Jeremías 23:26 - Q'eqchi Bible

²⁶ Jo' najtil chik yooqeb' chi yehok tik'ti' sa' ink'ab'a' rik'in xyeeb'al li yal neke'xk'oxla?

Li Santil hu

²⁶ ¿Joꞌ najtil chic teꞌxye li ticꞌtiꞌ saꞌ incꞌabaꞌ, li ticꞌtiꞌ li yal nequeꞌxcꞌoxla xjuneseb?

Jeremías 23:26 ပူးပေါင်းရင်းမြစ်များ

Jeremías 14:14

Toja' naq li Qaawa' kixye we: “B'alaq'ik yookeb' li propeet a'an sa' ink'ab'a'. Laa'in ink'a' xintaqlaheb' a'an, ink'a' xinchaq'rab'iheb' chi moko xin'aatinak rik'ineb'. Tik'ti' li neke'xye, b'alaq'il moy u, yal xk'a'uxeb' winq li maak'a' aj e: a'an a'in li neke'xye resil eere eb' li propeet a'an.

2 Timoteo 4:3

Xb'aan naq taawulaq xq'ehil naq eb' li tenamit ink'a' chik te'raj rab'inkil li chaab'il na'leb' ut, xb'aan xrahinkil li k'aru neke'raj xch'ool, q'esaq xxik chi rab'inkil k'iila na'leb', te'sute'q xb'aan jun tuub' chi aj tzolonel;

Hechos 13:10

ut kixye re: —Ralalat laj tza, nujenaqat rik'in chixjunil li b'alaq'il na'leb' ut maa'usilal, xik' nakawil chixjunil li tiikilal! Jo'q'e taakanab' xpo'b'al li xtiikil b'e li Qaawa'?

Oseas 8:5

Laa'in nintz'eqtaana li wakax nakaloq'oni, a Samaria. Q'axal yo injosq'il sa' xb'een: jo'q'e put te'xch'ajob'resi rib'eb' laj Israel?

Jeremías 17:9

“Q'axal aj b'alaq' li xch'ool li poyanam, k'ajo' xyib'al ru chiru chixjunil li k'a'aq re ru. Maajun natawok ru li naxk'oxla.

Jeremías 13:27

Xwil chixjunil laamaa'usilal ut li xutaanalil yumb'eetak xab'aanu, xink'e reetal li xsahil aach'ool chi maakob'k; xwileb' laatz'i'b'eetalil yos sa' xb'eeneb' li tzuultaq'a. Toq'ob' aawu, a Jerusalén! Rahilal taachalq sa' aab'een, xb'aan naq ink'a' nakawaj xch'ajob'resinkil aawib'. Jo' najtil chik tatkanaaq chi jo'kan?”.

Jeremías 4:14

At Jerusalén, ch'ajob'resi ru laach'ool re naq tatkole'q. Jo' najtil chik twanq li maa'usilal sa' laawaanm?

Isaías 30:10

Neke'xye reheb' li neke'ilok moy u: “Mat-ilok chik moy u”; ut neke'xye reheb' li propeet: “Maaye li yaal qe, ye b'an li q'axal sa rab'inkil, us ta moko yaal.

Salmos 4:2

At inYos, at Kolol we, chinaawab'i taxaq naq ninyaab'a laaloq'laj k'ab'a'. Laa'at li xattehok li b'e chiwu, naq xint'il sa' li rahilal, chawuxtaana wu ut chawab'i taxaq lintij.

2 Pedro 1:21

xb'aan naq maajun raatin propeet kichalk ta yal sa' xch'ool junaq winq, kichalk b'an rik'in naq ke'wank winq eek'asinb'ileb' xb'aan li Santil Musiq'ej, ke'aatinak jo' kiyehe'k chaq reheb' xb'aan li Yos.