Jeremías 23:6 - Q'eqchi Bible

⁶ Chiru li x'awab'ejihom, eb' laj Judá te'kole'q, ut eb' laj Israel te'wanq sa' tuqtuukilal. A'an a'in li te'xk'e cho'q xk'ab'a': «Li Qaawa' a'an laj kolol qe».

Li Santil hu

⁶ Nak cua̱nk saꞌ xcuanquil, eb laj Judá teꞌcua̱nk chi ma̱cꞌaꞌ chꞌaꞌajquilal. Eb laj Israel teꞌcua̱nk chi cꞌojcꞌo xchꞌo̱leb. Ut li rey aꞌan tixcꞌabaꞌin “Li Ka̱cuaꞌ aj qꞌuehol ti̱quilal”.

Jeremías 23:6 ပူးပေါင်းရင်းမြစ်များ

1 Corintios 1:30

Yal xb'aan rusilal li Yos naq wankex rik'in li Kristo Jesus: a'in kixaqab'aak xb'aan li Yos cho'q aj k'ehol qana'leb', cho'q xyo'leb'aal li tiikil ch'oolej jo'wi' xyo'leb'aal li santob'resink ut li kolb'a ib',

Jeremías 33:16

Chiruheb' li kutan a'an, eb' laj Judá te'kole'q, ut eb' laj Israel te'wanq sa' tuqtuukilal. A'an a'in li te'xk'e cho'q xk'ab'a' Jerusalén: «Li Qaawa' a'an laj kolol qe».

Filipenses 3:9

ut tintawe'q rik'in, maawa' rik'in xtiikilal linch'ool li nachalk rik'in li Chaq'rab', rik'in b'an li nawank sa' xk'ab'a' xpaab'ankil li Kriist, a' li nachalk rik'in li Yos xb'aan li paab'aal.

Romanos 3:22

Sa' xk'ab'a' xpaab'ankil li Jesukriist, li Yos naxtiikob'resi xch'ooleb' chixjunileb' li neke'paab'ank re, xb'aan naq juntaq'eet narileb' chixjunil:

2 Corintios 5:21

Li Kriist ink'a' xnawom ru li maak, ut A'an kik'ehe'k cho'q maak xb'aan li Yos sa' qak'ab'a', re naq sa' xk'ab'a' li Kriist toowanq sa' li tiikil ch'oolej nachalk rik'in li Yos.

Daniel 9:24

«Ak xaqxo lajeeb' xkaak'aal xamaan sa' xb'een laatenamit ut sa' xb'een Jerusalén b'arwi' wankat. Aajel ru a'an, re naq taaraqe'q li maa'usilal ut li q'etb'a aatin, jo'wi' re naq te'tojmanq rix chixjunileb' li maak, re xxaqab'ankil xwankil li tiikilal chi junajwa ut xsantob'resinkil wi' chik li Rochoch li Yos re naq taatz'aqloq ru li moy u xawil ut li xyehom li propeet.

Jeremías 32:37

Teb'inch'utub' chaq sa' chixjunileb' li na'ajej b'arwi' kincha'cha'iheb' xb'aan linjosq'il ut li xmay linch'ool; tink'ameb' chaq wi' chik sa' li na'ajej a'in ut te'wanq sa' tuqtuukilal.

Jeremías 30:10

“Ab'an laa'at, a Jakob, aj k'anjelat chiwu, matxiwak -chan li Qaawa'-; mich'inank laach'ool, a Israel, xb'aan naq we'kin laa'in. Tinchalq chakolb'al laa'at jo'wi' eb' laawalal aak'ajol, tatwisi chaq sa' li najtil tenamit katintaqla wi' chi tawasiik, ut tatwanq wi' chik sa' tuqtuukilal, sa' sahilal, chi maajun chik taaxib'esinq aawe.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Isaías 7:14

Jo'kan utan, a' ajwi' li Qaawa' tixk'ut cheru jun nimla eetalil. K'ehomaq reetal: li saaj ixq wank sa' yu'am; taawanq jun xk'uula'al teelom, ut Emmanuel tixk'e cho'q xk'ab'a'.

Zacarías 10:6

“Laa'in tink'e xkawub' xch'ooleb' laj Judá ut tintenq'aheb' li ralal xk'ajol laj José. Tink'ameb' chaq wi' chik sa' li xtenamiteb' xb'aan naq nawil xtoq'ob'aal ruheb'; chanchan naq maajun sut xintz'eqtaanaheb', xb'aan naq laa'in li Qaawa' li xYoseb' ut nink'ul li xtijeb'.

