Jeremías 23:2 - Q'eqchi Bible

² Jo'ka'in kixye li Qaawa', li xYos laj Israel, chirixeb' li neke'ilok re li xtenamit: “Laa'ex xexcha'cha'ink reheb' linkarneer, xek'eheb' chi elelik ut ink'a' xerileb'. Jo'kan naq laa'in texink'e chi xtojb'al rix leemaak -chan li Qaawa'-.

Li Santil hu

² Aꞌan aꞌin li naxye li Ka̱cuaꞌ lix Dioseb laj Israel reheb laj cꞌamol be li sicꞌbileb ru chirilbal lix tenamit: —La̱ex incꞌaꞌ xerileb chi us lin tenamit. Xejeqꞌui ban ruheb ut xecanabeb chi e̱lelic. Joꞌcan nak la̱in texinqꞌue chixtojbal e̱ma̱c xban li ma̱usilal xeba̱nu.

Jeremías 23:2 ပူးပေါင်းရင်းမြစ်များ

Miqueas 7:4

Li jwal chaab'il sa' xyanqeb', a'an chanchan li k'ix; ut li tiik xch'ool, a'an chanchan li pajl. Ab'anan chalk re li raqok aatin, a' li kutan yeeb'il aawe xb'aaneb' li propeet. Toja' naq te'sachq xna'leb' chixjunileb'.

Jeremías 21:12

Ex ralal xk'ajol laj David, a'an a'in li naxye li Qaawa': Rajlal kutan b'aanuhomaq li tiikilal; kolomaqeb' li yookeb' chi rahob'tesiik sa' ruq'eb' laj rahob'tesinel. Mare anchal, xb'aan leemaa'usilal, taachalq injosq'il sa' eeb'een jo' li xam, ut maajun chik taaruuq chi chupuk re.

Éxodo 32:34

Ayu ut k'ameb' li tenamit b'arwi' xinye aawe; k'amolb'ehaq chawu lin'ánjel. Ab'an naq taawulaq xq'ehil, tinrahob'tesiheb' xb'aan naq xe'maakob'k”.

Jeremías 23:34

“Ut wi junaq propeet, junaq aj tij malaj ani chik reheb' li tenamit tixye aawe: «A'an a'in li iiq xk'ehom li Qaawa'», cha'aq, laa'in tinraq aatin sa' xb'een a'an ut sa' xb'een li xjunkab'al.

Santiago 1:27

Li tz'aqal paab'ank li maak'a' reek' ut loq' chiru li Yos Yuwa'b'ej, a'an a'in: xtenq'ankileb' li maak'a'eb' chik xna' xyuwa' ut eb' li xmalka'an li wankeb' sa' rahilal, jo' ajwi' xkolb'al qib' chiru li xmaa'usilal li ruuchich'och' chi maak'a'aq qamuxul.

San Mateo 25:43

xinsik' wochochnaal, ut ink'a' xineek'ul eerik'in; xint'usq'i, ut ink'a' xineetiqib'; xinyajerk, xinwank sa' tz'alam, ut ink'a' xineerula'ani chaq».

Oseas 2:13

Tolinrahob'tesi li ixq a'an xb'aan naq xk'atok k'ajpom chiruheb' laj Bahal, xtiqib' rib' chi chaab'il rik'in matq'ab' ut q'ol ut xkoho chirixeb' li neke'rahink re, chi ink'a' chik nikinxk'oxla laa'in li Qaawa' -chan li Yos-.

Jeremías 13:21

K'aru taaye naq tatink'e chi awab'ejiik xb'aaneb' li xak'uleb' aawik'in cho'q aawamiiw? Q'axal ra taak'ul xb'aaneb' jo' junaq ixq ok re chi alank.

Jeremías 11:22

Jo'kan naq li Nimajwal Yos kixye reheb' chi jo'ka'in: “Laa'in tinraqoq aatin sa' eeb'een: eb' li saaj winq te'kamq sa' li yalok ut eb' leeralal eek'ajol te'kamq xb'aan li we'ej.

