xb'aan li Yos.

Isaías 13:19

Ut Babilonia, li ch'ina'us sa' xyanqeb' li tenamit, li xloq'al eb' laj Kaldeha ut li tenamit neke'xnimob'resi wi' rib', taakanaaq jo' Sodoom ut Gomoor li kinsacheb' ru.

Jeremías 29:10

“Xb'aan naq jo'ka'in xye li Qaawa': «Ka'ajwi' taaraqe'q li lajeeb' xkaak'aal chihab' leewanjik rub'el xwankileb' laj Babilonia, laa'in texwula'ani ut tinb'aanu li kinyeechi'i eere, naq texsutq'iiq chaq wi' chik sa' li na'ajej a'in.

Isaías 14:23

Tinsutq'isi li tenamit a'an cho'q xna'ajeb' li warom ut saab' ha'. Ut chanchan mesunb'il tinkanab' li na'ajej naq tinsach ru”, chan li Nimajwal Yos.

Ezequiel 35:9

Nakirirnak tatinkanab' chi junajwa, ut maajun chik taawanq sa'eb' laatenamit. Toja' naq taanawmanq naq laa'in li Qaawa'.

Jeremías 25:14

Xb'aan naq eb' laj Babilonia te'wanq rub'el xwankileb' li xninqal ru tenamit ut eb' li awab'ej jwal kaweb' rib'. Ut laa'in tink'eheb' chi xtojb'al rix li xmaakeb' jo' chanru li xyehom ut xb'aanuhomeb'»”.

Jeremías 23:2

Jo'ka'in kixye li Qaawa', li xYos laj Israel, chirixeb' li neke'ilok re li xtenamit: “Laa'ex xexcha'cha'ink reheb' linkarneer, xek'eheb' chi elelik ut ink'a' xerileb'. Jo'kan naq laa'in texink'e chi xtojb'al rix leemaak -chan li Qaawa'-.

Isaías 46:1

Li yos Bel ut li yos Nebo neke'tuuyank ut xe't'ane'k chiru ch'och'. Eb' li yos a'in neke'iiqaak xb'aaneb' li b'uur; k'amb'ileb' jo'eb' li iiq chirixeb' li tawajenaqeb' xul.

Isaías 20:1

Sa' jun kutan laj Sargón, awab'ej re Asiria, kixtaqla li xjolomileb' laj puub' aran Asdod, ut a'an kiyalok rik'in li tenamit ut kireechani.

Isaías 15:6

Xchaqik li ha' li wank Nimrín, joxk' aj chik li ch'och' ut xchaqik li pim: maab'ar chik natawmank li raxpim.

2 Reyes 24:1

Sa'eb' li kutan naq laj Johakín wank chi awab'ejil, laj Nabukodonosor, awab'ej re Babilonia, koho chi yalok rik'in, ut laj Johakín kiwank oxib' chihab' rub'el xwankil laj Nabukodonosor. Chirix chik a'an kixq'etq'eti rib' chiru.

2 Crónicas 36:22

Sa' li xb'een chihab' rokik laj Siro cho'q awab'ej re Persia, re naq taatz'aqloq ru li raatin li Yos kixye chi xtz'uumal re laj Jeremías, li Qaawa' kixtoch' xch'ool laj Siro, awab'ej re Persia, re naq tixtaqla xpuktesinkil li chaq'rab' a'in chi yeeb'il ut chi tz'iib'anb'il, sa' chixjunileb' li na'ajej wankatqeb' rub'el li xwankil:

Salmos 137:8

At Babilonia aj juk'unelat, us xaq re li taa'eeqajunq aawe li rahilal qak'ulum aab'aan;

Isaías 33:1

Rahilal chaalel sa' aab'een, at aj rahob'tesinel toj maji' rahob'tesinb'ilat; aj elq'at chi toj maak'a' na'elq'aak aawe! Naq tatraqe'q chi rahob'tesink ut chi elq'ak, tatrahob'tesiiq ajwi' laa'at ut taa'elq'aaq li k'aru aawe.

Jeremías 27:7

Chixjunileb' li tenamit wanqeb' rub'el xwankil a'an, jo'wi' rub'el xwankil eb' li ralal xk'ajol ut eb' li ri xmam, toj taawulaq xq'ehil naq li x'awab'ejihom toxwanq ajwi' rub'el xwankileb' li xninqal ru tenamit ut awab'ej li q'axal kaweb' rib'.

Jeremías 27:22

«Chixjunil a'in taak'ame'q Babilonia ut aran tkanaaq chaq, toj reetal naq laa'in twaj xk'amb'al chaq wi' chik», chan li Qaawa'”.

Habacuc 1:17

Ma toj yooqeb' laj Kaldeha chi xchapb'aleb' li tenamit ut yooqeb' chi kamsink poyanam chi ink'a' neke'ril xtoq'ob'aal ruheb'?