Zacarías 3:10

Naq taawulaq li kutan a'an, teech'utub' eerib' chi hilank sa' xmu li kab'l sa' tuqtuukilal, chan li Nimajwal Yos»”.

Sofonías 3:13

Ut eb' li te'kole'q sa' xyanqeb' laj Israel ink'a' chik te'xb'aanu li maa'usilal chi moko te'tik'ti'iq chik; moko te'xye ta chik b'alaq'il aatin. Naru chik te'tzekanq ut te'hilanq chi sa, chi maajun chik taaxib'esinq reheb'”.

Abdías 1:21

Te'numtaaq sa' xb'eeneb' ut te'taqsinq aran Sión re raqok aatin sa' xb'eeneb' li xtzuululeb' laj Esaú, ut a' chik li Qaawa' taa'awab'ejinq.

Abdías 1:17

Ab'anan li tzuul Sión a'anaq li santil na'ajej b'arwi' te'xik chi muqlek eb' li xe'elelik. Eb' li ralal xk'ajol laj Jakob te'reechani wi' chik li xch'och'eb'.

Oseas 2:18

“Sa' li kutan a'an, sa' xk'ab'a' lintenamit, tink'ojob' jun sumwank rik'ineb' li josq' aj xul, rik'ineb' li neke'xik'ank ut eb' li k'anti'. Twisi sa' li na'ajej a'in li xna' simaj, li q'esnal ch'iich' ut li yalok re naq twanq sa' tuqtuukilal lintenamit.

Oseas 1:7

Ab'anan twil xtoq'ob'aal ru eb' laj Judá ut tinkoleb': maawa' rik'in simaj malaj q'esnal ch'iich', rik'in yalok malaj kawaay, chi moko rik'ineb' li neke'xik chirixeb' kawaay, sa' ink'ab'a' b'an laa'in li Qaawa', li xYoseb'”.

Isaías 54:17

Ab'anan maajun xyiib'ank re li ch'iich' li taasachoq aawe. Mem taakanab'eb' li te'jitoq aawe sa' raqleb'aal aatin. A'an a'in li xmaataneb' laj k'anjel chiru li Qaawa', a'an a'in li q'axok u tink'e reheb'”, chan li Qaawa' Yos.

Isaías 35:9

Maak'a'aq chik aran li kaqkoj chi moko te'nume'q li josq' aj xul sa' li b'e a'an; ka'ajeb' wi' li kolb'ileb' te'b'eeq aran.

Isaías 45:17

A'ut laj Israel kolb'ilaq xb'aan li Qaawa', kolb'ilaq chi junajwa. Maajaruj chik texk'ehe'q sa' xutaan chi moko texse'eeq.

Isaías 33:22

Xhite'k li xk'aamaleb' li jukub', ink'a' chik xaqxo chi kaw li roqechal sa' xna'aj ut ink'a' chik naru xhelb'al li xnimal xt'ikrul li jukub'. Naab'al xb'ihomaleb' li xik' neke'ilok qe taaqeechani: te'tz'aqonq ajwi' eb' li mutz', ut eb' li yeq roqeb' te'xkut rib' sa' xb'een chi relq'ankil. Xb'aan naq li Qaawa' a'an laj raqol aatin sa' qab'een, a'an laj k'amol qab'e; li Qaawa' a'an li qaRey. A'an ajwi' taakoloq qe.

Isaías 2:4

Li Qaawa' taaraqoq aatin sa' xb'eeneb' li tenamit ut a'anaq laj raqol aatin sa' xyanqeb' naab'al chi poyanam. Te'xsutq'isi eb' li q'esnal ch'iich' cho'q pikleb' ch'och', ut li xjutz' ch'iich'eb' te'kanaaq cho'q setleb' k'im. Eb' li tenamit ink'a' chik te'yaloq chirib'ileb' rib' chi moko te'xkawresi rib' re yalok.

1 Reyes 4:25

Chiru chixjunil li xyu'am laj Salomón eb' laj Judá ut eb' laj Israel ke'wank chaq sa' tuqtuukilal ut ke'hilank chi saheb' sa' xch'ool sa' xmu li rochocheb', chalen chaq Dan toj Berseba.

