Jeremías 24:6 - Q'eqchi Bible

⁶ Twileb' chi chaab'il, tink'ameb' chaq wi' chik sa' li xch'och'eb' ut tink'eheb' chi wakliik re naq ink'a' chik te'juk'e'q li xwankil; te'k'ojlaaq wi' chik sa' li xtenamiteb' ut ink'a' chik twisiheb' chisa'.

Li Santil hu

⁶ La̱in tin-ilok reheb ut tincꞌameb cuiꞌchic chak arin saꞌ lix naꞌajeb. Tintenkꞌaheb ut incꞌaꞌ tinsacheb. Tebinqꞌue cuiꞌchic saꞌ lix naꞌajeb ut incꞌaꞌ chic tincuisiheb.

Jeremías 24:6 ပူးပေါင်းရင်းမြစ်များ

Jeremías 42:10

«Wi laa'ex texkanaaq sa' li na'ajej a'in, laa'in tinwaklesi eech'ool ut ink'a' texinrahob'tesi; texink'ojob' sa' leena'aj ut ink'a' chik texinjuk', xb'aan naq naraho'k linch'ool chirix li rahilal xinb'aanu eere.

Jeremías 29:10

“Xb'aan naq jo'ka'in xye li Qaawa': «Ka'ajwi' taaraqe'q li lajeeb' xkaak'aal chihab' leewanjik rub'el xwankileb' laj Babilonia, laa'in texwula'ani ut tinb'aanu li kinyeechi'i eere, naq texsutq'iiq chaq wi' chik sa' li na'ajej a'in.

Jeremías 33:7

Tinsutq'isiheb' chaq eb' laj Judá ut eb' laj Israel sa' li xna'ajeb' ut tink'ojob'eb' wi' chik sa' li xtenamiteb' re naq te'wanq jo' naq ke'wank chaq junxil.

Jeremías 32:41

Taasaho'q li waanm chi xb'aanunkil li usilal reheb', ut tink'eheb' chi na'ajunk chi junwaakaj sa' li na'ajej a'in, chi anchal linch'ool ut chi anchal li waanm”.

Jeremías 12:15

Ab'anan naq akaq xinsacheb' ru, tinsutq'iiq chaq ut tintoq'ob'a ruheb', ut tink'ameb' chaq wi' chik sa' li xna'ajeb' ut sa' li xtenamiteb'.

Jeremías 1:10

Chalen anaqwan xink'e aawankil sa' xb'eeneb' li tenamit ut eb' li awab'ej, re mich'ok ut juk'uk, re sachok ut t'anok, re waklesink ut xaqab'ank”, chan.

Jeremías 32:37

Teb'inch'utub' chaq sa' chixjunileb' li na'ajej b'arwi' kincha'cha'iheb' xb'aan linjosq'il ut li xmay linch'ool; tink'ameb' chaq wi' chik sa' li na'ajej a'in ut te'wanq sa' tuqtuukilal.

Salmos 34:15

chawisi aawib' sa' li maa'usilal ut chab'aanu li us, chasik' li tuqtuukilal ut chak'e aach'ool chirix a'an.

1 Pedro 3:12

Xb'aan naq li Qaawa' sa narileb' li tiikeb' xch'ool, ut narab'iheb' naq neke'tijok; ab'anan xik' narileb' li neke'b'aanunk re li maa'usilal”.

Ezequiel 36:24

Laa'in texinch'utub', texwisi chaq sa'eb' li junjunq chi na'ajej ut tenamit, ut texink'am chaq wi' chik sa' leech'och'.

Jeremías 23:3

Laa'in tink'ameb' chaq linkarneer b'arwi' xwaanilasiheb', tinch'utub'eb' ut teb'ink'am chaq wi' chik sa' li xna'ajeb', re naq te'k'iiq ut te'k'ihanq.

Nehemías 5:19

Chirix chik a'an kintijok chi jo'ka'in: “Chinjultiko'q taxaq aawe, at inYos; chinaawosob'tesi sa' xk'ab'a' chixjunil li xinb'aanu cho'q re li tenamit a'in!”.

