Jeremías 23:39 - Q'eqchi Bible

³⁹ laa'in texintz'eq chirix linch'ool ut texwisi sa' xnaq' wu, laa'ex jo'wi' li tenamit ink'ehom eere ut cho'q reheb' leena' leeyuwa'.

Li Santil hu

³⁹ la̱at ta̱ye reheb nak la̱in tintzꞌekta̱naheb ut tintzꞌekta̱na ajcuiꞌ li tenamit li xinqꞌue reheb aꞌan ut reheb ajcuiꞌ lix xeꞌto̱nil yucuaꞌ.

Jeremías 23:39 ပူးပေါင်းရင်းမြစ်များ

Jeremías 23:33

“At Jeremías, wi junaq propeet, junaq aj tij malaj ani chik reheb' li tenamit te'xpatz' aawe: «K'aru li qachaq'rab'inkil xb'aan li Qaawa', k'aru li iiq xk'ehom sa' qab'een?», cha'aq, taaye reheb': «Li Qaawa' xye naq laa'ex li iiq! Tz'eqtaananb'ilex chik anaqwan», cha'qat.

Ezequiel 8:18

K'ajo' linjosq'il sa' xb'eeneb'! Ink'a' twil xtoq'ob'aal ruheb' chi moko tinkuy li xmaakeb'. Us ta te'xjap re chi xyaab'ankil link'ab'a', ab'an laa'in ink'a' twab'iheb'”, chan li Qaawa'.

2 Ts 1:9

Li xtojb'al rix li xmaakeb' a'an li sachk chi junajwa, ut najt te'wanq rik'in li Qaawa' jo'wi' rik'in li xnimal xloq'al li xwankilal.

San Mateo 25:41

“Toja' naq tixye ajwi' reheb' li wanqeb' sa' xtz'e uq': «Elenqex chiwu, maa'usilanb'ilex. Ayuqex sa' li xam li ink'a' nachup, kawresinb'il cho'q re laj tza ut eb' laj k'anjel chiru.

Oseas 5:14

Xb'aan naq laa'in jo'kaqin jun kaqkoj naq tinrahob'tesiheb' laj Efraín ut eb' laj Judá. Laa'in tinputz'inq reheb', ut chirix a'an teb'inkanab' xjuneseb'; tink'eheb' sa' rahilal, ut maajun taaruuq chi kolok reheb' sa' wuq'.

Oseas 4:6

Yo chi kamk lintenamit xb'aan naq ink'a' neke'xnaw wu. Ut laa'at, aj tij, xatz'eqtaana xnawb'al wu, jo'kan naq tatwisi sa' laak'anjel. Xb'aan naq xatz'eqtaana li xchaq'rab' laaYos, laa'in ajwi' teb'intz'eq chirix inch'ool eb' laawalal aak'ajol.

Ezequiel 34:20

Jo'kan naq laa'in, li Qaawa', ninye chi jo'ka'in: Tinraq aatin sa' xyanqeb' li karneer ninqeb' xtib'el ut li b'aqeb'.

Ezequiel 34:11

“Laa'in, li Qaawa', ninye chi jo'ka'in: We'kin arin. Laa'in toxinsik'eb' chaq linkarneer ut laa'in tin'iloq reheb'.

Ezequiel 9:6

Kamsihomaqeb' li cheekel winq, eb' li saaj al, eb' li tuq'ixq, eb' li kok'al ut eb' li ixq, toj reetal naq maajun chik taakanaaq. Ab'anan meekamsiheb' li wankeb' reetalil chi xpeekemeb', ut tikib'omaq wan wi' linsantil ochoch”. Toja' naq eb' li winq ke'xtikib' xkamsinkileb' li cheekel winq li wankeb' chiru li rochoch li Yos.

Ezequiel 6:3

Ye reheb' chi jo'ka'in: «Ex xtzuulul Israel, ab'ihomaq li naxye li Qaawa' chirixeb' li tzuultaq'a ut eb' li nima': Tintaqla chaq li raaxiik' sa' eeb'een ut tinjuk'i chixjunileb' leetijob'aal.

Ezequiel 5:8

Jo'kan naq laa'in li Qaawa' ninye: Laa'in xik' ajwi' tatwil, a Jerusalén, ut tinraqoq aatin sa' aab'een chiruheb' li xninqal ru tenamit,

Lamentaciones 5:20

K'a' tab'i' naq toosachq sa' laach'ool chi junajwa? K'a' put naq toohaatz'eqtaana chiru chixjunil li qayu'am?

