Jeremías 23:14 - Q'eqchi Bible

¹⁴ Xwil ajwi' li k'aru neke'xb'aanu eb' li propeet aj Jerusalén: q'axal yib' wi' chik ru li xb'aanuhomeb'. Neke'muxuk sumlaak ut neke'b'alaq'ik; neke'xk'e xkawil xch'ooleb' li ink'a' useb' xna'leb' re naq maajun tixkanab' xb'aanunkil li maa'usilal. Eb' a'an jo'wi' eb' li wankeb' Jerusalén chanchaneb' laj Sodoom ut eb' laj Gomoor!

Li Santil hu

¹⁴ Joꞌcaneb ajcuiꞌ li profetas li cuanqueb Jerusalén. Kꞌaxal cuiꞌchic yibru nequeꞌxba̱nu. Nequeꞌxmux ru lix sumlajiqueb ut nequeꞌticꞌtiꞌic. Eb aꞌan nequeꞌoquen chirixeb li incꞌaꞌ useb xnaꞌleb. Ut incꞌaꞌ nequeꞌxcanab xba̱nunquil li ma̱usilal. Chicuu la̱in eb aꞌan juntakꞌe̱teb riqꞌuineb laj Sodoma ut eb laj Gomorra.

Jeremías 23:14 ပူးပေါင်းရင်းမြစ်များ

Jeremías 29:23

Xb'aan naq q'axal xutaanal li ke'xb'aanu sa' xteepal Israel: ke'xmuxatq li xsumlajikeb' rik'ineb' li rixaqil eb' li ras riitz'ineb' ut b'alaq'il aatin ke'xye sa' ink'ab'a' li ink'a' inyehom reheb'. Ut a'an ch'olch'o tz'aqal chiwu», chan li Qaawa'”.

Ezequiel 22:25

Eb' laj k'amol aab'e jo'keb' li kaqkoj li neke'xjap reheb' chi xt'upinkil li xtzak. Xe'xnuq' eb' li poyanam, xe'xmaq'atq li b'ihomal ut li sahil eechej, ut naab'aleb' li xmalka'an wankeb' chik aawik'in.

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Jeremías 23:32

Tink'eheb' chi xtojb'al xmaakeb' li propeet li neke'xseeraq'i li tik'ti' aj matk', ut neke'xk'e chi sachk lintenamit rik'in li xk'iila seeraq'eb'. Moko laa'in ta xintaqlank reheb' chi moko inchaq'rab'ihomeb'; jo'kan naq moko tz'aqaleb' ta re xtenq'ankileb' li tenamit -chan li Qaawa'-.

Jeremías 14:14

Toja' naq li Qaawa' kixye we: “B'alaq'ik yookeb' li propeet a'an sa' ink'ab'a'. Laa'in ink'a' xintaqlaheb' a'an, ink'a' xinchaq'rab'iheb' chi moko xin'aatinak rik'ineb'. Tik'ti' li neke'xye, b'alaq'il moy u, yal xk'a'uxeb' winq li maak'a' aj e: a'an a'in li neke'xye resil eere eb' li propeet a'an.

Deuteronomio 32:32

Li x'uub' eb' a'an, a'an uub' re Sodoom ut re Gomoor, xkomon li uub' nakamsink ut k'ajo' xk'ahil.

Génesis 18:20

Kixye ajwi' li Qaawa': “Jwal kaw li xyaab' kuxej neke'jite'k wi' eb' laj Sodoom ut laj Gomoor, ut q'axal nim li xmaakeb'.

San Mateo 11:24

Ab'anan laa'in ninye eere: kotzko b'ayaq li rahilal te'xk'ul eb' laj Sodoom chiru li taak'ul laa'at sa' xkutankil li raqb'a aatin”.

Sofonías 3:4

Eb' li xpropeeteb' naxik xb'een neke'xye, aj b'alaq'eb' ut aj tik'ti'eb'. Eb' laj tij neke'xmux li loq'laj na'ajej ut neke'xsach xwankil li xchaq'rab' li Yos.

Jeremías 20:16

Li winq a'an chisache'q taxaq ru jo'eb' li tenamit li ke'sache'k xb'aan li Qaawa' chi ink'a' kiril xtoq'ob'aaleb' ru. Chirab'i ta li japok e xb'aan li rahilal eq'la ut li b'oqok chi yalok sa' li wa'leb',

Génesis 13:13

Eb' laj Sodoom jwal ink'a' useb' xch'ool ut aj maakeb' chiru li Qaawa'.

Apocalipsis 22:15

Elqeb' li tz'i', eb' laj tuul, eb' laj muxuleb' rib', laj kamsineleb' ras riitz'in, eb' laj loq'oninel li yal k'oxlanb'il yos ut chixjunileb' li neke'xra ut neke'xb'aanu li tik'ti'!

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

Apocalipsis 11:8

Ut li xch'och'el sululeb' a'an te'kanaaq sa'eb' li xaalib'e re li xNimal Tenamit li naxk'ab'a'in Sodoom malaj Ejiipt chi jalb'il ru xyaalalil; aran ajwi' kik'ehe'k chiru krus li xQaawa'eb' a'an.

San Judas 1:7

Jo'kan ajwi' Sodoom, Gomoor ut eb' li tenamit li ke'wank chi xk'atq, ke'kanaak cho'q xnimal eetalil cho'q qe laa'o: anaqwan neke'xkuy li xtojb'al rix li xmaakeb' sa' li xam chi junelik xb'aan naq, kama'eb' li ánjel, ke'xmux rib' ut ke'xq'axtesi rib' chi xb'aanunkil li jo'maajo'il na'leb'.