Isaías 42:6

“Laa'in, li Qaawa', xatinb'oq ut xatinch'ilo chaq chawuq' re roksinkil li tiikilal; xatink'uub' ut xatinxaqab' cho'q sumwank rik'in lintenamit ut cho'q xsaqenkeb' li poyanam;

Jeremías 29:11

Laa'in wank sa' inch'ool k'aru tinb'aanu cho'q eere: twaj texwanq sa' tuqtuukilal ut ink'a' sa' rahilal, re naq toxeetaw xsahil eech'ool chi junelik. Laa'in, li Qaawa', ninyehok re a'in.

Jeremías 33:15

“Chiruheb' li kutan a'an, tinxaqab' jun li ralal laj David, q'axal tiikaq xch'ool, li tixk'anjela ru li tiikilal ut li k'ulub'ej sa' li na'ajej a'in.

Ezequiel 21:27

Chixjunil taajuk'manq ut taapuk'imanq; rahilal, nimla rahilal, a'an li tinb'aanu. Chixjunil a'in taak'ulmanq naq taachalq li x'awab'ej Babilonia: sa' xb'een a'an teneb'anb'il li raqok aatin sa' ink'ab'a'.

Ezequiel 28:26

Aran te'wanq chi maak'a'aq chik xk'a'uxeb' ut xch'i'ch'i'inkileb'; te'kab'laq ut te'awq uub'. Sa chik te'wanq naq tinraq aatin sa' xb'eeneb' chixjunileb' li tenamit wankeb' chi xsutam ut neke'tz'eqtaanank reheb'. Toja' naq taanawmanq naq laa'in li Qaawa', li xYos laj Israel”.

Ezequiel 38:14

“Jo'kan utan, at kaamel winq, aatina laj Gog ut ye re sa' ink'ab'a': «Jo'ka'in xye li Qaawa': Naq lintenamit wanqeb' sa' tuqtuukilal, laa'at taachap laab'e:

Ezequiel 48:35

Li roq chixjunil li xsuttz'akil li tenamit a'an kach'in chik maa wiib' leew, ut chalen sa' li kutan a'an li tenamit tixk'ab'a'in: «Li Qaawa' wank arin»”.

Daniel 9:7

«At Qaawa', aawe li tiikilal ut qe laa'o li xutaan anaqwan ut junelik. Xutaanal wanko laa'o laj Judá: eb' li wankeb' Jerusalén ut chixjunileb' laj Israel, eb' li wankeb' chi nach' ut eb' li wankatqeb' chi najt sa'eb' li tenamit xacha'cha'iheb' wi' xb'aan naq xe'q'etq'eto'k chawu.

Oseas 1:11

Toja' naq eb' laj Judá ut eb' laj Israel te'xjunaji rib'eb', te'xxaqab' jun ajwi' aj jolominel reheb' ut yalaq b'ar te'sutq'iiq chaq Jerusalén. Relik chi yaal naq q'axal nimaq li xkutankil Jisrehel!

Éxodo 9:26

Ka'ajwi' sa' xsutam Gosen, b'arwi' wankeb' laj Israel, ink'a' kiwank saqb'ach.

Salmos 45:5

Ayu chi yalok chirix li yaal, li uxtaanal ut li tiikil ch'oolej. Sa' xk'ab'a' laanim uq' toxaawil xninqal ru b'aanuhom.

Isaías 32:1

K'ehomaq reetal: taawanq junaq awab'ej li taa'awab'ejinq sa' tiikilal, ut eb' laj k'amol b'e te'raqoq aatin jo' chanru li k'ulub'ej.

Isaías 32:18

Lintenamit taahilanq sa' tuqtuukilal ut maak'a' taach'i'ch'i'inq reheb' sa'eb' li ochoch wanqeb' wi',

Isaías 33:5

Li Qaawa' q'axal nim xwankil xb'aan naq sa' choxa wank; xnujob'resi Sión rik'in li tiikilal ut li k'ulub'ej,

Jeremías 31:23

Li Nimajwal Yos, li xYos laj Israel, kixye chi jo'ka'in: “Naq tinsutq'isiheb' chaq eb' laj Judá ut te'wanq wi' chik sa' li xch'och'eb' ut xtenamiteb', te'xye wi' chik li aatin a'in: «Li Qaawa' chirosob'tesi taxaq li santil tzuul a'in, xmuheb'aal li tiikilal!».