Jeremías 8:12

Tento raj xe'xutaanak b'ayaq chi xb'aanunkil li jo'maajo'il na'leb' a'an, ab'an maak'a' xxutaaneb' chi moko xe'kaqo'k kach'inaq xb'aan li xb'aanuhomeb'. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'»”, chan li Qaawa' Yos.

Jeremías 5:29

Ma ink'a' tab'i' tinraqoq aatin chirix chixjunil a'an? Ma ink'a' tink'e reeqaj a'an re li tenamit a'in li jo'kan neke'xb'aanu?

Jeremías 5:9

Ma ink'a' tab'i' tink'eheb' chi xtojb'al rix li maak a'an? Ma ink'a' tink'ajtesi ru li tenamit li jo'kan naxb'aanu? -chan li Qaawa'-.

San Mateo 25:36

Xint'usq'i, ut xineetiqib'; xinyajerk, ut xineerula'ani; xinwank sa' tz'alam, ut koxineeril chaq».

Jeremías 10:21

Eb' laj k'aak'alehom re li tenamit a'in xe'jipo'k ut ink'a' xe'xsik' li Qaawa'. Jo'kan naq ink'a' us neke'elk sa' xk'anjeleb' ut chixjunileb' li ketomq xe'cha'cha'iik yalaq b'ar.

Jeremías 13:17

Wi ink'a' nekexpaab'ank chiru, laa'in tinyaab'aq injunes xb'aan leeq'etq'etil; taayot'e'q linch'ool ut xiikil li xya'al wu tinhoy, xb'aan naq li xtenamit li Qaawa' xe'isiik sa' li xna'ajeb'.

Jeremías 13:20

“At Jerusalén, taqsi laawilob'aal ut k'e reetal naq sa' xjayal releb'l iq' yookeb' chaq chi chalk eb' li xik' neke'ilok aawe. B'ar xkoheb' li jun ch'uut chi karneer li xk'eemank chawil? B'ar wankeb' anaqwan eb' laachaq'alil ru karneer?

Jeremías 44:22

Ab'an li Qaawa' ink'a' chik naxkuy leemaak ut li jo'maajo'il b'aanuhom li ink'a' nawulak chiru; jo'kan naq leena'aj nakirirnak aj chik ut maajun chik wank aran; majewanb'il aj chik ut q'axal xiwajel ru anaqwan.

Ezequiel 34:5

Linketomq xkanaak chi maajun chik aj k'aak'alehom reheb': xe'xcha'cha'i rib' ut xlaje't'upiik xb'aaneb' li josq' aj xul.

Zacarías 11:16

Xb'aan naq ok we chi xxaqab'ankil sa' li tenamit a'in jun aj ilol karneer li maak'a' taaraj wi' eb' li neke'cha'chotk. Ink'a' tixsik' li karneer sachenaq, ink'a' tixb'an li tiq'ilk chi moko tixch'oolani li kaw, tixtzeka b'an chik li nim xtib'el, chi ink'a' taaril xtoq'ob'aal ru.

Jeremías 17:10

Laa'in, li Qaawa', nintz'il rix li ch'oolej ut ninnaw toj sa' xchamal li aanmej; ninq'ajkamu li junjunq a' yaal chanru li xyehom ut li xb'aanuhom”.

Zacarías 10:3

Xyehom li Qaawa': “K'ajo' injosq'il sa' xb'eeneb' laj k'aak'alehom re lintenamit: tinrahob'tesiheb' li q'etq'et aj k'amol b'e. Naq li Nimajwal Yos tolrula'ani eb' li xkarneer, a'eb' li ralal xk'ajol laj Judá, tixkawresiheb' chi us ut tixk'eheb' xkawilal: jo'aqeb' chik li kawaay jwal kaweb' rib' re yalok.