2 Crónicas 16:9

Xb'aan naq li Qaawa' naxb'eeni chixjunil li ruuchich'och' re xkawub'resinkil xch'ooleb' li yo'ooneb' rik'in. Aamemil xab'aanu wi' a'in. Jo'kan naq chalen anaqwan junelik wanqat sa' raaxiik'”.

Deuteronomio 11:12

Li Qaawa' laaYos na'ilok re li ch'och' a'an; li ru li Qaawa' laaYos wank junelik sa' xb'een, chalen chaq sa' xtiklajik li chihab' toj sa' xraqik.

Jeremías 21:10

Xb'aan naq xink'uub' xrahob'tesinkil li tenamit a'in ut ink'a' chik nawaj rusilankil. Tinq'axtesi sa' ruq' li awab'ej re Babilonia, ut a'an taak'atoq re -chan li Qaawa'-.

Salmos 44:2

At qaYos, rik'in qaxik xqab'i resil ut eb' li qana' qayuwa' xe'xseeraq'i qe k'aru xab'aanu najter q'e kutan, naq toj wankeb' chaq eb' a'an.

Jeremías 16:15

te'xye b'an chik: «Loq'oninb'ilaq li Qaawa' li xk'amok re laj Israel sa' li tenamit wan chaq sa' xjayal releb'l iq' ut sa' chixjunileb' li na'ajej b'arwi' kixcha'cha'iheb'». Laa'in teb'ink'am chaq wi' chik sa' li ch'och' ink'ehom reheb' li xxe'toonil yuwa'eb'.

Jeremías 31:4

Tatinwaklesi wi' chik, a Israel, ut tatk'ojlaaq wi' chik sa' laana'aj. Tatxajoq wi' chik xb'aan xsahil sa' laach'ool, rik'in xyaab' li wajb' ut li tzojtzoj.

Jeremías 31:28

Jo' naq xink'e inch'ool chi sachok, chi juk'uk, chi mich'ok, chi isink ut chi rahob'tesink, jo'kan ajwi' naq yo'oon wanqin chi waklesink ut chi xaqab'ank -chan li Qaawa'-.

Jeremías 33:9

Jerusalén a'anaq li xnimal xsahil linch'ool, a'anaq linloq'al ut linwankil sa' xyanqeb' chixjunil li tenamit sa' ruuchich'och'. Naq eb' a'an te'rab'i resil chixjunil li us tink'am chaq sa' xb'eeneb' laj Jerusalén, ut chixjunil li usilal tinb'aanu reheb', te'xsiksiki rib' ut te'sachq xch'ool”.

Amós 9:14

Toja' naq tink'ameb' chaq wi' chik lintenamit Israel sa' li xna'ajeb'. Te'xyiib' wi' chik eb' li tenamit li ke'juk'mank, ut aran te'wanq; te'awq uub' ut te'uk'aq b'iin; te'awq ut te'xtzeka li ru.

Génesis 44:21

Toja' naq laa'at xaye qe: «K'amomaq chaq re naq twil ru».

Isaías 14:1

Naq li Qaawa' tixtoq'ob'a ru laj Jakob ut tixsik' wi' chik ru laj Israel, tixk'ojob'eb' wi' chik laj Israel sa' li xtenamiteb' ut eb' laj jalanil tenamit te'xjunaji rib' rik'ineb' li ralal xk'ajol laj Jakob.

Isaías 60:21

“Chixjunileb' li wanqeb' sa' laatenamit tiikaqeb' xch'ool ut te'reechani li na'ajej a'in chi junajwa. Laa'in kinyoob'tesink reheb' re naq te'xk'ut linloq'al: chanchaneb' li xtuxm li awimq li kiwaw laa'in.

Jeremías 39:12

“K'am li propeet ut taawil chi us; maab'aanu junaq rahilal re, chab'aanu b'an li k'aru tixye aawe a'an”.