Jeremías 23:18 - Q'eqchi Bible

¹⁸ Ab'anan, ani sa' xyanqeb' a'an xtz'aqonk sa' li xk'uub'ank li Qaawa'? Ani x'ilok ut x'ab'ink li aatin kixye? Ani xk'e xch'ool chi rab'inkil li raatin li Qaawa'?

Li Santil hu

¹⁸ Abanan, ¿Ma cuan ta biꞌ junak naxnau cꞌaꞌru cuan saꞌ xchꞌo̱l li Ka̱cuaꞌ? ¿Ma cuan ta biꞌ junak quiril ut quirabi nak yo̱ chi a̱tinac? ¿Ma queꞌraj ta biꞌ rabinquil li ra̱tin li Ka̱cuaꞌ? ¿Ma queꞌxba̱nu ta biꞌ li cꞌaꞌru quixye?

Jeremías 23:18 ပူးပေါင်းရင်းမြစ်များ

Jeremías 23:22

Wi ta neke'xnaw k'aru ink'uub'ahom, a' raj lintenamit koheb' wi' chi xyeeb'al li waatin; a'aneb' raj li ke'sutq'isink reheb' wik'in re naq te'xkanab' xb'aanunkil li maa'usilal.

1 Corintios 2:16

Naxye li Santil Hu: “Ani xnawok ru xk'a'uxl li Qaawa'? Ani taaruhanq chi xk'eeb'al xna'leb' A'an?”. Ab'anan laa'o wank xk'a'uxl li Kriist qik'in.

San Juan 15:15

Ink'a' chik ninye moosej eere xb'aan naq li moosej ink'a' naxnaw li naxb'aanu laj eechal re; wamiiw b'an chik ninye eere xb'aan naq chixjunil li xwab'i chaq rik'in linYuwa', xlajink'ut cheru.

Amós 3:7

Jo'kan ajwi', li Qaawa' maak'a' tixb'aanu wi ink'a' xye xb'enwa reheb' laj k'anjel chiru, a'eb' li propeet.

Salmos 25:14

Li Qaawa' a'an ramiiw eb' li neke'paab'ank re, jo'wi' naxk'e chi xnaweb' li xloq'laj sumwank.

2 Crónicas 18:23

Toja' naq laj Sedesías, ralal laj Kenahaná, kijilok chi xk'atq, kixtz'aj chi ruq' chi xko laj Mikeas ut kixye re: “B'ar x'elk we li xmusiq' li Qaawa', re aawaatinankil laa'at?”.

1 Reyes 22:24

Toja' naq laj Sedesías, ralal laj Kenahaná, kijilok ut kixtz'aj chi ruq' chi xko laj Mikeas, ut kixye re: “B'ar x'elk we li xmusiq' li Qaawa', re aawaatinankil laa'at?”.

Li xHu LAJ JOB 33:31

Ab'i li waatin, a Job; k'e reetal li yookin xyeeb'al.

Li xHu LAJ JOB 21:22

Ab'an ani taayehoq re li Yos k'aru tixb'aanu? Li Qaawa' a'an naraqok aatin sa' xb'eeneb' ajwi' li wankeb' xwankil sa' choxa.