Jeremías 25:10 - Q'eqchi Bible

¹⁰ Ink'a' chik taa'ab'imanq li ninq'ehik sa' xyanqeb', chi moko li sahil ch'oolejil ut li b'ichank re li sumlaak; ink'a' chik taa'ab'iiq xyaab' li ke'leb' ut maak'a'aq chik li xsaqenkil li xam.

Li Santil hu

¹⁰ Incꞌaꞌ chic ta̱abima̱nk li bich re sahil chꞌo̱lej. Incꞌaꞌ chic ta̱abima̱nk li bich re sumla̱c, chi moco ta̱abi̱k chic xya̱b li queꞌec, ut incꞌaꞌ chic lochlo̱keb li candil.

Jeremías 25:10 ပူးပေါင်းရင်းမြစ်များ

Jeremías 7:34

Tinsach li sahil ch'oolejil sa'eb' li tenamit re Judá ut sa'eb' li b'e re Jerusalén; ink'a' chik taa'ab'iiq li b'ichank na'uxk sa' xkutankil li sumlaak. Xb'aan naq nakirirnak taakanaaq chixjunil li na'ajej”.

Ezequiel 26:13

Chi jo'kan tinraq li xsahil laach'ool ut ink'a' chik taa'ab'imanq xyaab' laa'aarp.

Jeremías 16:9

Xb'aan naq jo'ka'in ninye laa'in, li Nimajwal Yos, li xYos laj Israel: tinsach chixjunil li sahil ch'oolejil sa' li tenamit a'in chiru leeyu'am; maak'a'aq chik ninq'ehik ut b'ichank sa' li sumlaak. Laa'ex teeril rik'in leeru.

Oseas 2:11

Tinsach chixjunil li nasaho'k wi' xch'ool, a' li utz'uk, li xninq'ehinkil li xtiklajik li po, li hilob'aal kutan jo'wi' chixjunileb' li ninq'e.

Ester 8:11

Sa'eb' li hu a'an li awab'ej kixye reheb' laj Judiiy naq truuq te'xch'utub' rib' sa' chixjunileb' li tenamit b'arwi' wankeb', re xkolb'aleb' rib' chiruheb' li xik' neke'ilok reheb', jo' ajwi' re xkamsinkil ut xsachb'al ru chi junajwa chixjunileb' li poyanam ut tenamit li te'yaloq rik'ineb', rochb'eenaqeb' li rixaqileb' ut li xkok'aleb', toj reetal toxe'reechani jo'ch'inal jo'nimal wank reheb'.

Ester 7:4

Xb'aan naq laa'in ut eb' li wech tenamitul xook'ayiik re qatawasinkil, qakamsinkil ut qasachb'al chi junajwa. Wi yal ta xook'ayiik cho'q aj mun, maak'a' raj tinye aawe. Ink'a' raj xatinch'i'ch'i'i rik'in junaq k'a'aq re ru li moko nim ta ch'a'ajkilal tixk'am chaq sa' aab'een”.

Ester 3:13

ut ke'taqlaje'k chirixeb' li taql sa' chixjunil li tenamit wankeb' sa' li awab'ejihom. Sa' li hu tz'iib'anb'il reetalil naq te'sache'q chixjunileb' laj Judiiy, a' yaal ma saajeb', malaj cheekel poyanameb', kok'al malaj ixqeb'; ut taa'eechanimanq li k'a'aq re ru reheb' sa' jun chi kutan, sa' li kab'laju xb'e li xkab'laju pohil li chihab', a'an li po Adar.

Isaías 47:2

Chap li ka' ut ke'en k'aj. Isi li t'ikr tz'aptz'o wi' laawu, moch laawaq', t'usub' laawa' ut numen junpak'al li ha'.

Jeremías 48:33

Maak'a' chik li b'ichank ut li sahil ch'oolejil sa'eb' li k'aleb'aal re Mohab. Xlajk li b'iin sa'eb' li k'uuleb'aal, maajun chik nayatz'ok re li uub', ut maak'a' chik li b'ichank xb'aan li sahil ch'oolej.

Lamentaciones 5:15

Maak'a' chik xsahil qach'ool; yaab'ak chik xkanaak wi' li qason.