2 Pedro 2:6

Ut kixteneb' li kamk sa' xb'eeneb' li tenamit Sodoom ut Gomoor, naq kixkanab'eb' chi chahil, jo' jun eetalil chiruheb' li ink'a' te'xpaab' li Yos sa'eb' li kutan chalkeb' re.

1 Timoteo 4:2

A'in taak'ulmanq xb'aaneb' laj b'alaq' ut eb' laj ka'pak'al u li kamenaqeb' xk'a'uxl, chanchan naq kaaxtinb'ileb' xb'aan laj eechal reheb'.

Malaquías 1:1

A'an a'in li aatin kixye li Qaawa' reheb' laj Israel chi xtz'uumal re laj Malakías.

Ezequiel 13:16

B'ar wankeb' li xpropeeteb' laj Israel, li xe'yehok tik'ti' naq xe'ril sa' moy u li tuqtuukilal cho'q re Jerusalén, ab'anan moko yaal ta?», chan li Qaawa'.

Jeremías 23:17

Neke'xye reheb' li neke'majewank we: «Li Qaawa' xye naq wanqex sa' tuqtuukil usilal». Ut reheb' li neke'xb'aanu li naraj li xjipileb': «Maajun rahilal taachalq sa' eeb'een», chankeb'”.

Jeremías 18:13

Jo'kan naq li Qaawa' kixye chi jo'ka'in: “Patz'onqex anaqwan reheb' li tenamit ut ab'ihomaq ani reheb' ak rab'ihom junaq aatin jo' a'in. Eb' laj Israel xe'xb'aanu li q'axal yib'ru.

Isaías 9:15

Li cheekel winq ut li nim xwankil, a'an li jolomej, ut li propeet aj b'alaq', a'an li xye.

Jeremías 23:22

Wi ta neke'xnaw k'aru ink'uub'ahom, a' raj lintenamit koheb' wi' chi xyeeb'al li waatin; a'aneb' raj li ke'sutq'isink reheb' wik'in re naq te'xkanab' xb'aanunkil li maa'usilal.

Jeremías 36:2

“Sik' junaq b'otb'ookil hu ut tz'iib'a chisa' chixjunileb' li aatin inyehom aawe chirix li tixk'ul laj Israel, laj Judá ut chirix chixjunileb' li tenamit chalen chaq xb'enwa toj anaqwan.

Jeremías 49:18

Juntaq'eetaq rik'in Sodoom ut Gomoor, naq ke'sache'k ru rochb'eeneb' li tenamit wankeb' chi xsutam: maajun chik taanume'q chi moko taawanq sa' li na'ajej a'an -chan li Qaawa'-.

Ezequiel 13:19

Laa'ex yal rik'in jun mooch' chi seb'aad ut jun hab'ok chi wa, nikineek'e sa' xutaan chiru lintenamit; nekek'eheb' chi kamk li ink'a' xk'ulub'eb' kamk, ut nekekol xyu'ameb' li ink'a' xk'ulub'eb' kole'k. Chi jo'kan nekeb'alaq'iheb' lintenamit li neke'paab'ank tik'ti'.

Oseas 6:10

Jwal yib'ru li kiwil sa' li tenamit Israel: eb' laj Efraín ke'xmux li xpaab'aaleb' ut eb' laj Israel ke'xb'on rib'eb'.

Amós 4:11

“Xexinsach rik'in nimla rahilal jo' kinb'aanu reheb' laj Sodoom ut eb' laj Gomoor, ut chanchanex aj chik li ru'uj si' na'elk sa' li xam naq xexkanaak. Ab'anan laa'ex ink'a' xexsutq'iik chaq wik'in”, chan li Qaawa'.

Zacarías 13:2

“Sa' li kutan a'an tinsachi li xk'ab'a'eb' li jalanil yos, sa' xteepal Judá, re naq maajun chik taajultikanq reheb'. Tinsacheb' ajwi' li propeet aj b'alaq' ut eb' li maa'us aj musiq'ej -chan li Nimajwal Yos-.

Génesis 19:24

Toja' naq li Qaawa' kixtaqla chaq asuupr ut xam sa' xb'een Sodoom ut Gomoor

Génesis 19:25

ut kixsacheb' li tenamit a'an; kixsach ajwi' li ru taq'a, chixjunileb' li wankeb' sa' li tenamit ut chixjunil li che'k'aam.

Jeremías 29:21

“Jo'ka'in xye li Nimajwal Yos, li xYos laj Israel, chirix laj Ajab, ralal laj Kolaías, ut chirix laj Sedesías, ralal laj Mahasías, li neke'roksi link'ab'a' yal re eeb'alaq'inkil: «Tinq'axtesiheb' sa' ruq' laj Nabukodonosor, li awab'ej re Babilonia, ut a'an taakamsinq reheb' cheru ajwi' laa'ex.

Lamentaciones 4:6

Li xmaak lintenamit naxq'ax ru li xmaa'usilal li tenamit Sodoom, li kisache'k ru chi junpaat chi maajun junaq kitenq'ank re.

Miqueas 1:5

Chixjunil a'in taak'ulmanq xb'aan naq eb' laj Jakob xe'xq'etq'eti rib' chiru li Yos, xb'aan naq xe'maakob'k eb' laj Israel. B'ar wank li xxe' li xq'etq'etil eb' laj Jakob? Ma ink'a' tab'i' sa' li tenamit Samaria? Ani wank re naq eb' laj Judá xe'ok chi xloq'oninkil eb' li jalanil yos? Ma ink'a' tab'i' sa' li tenamit Jerusalén?