Jeremías 23:25 - Q'eqchi Bible

²⁵ “Ak wab'ihom li xtik'ti'eb' li propeet a'an aj b'alaq'. Neke'tik'ti'ik ut neke'xye naq neke'aatinak wik'in sa' xmatk'eb'.

Li Santil hu

²⁵ La̱in nacuabi li cꞌaꞌru nequeꞌxye li profetas aj balakꞌ. Nequeꞌticꞌtiꞌic saꞌ incꞌabaꞌ ut nequeꞌxye: “Joꞌcaꞌin xinmatqꞌue”, chanqueb.

Jeremías 23:25 ပူးပေါင်းရင်းမြစ်များ

Jeremías 23:32

Tink'eheb' chi xtojb'al xmaakeb' li propeet li neke'xseeraq'i li tik'ti' aj matk', ut neke'xk'e chi sachk lintenamit rik'in li xk'iila seeraq'eb'. Moko laa'in ta xintaqlank reheb' chi moko inchaq'rab'ihomeb'; jo'kan naq moko tz'aqaleb' ta re xtenq'ankileb' li tenamit -chan li Qaawa'-.

Joel 2:28

“Chirix chik a'in tinhoy linmusiq' sa' xb'eeneb' chixjunil: eb' leeralal ut leerab'in te'aatinaq jo' propeet, eb' leecheekelal te'matk'eq ut eb' leesaaj al te'iloq moy u.

Jeremías 29:8

Laa'in, li Nimajwal Yos, li xYos laj Israel, ninye eere chi jo'ka'in: Meek'e eerib' chi b'alaq'iik xb'aaneb' li propeet ut eb' laj q'e li wankeb' sa' eeyanq; meepaab' li k'aru neke'xye eb' laj matk',

Jeremías 23:28

Wi junaq propeet xmatk'ek, xyehaq naq a'an jun matk'; ab'an li ani xk'ulum li waatin, xyehaq chi tz'aqal re ru. Ink'a' naru xjuntaq'eetankil li roq li triiw rik'in li ru. Li waatin a'an chanchan li xam, kama' li tenleb' li naxk'aji li pek -chan li Qaawa'-.

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

Jeremías 8:6

Xe'wab'i chi us: maajun reheb' nayehok li yaal; maajun naraho'k xch'ool chirix li xmaa'usilal ut naxye ta: K'aru xinb'aanu? Chixjunileb' xe'xjal xb'eheb' ut neke'xb'aanu li k'aru neke'raj; xe'kaano'k ruheb', kama'eb' chik li kawaay li neke'kaano'k ru chi yalok.

Números 12:6

“Ab'ihomaq li tinye eere -chan li Yos-. Wi wank sa' eeyanq junaq propeet, laa'in tink'ut wib' chiru sa' nab'uuch, ut tin'aatinaq rik'in sa' xmatk'.

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

San Lucas 12:3

Jo'kan naq jo'nimal li xeye sa' aak'ab', taa'ab'imanq chi kutankil. Ut li xeye chi hasb'anb'il sa' kab'l, toj sa' xb'een kab'l taapuktesimanq chaq resil.

San Mateo 1:20

Ut naq ak k'uub'k'u sa' xch'ool xb'aanunkil a'in, li x'ánjel li Qaawa' kixk'ut rib' chiru sa' xmatk' ut kixye: “José, ralalat laj David, matk'oxlak chi xk'amb'al lix María cho'q aawixaqil, xb'aan naq li siyajenaq rik'in a'an re li Santil Musiq'ej.

Jeremías 29:23

Xb'aan naq q'axal xutaanal li ke'xb'aanu sa' xteepal Israel: ke'xmuxatq li xsumlajikeb' rik'ineb' li rixaqil eb' li ras riitz'ineb' ut b'alaq'il aatin ke'xye sa' ink'ab'a' li ink'a' inyehom reheb'. Ut a'an ch'olch'o tz'aqal chiwu», chan li Qaawa'”.

Jeremías 16:17

Xb'aan naq kutan saqenk chiwu chixjunil li xb'aanuhomeb', nawil li xmaakeb' ut nink'e reetal chi us li xmaa'usilaleb'.

Jeremías 14:14

Toja' naq li Qaawa' kixye we: “B'alaq'ik yookeb' li propeet a'an sa' ink'ab'a'. Laa'in ink'a' xintaqlaheb' a'an, ink'a' xinchaq'rab'iheb' chi moko xin'aatinak rik'ineb'. Tik'ti' li neke'xye, b'alaq'il moy u, yal xk'a'uxeb' winq li maak'a' aj e: a'an a'in li neke'xye resil eere eb' li propeet a'an.

Jeremías 13:27

Xwil chixjunil laamaa'usilal ut li xutaanalil yumb'eetak xab'aanu, xink'e reetal li xsahil aach'ool chi maakob'k; xwileb' laatz'i'b'eetalil yos sa' xb'eeneb' li tzuultaq'a. Toq'ob' aawu, a Jerusalén! Rahilal taachalq sa' aab'een, xb'aan naq ink'a' nakawaj xch'ajob'resinkil aawib'. Jo' najtil chik tatkanaaq chi jo'kan?”.

Salmos 139:4

Toj maji' na'elk li aatin chi ru'uj waq', ak xanaw laa'at, at Qaawa'.

Salmos 139:2

nakanaw jo'q'e nink'ojlaak ut jo'q'e ninwakliik; us ta najt wankin, ab'an nakanaw li nink'oxla.

Génesis 37:9

Chirix chik a'an kimatk'ek wi' chik ut kixseeraq'i a'an reheb' li ras. Kixye reheb': “Xinmatk'ek wi' chik. Xwil naq li saq'e, li po ut junlaju chi chahim xe'xk'utzub' rib' chiwu”.

Génesis 37:5

Sa' jun q'oqyink laj José kimatk'ek ut kixseeraq'i a'an reheb' li ras, ut q'axal chik ke'ok chi xxik'b'al rilb'al.

Jeremías 27:10

Xb'aan naq yal tik'ti' li neke'xye eere: wi teepaab' li raatineb' a'an, tex'isiiq sa' leena'aj ut laa'in texincha'cha'i ut texkamsiiq.

Jeremías 27:15

Moko laa'in ta xintaqlank reheb' -chan li Qaawa'-, ut yookeb' chi roksinkil link'ab'a' chi yal tik'ti'. Mare anchal texwisi sa' leena'aj, ut texkamq laa'ex jo'wi' eb' li propeet xe'b'alaq'ink eere”.

Lamentaciones 2:14

Eb' laapropeet junes b'alaq'il moy u xe'xseeraq'i aawe; ink'a' xe'xch'olob' laamaak re raj xjalb'al laak'a'uxl. Junes b'alaq'il moy u ut tik'ti' xe'xye aawe.

Ezequiel 22:28

Eb' li propeet neke'xmuq li yaal, jo' naq nab'onmank li ochoch rik'in chun; neke'xye naq neke'ilok moy u, ab'an moko yaal ta: Li Qaawa' xye chi jo'ka'in, chankeb', ab'anan laa'in ink'a' xin'aatinak.

Zacarías 13:3

Ut wi wank junaq li toj na'aatinak jo' propeet, taayehe'q re xb'aaneb' li xna' xyuwa': «Laa'at tatkamq, xb'aan naq tik'ti' li yookat xyeeb'al sa' xk'ab'a' li Qaawa'». Ut eb' li xna' xyuwa' te'xkamsi chi ch'iich' naq yooq chi aatinak jo' propeet aj b'alaq'.