Jeremías 25:1 - Q'eqchi Bible

¹ Ak kaahib' chihab' rokik chi awab'ejink laj Johakín, ralal laj Josías, sa' xb'eeneb' laj Judá, ki'aatinak li Qaawa' rik'in laj Jeremías chirix li te'xk'ul eb' laj Judá. A'an kik'ulmank sa' li xb'een chihab' chi awab'ejink laj Nabukodonosor aran Babilonia.

Li Santil hu

¹ Nak ac yo̱ xca̱ chihab roquic chokꞌ xreyeb laj Judá laj Joacim li ralal laj Josías, li Ka̱cuaꞌ quia̱tinac riqꞌuin laj Jeremías chirixeb chixjunileb laj Judá. Aꞌin quicꞌulman saꞌ li xbe̱n chihab nak laj Nabucodonosor cuan chokꞌ xreyeb laj Babilonia.

Jeremías 25:1 ပူးပေါင်းရင်းမြစ်များ

Jeremías 36:1

Ak yo xka chihab' chi awab'ejink laj Johakín, ralal laj Josías, awab'ej re Judá, li Qaawa' kiraatina laj Jeremías ut kixye re:

Daniel 1:1

Sa' rox chihab' rokik chi awab'ejink laj Johakín aran Judá, laj Nabukodonosor, li awab'ej re Babilonia, kiwulak sa' li tenamit Jerusalén ut kixsut rix.

Jeremías 46:2

Jo'ka'in kixye chirix Ejiipt ut chirixeb' li xsoldaad laj Parahón Nekao xk'ab'a', li awab'ej re Ejiipt. Sa'eb' li kutan a'an li awab'ej re Babilonia kixq'ax ru laj Nekao aran Karkemix, chire li nima' Éwfrates, naq ak kaahib' chihab' rokik chi awab'ejink laj Johakín, ralal laj Josías, sa' xb'eeneb' laj Judá:

2 Crónicas 36:4

Li awab'ej re Ejiipt kixxaqab' laj Eliakín, riitz'in laj Johakás, cho'q awab'ej re Judá ut Jerusalén, ut aj Johakín chik kixk'e cho'q xk'ab'a'. Ut laj Johakás li asb'ej kik'ame'k xb'aan laj Nekó aran Ejiipt.

2 Crónicas 36:6

Laj Nabukodonosor, li awab'ej re Babilonia, koho chi yalok rik'in, kixb'ak' chi kareen q'anch'iich' ut kixk'am Babilonia.

Jeremías 1:3

Ki'aatinaak wi' chik naq laj Johakín, ralal laj Josías, kiwank cho'q awab'ej re Judá, junlaju chihab'aq rokik chi taqlank laj Sedesías, ralal laj Josías, sa' xb'eeneb' laj Judá, naraj naxye toj sa' ro' li po re li chihab' a'an, naq eb' laj Jerusalén ke'k'ame'k aran Babilonia.

Jeremías 32:1

Li Qaawa' kiraatina laj Jeremías naq ak lajeeb' chihab' rokik chi awab'ejink laj Sedesías aran Judá, ut ak waqxaqlaju xka'k'aal chihab' rokik chi awab'ejink laj Nabukodonosor.

Jeremías 45:1

A'an a'in li aatin kixye laj Jeremías re laj Baruk, ralal laj Nerías, naq a'in kixtz'iib'a sa' li b'otb'ookil hu chixjunil li kiyehe'k re, sa' li xka chihab' chi awab'ejink laj Johakín, ralal laj Josías, ut awab'ej re Judá:

Daniel 1:2

Li Qaawa' kixq'axtesi laj Johakín, li awab'ej re Judá, sa' ruq' laj Nabukodonosor re naq taak'ame'q Senahar. Jo'kan ajwi' ki'uxmank reheb' li loq'laj sek' li neke'k'anjelak sa' rochoch li Yos: ke'k'ame'k ut ke'k'eemank sa' xyanq li xb'ihomal li rochoch li xyoseb' laj Babilonia.

Jeremías 7:1

Li Qaawa' kiraatina laj Jeremías ut kixye re:

Jeremías 35:1

Naq laj Johakín, ralal laj Josías, toj wan chaq chi awab'ejil aran Judá, li Qaawa' kiraatina laj Jeremías ut kixye re:

Daniel 2:1

Ak wiib' chihab' rokik chi awab'ejink laj Nabukodonosor, kiwank jun xmatk' li jwal kik'ehok xk'a'uxl, toj reetal ink'a' chik sa nawark xb'aan.