Jeremías 23:32 - Q'eqchi Bible

³² Tink'eheb' chi xtojb'al xmaakeb' li propeet li neke'xseeraq'i li tik'ti' aj matk', ut neke'xk'e chi sachk lintenamit rik'in li xk'iila seeraq'eb'. Moko laa'in ta xintaqlank reheb' chi moko inchaq'rab'ihomeb'; jo'kan naq moko tz'aqaleb' ta re xtenq'ankileb' li tenamit -chan li Qaawa'-.

Li Santil hu

³² Yo̱ injoskꞌil saꞌ xbe̱neb li nequeꞌa̱tinac joꞌ profeta ut nequeꞌxye lix matqꞌueb li ma̱cꞌaꞌ nequeꞌoc cuiꞌ. Nequeꞌxqꞌue lin tenamit chi ma̱cobc riqꞌuin li ticꞌtiꞌ nequeꞌxye. Ma̱cuaꞌ la̱in xina̱tinac riqꞌuineb chi moco xinxakabeb chokꞌ profeta. Incꞌaꞌ nequeꞌxtenkꞌaheb lin tenamit, chan li Ka̱cuaꞌ.

Jeremías 23:32 ပူးပေါင်းရင်းမြစ်များ

Sofonías 3:4

Eb' li xpropeeteb' naxik xb'een neke'xye, aj b'alaq'eb' ut aj tik'ti'eb'. Eb' laj tij neke'xmux li loq'laj na'ajej ut neke'xsach xwankil li xchaq'rab' li Yos.

Lamentaciones 2:14

Eb' laapropeet junes b'alaq'il moy u xe'xseeraq'i aawe; ink'a' xe'xch'olob' laamaak re raj xjalb'al laak'a'uxl. Junes b'alaq'il moy u ut tik'ti' xe'xye aawe.

Jeremías 7:8

«Ab'anan laa'ex nekepaab' li b'alaq'il aatin li maak'a' na'ok wi' cho'q eere.

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

San Mateo 15:14

Kanab'omaqeb' xb'aan naq mutz'eb' ut aj b'eresihom mutz'eb'. Ut wi junaq mutz' naxb'eresi junaq rech mutz'il, chi xkab'ichaleb' te't'ane'q sa' jul.

Jeremías 29:31

“Taqla xyeeb'al reheb' chixjunil li wankeb' chaq chi preexil: «Li Qaawa' naxye chi jo'ka'in chirix laj Semaías, aj Nehelam: Laj Semaías xexraatina jo' propeet ut moko laa'in ta xintaqlank re; a'an xk'ojob' ajwi' leech'ool rik'in li tik'ti'.

Jeremías 23:25

“Ak wab'ihom li xtik'ti'eb' li propeet a'an aj b'alaq'. Neke'tik'ti'ik ut neke'xye naq neke'aatinak wik'in sa' xmatk'eb'.

Jeremías 23:16

Jo'ka'in kixye li Nimajwal Yos: “Ex aj Israel, meepaab' li neke'xye eere eb' li propeet, xb'aan naq yal yookeb' cheb'alaq'inkil: junes tik'ti' neke'xye, yal k'oxlanb'il xb'aaneb' a'an. Moko xin'aatinak ta rik'ineb' laa'in.

Isaías 3:12

Jun saaj al yo chi rahob'tesink re lintenamit, ut ixqeb' li neke'numtaak sa' xb'een. Ex intenamit, eb' laj k'amol eeb'e yookeb' cheb'alaq'inkil ut chi xk'amb'al eeb'e chi xb'aanunkil li ink'a' us.

Deuteronomio 18:20

Ab'an wi li propeet taa'aatinaq sa' ink'ab'a' chi ink'a' xinye laa'in, malaj taa'aatinaq sa' xk'ab'a'eb' li jalanil yos, li propeet a'an taakamq», chan li Qaawa'.

2 Corintios 1:17

Naq xwaj xb'aanunkil a'an, ma ink'a' tab'i' xink'oxla chi us li b'arwan xink'uub'? Malaj nekek'oxla naq yal ruuchich'och'il na'leb' chixjunil li xink'uub' xb'aanunkil, xb'aan naq xb'enwa xinye eere “yaal” ut chirix a'an “ink'a'”?

Li xHu LAJ JOB 13:4

xb'aan naq laa'ex tz'aqal aj tik'ti', chanchanex aj b'anonel li maak'a' neke'ok wi'.

Isaías 9:15

Li cheekel winq ut li nim xwankil, a'an li jolomej, ut li propeet aj b'alaq', a'an li xye.

Jeremías 23:13

“Jwal yib'ru li xb'aanuhomeb' li propeet aj Samaria: neke'aatinak sa' xk'ab'a' laj Bahal ut neke'xk'e eb' laj Israel, lintenamit, chi sachk sa' li xb'eheb'.

Jeremías 23:31

Tinraqoq aatin chirixeb' li neke'xye naq waatin laa'in li yal xk'oxlahomeb' a'an.

Lamentaciones 3:37

Maa'ani naru tixb'aanu li k'aru ak xyehom, wi li Qaawa' ink'a' xyehok re.

Zacarías 10:2

Eb' li yal k'oxlanb'il yos neke'b'alaq'ik, ut eb' laj q'e tik'ti' li neke'ril. Moko yaal ta neke'xye eb' li neke'xtaw ru li matk', yal re b'an k'ojob'ank ch'oolej naq neke'aatinak. Jo'kan naq li tenamit neke'cha'chotk jo'eb' li karneer, ut wankeb' chi yalaq chanru xb'aan naq maak'a' laj k'aak'alehom reheb'.