Jeremías 52:3

Jo'kan naq li Qaawa' kijosq'o'k rik'ineb' laj Jerusalén ut eb' laj Judá, ut ink'a' chik kiraj rilb'aleb' ru. Laj Sedesías kixq'etq'eti rib' chiru li awab'ej re Babilonia.

Jeremías 36:31

Tatink'e chi xtojb'al rix laamaak; jo'kan ajwi' te'xk'ul eb' laawalal aak'ajol ut eb' laj jolominel tenamit. Tintaqla chaq sa' eeb'een, sa' xb'eeneb' laj Jerusalén jo'wi' sa' xb'eeneb' li wankeb' sa' xteepal Judá, chixjunil li rahilal li xinye resil eere chi ink'a' xineepaab'»”.

Jeremías 35:17

«Jo'kan utan laa'in, li Nimajwal Yos, li xYos laj Israel, ninye chi jo'ka'in: Tintaqla chaq sa' xb'eeneb' laj Judá ut eb' laj Jerusalén chixjunil li rahilal inyehom chaq resil, xb'aan naq xe'waatina ut ink'a' xine'xpaab', xinb'oqeb' ut ink'a' xine'xsume»”.

Jeremías 7:15

Texwisi chi xnaq' wu jo' kinb'aanu junxil reheb' li ralal xk'ajoleb' laj Efraín, leerech'alal».

Isaías 51:12

“Laa'in nink'ehok xkawub' laach'ool -chan li Qaawa'-. Anihat laa'at chi xxiwankil ru li winq li yal kaamel, li taa'oso'q jo' li k'im?

Isaías 48:15

Laa'in xin'aatinak rik'in, xinb'oq ut xink'am chaq re naq us taa'elq sa' li xb'aanuhom.

Proverbios 13:13

Ra tixk'ul li naq'etok aatin; li ani naxpaab' li xchaq'rab'inkil, taaq'ajkamuuq.

Salmos 51:11

Maak'e sa' aach'ool li xinmaakob'k wi', ut chawisi chixjunileb' linmaak chi junajwa.

Deuteronomio 32:39

Chek'e reetal naq laa'in injunes wib' ut maak'a' chik junaq yos chiwu laa'in. Nink'ehok chi kamk ut nink'e ajwi' li yu'am, nintiq'ok ut nink'irtasink. Maajun tixkol rib' chiru linwankil.

Levítico 26:28

taanumtaaq linjosq'il sa' eeb'een ut texinrahob'tesi wuqub' sutaq wi' chik xb'aan leemaak.

Génesis 6:17

Laa'in tink'e jun nimla b'ut'iha' sa' xb'een li ruuchich'och' re xsachb'aleb' chixjunil li wankeb' xmusiq' junsut junrub'el choxa: chixjunileb' li wankeb' sa' ruuchich'och' te'oso'q.

Génesis 4:16

Ki'elk laj Kaín chiru li Qaawa' ut kikanaak sa' li na'ajej Nod xk'ab'a', sa' releb'l saq'e, junpak'al Edén.

Jeremías 7:14

Jo'kan naq li ochoch a'in li nanimaak wi' link'ab'a', li kaw wi' leech'ool ut ink'ehom eere jo' ajwi' reheb' leena' leeyuwa', tinkanab' jo' kinkanab' li wochoch aran Siló.

Jeremías 12:7

“Xinkanab' li rochochil laj Israel ut xintz'eqtaana li weechanihom. Xinq'axtesi li jwal raaro inb'aan sa' ruq'eb' li xik' neke'ilok re.

Jeremías 23:38

Ut wi ani tixye: «A'an a'in li iiq xk'ehom li Qaawa'», cha'aq, laa'at taaye re: «Li Qaawa' xye chi jo'ka'in: Xb'aan naq toj yookex chi roksinkil li aatin li xexinq'us wi',

2 Reyes 23:27

Xyehom ajwi' li Qaawa': “Twisi eb' laj Judá sa' xnaq' wu, jo' naq kiwisi chiwu eb' laj Israel, ut tintz'eqtaana ajwi' Jerusalén, li tenamit insik'om ru, jo'wi' li loq'laj ochoch kinye wi' naq aran taahilanq link'ab'a'”.